連登仔唔讓座俾細路仔被睥　網民：識行識跳點解要讓？ | 真心膠 | 膠Hub

喺香港呢個咁「關愛」嘅城市，四肢健全，個樣睇落40歲以下都有原罪是常識吧！無論病到hihi，還是放工攰到想即刻瞓喺街，都必須篤楝企，搭車見到有位唔可以坐，更要對「批鬥座」敬而遠之，抖膽坐落吉位度？興則當場被批鬥，重則被網絡公審！「道德偉」橫行，讓座俾老人家已經變咗「不成文法例」，但唔知幾時開始，讓座要讓埋俾細路仔嘅呢？
閱讀全文
讓座俾老弱傷殘、大肚媽媽，都尚且講得過去，但係小朋友明明精力過人，幾時成為「弱勢社群」㗎？連登巴打「馬太福音第27章」都有呢個疑問：「點解而家變到要讓埋座俾細路?」說話佢有日返工搭地鐵，見有位座就座下啦，咁啱佢對面有一對母子，個小朋友扭計要坐，之後個阿媽就「睥」住樓主，點知樓主隔離嗰位讓座，個細路一聲唔該都冇就坐落去，然後佢阿媽就繼續「睥」住樓主示意佢讓位！雖然佢最尾都冇讓到，但就覺得呢個社會已經痴咗線！

點解可以咁「老奉」？細路仔真係大晒？「小朋友企得多唔好」真係有科學根據？話人牛高馬大同細路爭位坐，呢句說話真係難聽過粗口！

個仔係你自己嘅，點解可以將個責任推俾人？人哋上車先㗎！邊有同你個仔爭？

呢位巴打真係好勇敢！香港真係太多道德塔利班。

細路仔行得走得跳得，點解要讓座俾佢？係本世紀最大迷團！

細路扭下計就有得坐，同扭計買玩具異曲同工。

會唔會係父母嘅教育出咗問題？

呢位巴打就公道喇！應讓則讓，唔應讓就唔讓！

團結就是力量！一齊唔讓！

 
膠通消息來源：連登


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁