新名校Secrets大爆訓導主任惡行　巴打：梁老師成日形容學生係狗！ | 真心膠 | 膠Hub

:0:0

返學嗰時，最怕咩老師？肥仔黎仲記得中學嗰時，個訓導主任惡到痴線，見到真係掉頭走！有學生就喺「新名校Secrets」就開Post，力數佢哋學校嘅訓導主任。
閱讀全文
事情是咁的，有學生自稱「純粹睇唔順眼嘅觀中同學(們)」，佢哋好似就來自「觀塘官立中學」。佢哋話自己學校嘅訓導主任做嘢作風好過份！究竟做咗啲咩？

內文如下：
[KTGSS] [中三] (希望admin盡快po)
雖然呢個po長咗啲，但都希望大家認真睇完佢。
梁X嬌女士，你作為訓導主任，係3C班上中文堂嘅時侯，你因為一位同學唔記得帶中文書，而揼佢嘅書包去垃圾筒隔嚟，嗰位同學並冇嬲，亦冇作出反抗，於是你就輕輕拍咗個位同學個頭幾下，仲同佢講：“真係溫順，Good dog”. 呢句極具侮辱性嘅話令到其他同學捧腹大笑，令嗰位同學當眾出醜。我真係好佩服嗰位同學，如果我係佢，我係比人揼個書包個陣就肯定同佢反咗面，更加唔洗講到佢竟然侮辱嗰位同學係狗，真係佩服嗰位同學嘅eq。
聽講最近我校有宣傳反校園欺凌，請問你呢個行為係咪校園欺凌呢？你為人師表，仲係訓導主任，咁嘅行為適當咩？

內文如下：
雖然我本來對你已經冇乜好感，但因為你係我老師，所以我都會尊重你，但經過呢件事，你係我心目中嘅地位已經歸零喇。
希望校方可以認真處理呢件事，並作出處分，唔好諗住閂埋門講。
我係到呼籲各位同學唔好收收埋埋，遇到唔公平嘅對待就要出聲，唔好因為對方係老師而淆底(驚)。
希望各位睇完呢篇文後同其他人分享下，最好就推埋上蘋果啦。我驚呢篇文冇乜影響力，校方會因為唔想影響學校聲譽而草草了事。
唔講住，我去返ktgss secret睇下個po得未先。
申利：非當事人，非該班別。
Sorry for 1999 (中文唔好)
By 純粹睇唔順眼嘅觀中同學(們)。
真係好過份！但肥仔黎怕近車太貼，所以就再去咗ktgss secret碌咗兩吓，哇！個個都講緊件事！有同學話，唔止第1次！

內文如下：
長文慎入，不喜勿插。
記得中一入黎個陣，某老師用一張圖片黎比喻我地食飯前排隊嘅情況，圖片內容大約是‘一群狗咬住食盆排隊等吃飯’。記得好深刻嘅係佢話如果我地連排隊都唔識，真係連畜牲都不如。雖然佢講嘅係事實，都係真係有必要咁樣去形容學生嗎？
又記得某年吃飯前的一堂，因為沒有人在義工表上填上名字，某位社會服務團嘅老師竟要求同學填上名字，不然不能放飯。做義工這種事情，難道不是應該心甘情願去做的嗎？為何要強逼學生去做?
曾經師兄/姐告訴我，忍一時風平浪靜，但是正因為如此，我地唔識獨立思考，淨係識盲目跟從。見到學校變成咁，唔通真係得學生嘅問題咩?唔通老師真係一D問題都冇咩?
以上只是個人自身經歷，單純想分享。
#sor for 1999

要鬧嘅大家都鬧過喺度我都唔多講
但係梁老師平時為人係點,對學生嘅態度係點, 處事嘅態度又係點，大家都有目共睹。
佢都已經唔係第一次做呢啲事, (上年學期尾發生嘅事同今次呢件事為例) 完全唔尊重啲學生, 平時似住自己年資長,肆無忌憚,目中無人, 成日搞埋曬啲小動作。人格同人品非常有問題，絕對唔係一個老師所為。
佢絕對唔係第一個,亦都唔係唯一一個老師係咁樣。好多時都因為啲同學或者家長怕事而唔企出來，令佢更橫行無忌。
今次呢件事件嘅受害人同埋之前，畀佢傷害過嘅人，希望大家可以企出嚟，公道自在人心，唔使驚㗎！
大家都唔想喺一間咁黑暗嘅學校讀書，唔可以再坐長呢啲風氣！
(順帶一提教協係其中一個渠道去投訴)之後，連登都有講呢件事，仲有埋相Tim！