父女戀被老豆棒打鴛鴦　絲打：鄭X穎同陳X琳都得啦！ | 真心膠 | 膠Hub

:0:0

鄭嘉穎同陳凱琳嘅世紀婚禮，好多人都有Follow。個個都話，只要相愛，年齡根本唔係一個問題。但究竟父母又係咪咁諗呢？有絲打就上網出Post話自己「男朋友大我16年, 老豆唔俾我地結婚」⋯⋯閱讀全文
事情是咁的，絲打有個大佢16年嘅男朋友，但最近就有啲問題出現喎！

內文如下：
佢係我舊公司個上司, 佢追我好快就一齊左, 生活同相處都好好但唯一問題係佢大我16年, 佢40歲我就24歲, 本來以為大家唔介意就OK, 但講到結婚時, 我老豆就強烈反對, 因為佢先細過老豆幾年, 老豆就話我痴線好搵唔搵搵個老野, 話睇見都唔開胃, 一定唔俾我同佢結婚…
唉.. 其實我地情況好似鄭X穎同陳X琳一樣咁, 當然我地冇佢地咁有錢啦, 同埋我男朋友都冇佢咁靚仔, 有D地中海同大肚腩咁, 我都冇陳X琳咁靚女, 但係我地真係真心相愛架嘛, 人地老豆都俾啦, 點解我老豆唔俾姐…

有網民就話：「爸爸既出發點都系為你，因為老夫少妻，你試吓坐低同你爸爸心平氣和咁傾下」、「老夫少妻，當三十、四十年之後，你要照顧他，你是很辛苦的！」

「當然拍拖年齡相距不是問題 , 最大問題是之後 , 他年紀大了 , 需要你照顧時 , 你可以嗎 ? 你爸爸都是為你幸福著想 , 個個爸爸都想自己個女幸福 !」
「你地拍左拖幾耐呀？比你爸爸睇到佢既好同覺得佢係值得交托既人，佢先至會放心既」「如果冇打算生小朋友還好，打算生小朋友的話，廿年之後，你可以獨力照顧已退休的老公、還未出身的子女嗎？還未計你父母喎」

但唔係個個都反對！

「你睇下郭富成？外父仲細過佢呀！咁又點？咪一樣生女好幸福，都婚後一年了，還咁恩愛。。。。當然你男朋友有錢就易話圍。。。。」

之後又講到錢！一句講晒「冇錢係原罪」！

各位巴打絲打又點睇呢？
膠通消息來源：香港討論區
同未來老爺奶奶旅行慘過做奴隸　絲打：俾佢哋鬧到晚晚喊暑假季節好多人都會同朋友屋企人去旅行。好多人都話如果同自己另一半去旅行都冇鬧交，證明大家好夾。不過如果係同另一半全家呢？有絲打頂唔順自己男朋友父母太過痴線而開post大呻。

個絲打打咗篇千字文去呻自己同男朋友一家去旅行嘅經歷：
我同我男朋友去英國旅行（自遊行），初時plan個時佢爸媽話想一齊去，因為未去過，咁佢地當時開到聲，唔通我話唔好咩，咁我覺得平時相處落都ok，又以前試過一齊去台灣玩，咁未算覺得一齊去當多個伴。
成個旅程都玩左接近一個月，問題就真係天天都多，而且獲獲新鮮獲獲甘。
首先，成日發怨言。我男朋友個呀爸，全程只係識得發怨言。舉幾個例子，第一，去到一啲景點，可能唔岩佢心水，佢就會話：「下！咁嫁咋？」、「都冇野好影既！」、「點解搵埋咁既景點嫁！」，我聽第一二次都仲覺得算啦，都之後基本日日都會聽到佢咁講，真係想叫佢收聲！除左識得嫌三嫌四之外就冇其他野識。

有次最過分係因為我個日安排左幾個景點，但因為頭兩個景點耐左，咁到中午食飯我就講應該趕唔切去之後個景點。咁佢就起哂話我：「你明知要去第二個景點，你就應該之前個啲冇咩野好影就快啲走啦，影條街有咩好影啫，仲要影咁耐！」（我真心覺得個條街係靚既，你影又得，當唔岩你心水就覺得人地浪費時間，咩人嚟！好喇，當佢都未講完，佢老婆就開始加把嘴講埋一份，就話：「係囉，明知個條街冇野好影就走啦，仲要影咁耐，你知趕唔切既就要講每度影幾耐夠鐘就走啦，係都要影咁耐！」
我個下真係頂你個肺，然後坐係間餐廳度俾佢兩個鬧（我男朋友去左買野食！）咁我已經唔出聲跟住係度喊，但我冇喊出聲，只係眼淚一路滴落嚟，之後成餐飯我冇出過聲。佢呀爸之後都有解釋番話佢唔係有心，可能係佢語氣重左，個刻我都覺得算啦，佢呀媽即刻就話咩唔係有心，咁都係攞出嚟講下俾下意見啫。
之後我就繼續冇出聲。

肥仔黎愈睇愈嬲！

到出左餐廳之後，我離遠就聽到佢呀媽係度鬧我，話係我既問題，係我小器。
我已經忍唔住爆喊，想冷靜下，之後我男朋友叫我上車，我話我唔想上，之後我男朋友就拖我上車，我同佢拖拉既時候就有個外國男人見到就話要報警，我男朋友爸媽嚟到，佢呀媽第一句就係鬧我，我真係哩一世都唔會忘記，佢一嚟到就指住我話：「你真係好煩！」，「點解你咁麻煩嫁啫！」，上左車之後，路程個半鐘，我喊足左個半鐘。
然後，佢呀媽永遠覺得做錯野既都係我，佢老公同個仔就永遠都冇問題。例子：男朋友起身遲，搞到遲左出門口，又係話埋我，但明明我一早搞掂哂等出門口。好似用廁所咁，永遠都話我掩廁所益沖廁係錯，就話因為我咁，叫佢老公同個仔去廁所前要抺一次個廁所板先好用。但現實係，佢地唔知邊個去完廁所，永遠都有尿蹟係廁所板上面，我每次都用洗手液清潔完我先去。

再者，佢呀媽永遠都唔會尊重我。今次我簡直係做呀四，出去食飯我想食既野永遠都唔會俾我買，原因就係因為佢唔鐘意食，（因為我地兩pair每人夾500百蚊落公數度，公數就佢呀媽keep)，好似個次想食炸雞，佢就話乾爭爭都唔好食唔好叫喇，仲要問番我：「你話係唔係？」大姐呀我講得出我想食就緊係唔係啦！想買青口番嚟煮又話成日都有得食；想食甜餐包就話要買牛角包；想食帶子又話唔好食！相反，佢想食薯蓉（話睇落好好食就即買）；想食西蘭花就即買，將我擺落去棵西芹拎番走，仲話：「哩個成日都有得食嫁啦，上次我食完（係一個親戚屋企食）都唔覺得好食！」完全個世界好似佢鐘意咩都岩佢鐘意既就得，我鐘意既就唔得！

跟住，有次我男朋友呀媽買左西蘭花番嚟煲湯，咁就岩岩好可以裝到四碗，咁佢就分啦，有一碗明顯少左，一碗明顯多左，另外兩碗就一樣。咁我見佢裝到最後個煲仲有啦，咁我以為佢會分埋俾少啲個碗啦，點知佢裝淨低既分埋落去最多個碗度，其實我一早都知最多個碗係俾佢老公，因為佢老公鐘意飲湯，但你都要將另外個三碗平均分啦！
跟住佢就將啲裝左湯既碗攞出去擺係每個人前面啦，咁我已經諗佢唔係好意思將最少個碗俾我呀嘛？！點知佢真係好意思將最少個碗俾我，然後最多個碗俾佢老公，平均個兩碗就俾佢個仔同佢自己。之後我男朋友都將半碗俾埋我，佢仲問佢個仔你做咩唔飲呀？我真係好想大巴大巴打落去佢度問佢你有冇搞錯？

接著，最好笑係我男朋友呀爸日日話要買野番酒店煮，因為出面食貴，但我聽到火都嚟，原因係只要一出去食佢就會話番去煮好過啦！我心諗，你緊係想煮嫁，煮又唔係你煮，煮完又唔係你洗，食完就散場，基本上日日我都要做野，唔係洗碗就要煮野，唔係煮野就服侍佢兩老，最好笑佢我男朋友呀媽話佢老公日日番嚟幫大家差電（就係差佢部電話同相機）已經做左好多野好辛苦嫁喇！我真係頂你個肺咩叫做辛苦咩叫做做左好多野？
仲好笑係我日日做呀四佢（我男朋友呀媽）都冇感激過或者覺得我好好。有一朝早食完早餐我冇幫手洗野，佢要佢就話我做左一朝野都冇時間做自己野（發悔氣咁講），我真心覺得4個人去旅行，永遠都係我做野，你都仲可以咁講野？！
我有俾錢嫁，行程我計劃，又要唔鐘意，又話批評哩樣個樣；又要我做呀四，做呀四都有自己想點就點既時間，我連想食自己鐘意食既野都冇權選擇！根本就係做奴隸！

最好笑佢呀媽都仲好意思發我脾氣，有次去唔知邊個景點，咁大家就行，行行下我男朋友就行開左，咁得番我同佢兩老，咁我見佢呀媽行我未跟住佢行，之後轉左個彎佢就唔見左，咁我都有搵佢，但都搵唔到，之後我就去搵我男朋友，行左陣終於見到佢啦，之後就一齊行就見番佢呀媽同呀爸，佢呀媽就開始發脾氣，西哂面咁，咁我都唔敢講野，之後就話咩都唔知行咩一個二個都唔知行去邊，咁鐘意自己行。之後我已經覺得好委屈，我係唯一一個搵你同跟你既人，但你就鬧埋我，仲要之後都仲發我脾氣，同佢老公同個仔就笑哂口，對我就西哂面。

你以為咁就完？少年人你太年輕啦，呢位絲打所積落嘅怨氣真係超多。

我真係頂佢（我男朋友呀媽）唔順，成個旅程都貼錢買難受，佢想點已經就哂佢，佢要咩就買咩，想食咩就買咩，而且自由行就係有好多out of planning既事發生嫁啦，個日hea少少又要話冇景點，冇得影相擺上網；趕唔到一個景點就話我唔識計劃，真係神又係佢兩個鬼又係佢兩個。我哩一世都唔會再同佢兩個一齊去旅行，我直頭要考慮同埋我男朋友分手！
補充：佢地貪心到不得了，將人地酒店民宿既所有咖啡茶包糖都帶走哂，袋到一大袋滿到可以夠飲一年！又將所有酒店既沖涼液洗頭水袋起哂，有次終於同男朋友兩個一訓一間房啦，咁我見有兩set我就諗終於可以袋起一套以備不時之需啦，咁我就將佢擺係床頭櫃度，到第二日走個時，我入房執野，發覺佢爸媽連我房入面我執好哂既個套都袋埋走！我真係覺得好無奈，連尊重都唔識，我未問房個套野去左邊，佢爸就話佢拎起袋好哂喇，咁我未話我想要番自己擺好個套，佢就叫我係佢個袋野度搵，佢呀媽已經又西哂面，之後我男朋友呀媽仲話：「好彩呀爸有袋起啲沖涼野你地先有得用咋！」我真係嬲到呢，但又要扮冇野！晚晚自己係床度哩埋喊。