陳慧琳「隱形舖后」持廿物業睇中半億豪宅

:0:0

明年便入行25年的潮媽陳慧琳(Kelly)，一直吸金力強，早前被揭愛掃中環、尖沙咀一帶舖位，令她身家暴漲成為「隱形舖后」，加埋富貴老公劉建浩（Alex），手上持有的15個商廈寫字樓單位，兩公婆加埋持貨超過20個物業，生活早就唔使憂。不過，有投資軍師背後教路，Kelly又長做長有，近日見樓市再暢旺，蠢蠢欲動有意再掃貨，日前約同經理人鍾珍在跑馬地路過地產，對一個5,600萬豪宅似乎情有獨鍾，駐足良久研究，似乎有意再入市！
撰文：東方新地｜圖片：新傳媒圖片
閱讀全文
陳慧琳從不揸現金萬千寵愛的陳慧琳，除咗有個開珠寶店的富貴父親陳崇偉背後撐腰，事業更從未失手，吸金力強的她，早年已交由父親幫手投資買磚頭保值，近期更主攻商舖，不過Kelly不愛出名，會以親友名義或海外公司入市，低調做「隱形舖后」。據知情者透露：「入行冇耐， Kelly好快已經搵到錢，有阿爸教路，一路都有投資買物業、基金同股票，從來都唔會揸現金，咁多年買落唔少貨，近年佢仲睇中商舖升值潛力高，一賺到錢就會買，不過佢唔會自己出面，通常都係交畀阿爸同阿叔或者經理人去睇樓，佢好低調，所以一路都冇畀人發現！」

一直愛買磚頭保值的陳慧琳，早已是「隱形舖后」，日前她又同經理人鍾珍到跑馬地睇地產，更睇中一個市值5,600 萬豪宅。睇中5,600萬豪宅

同經理人鍾珍感情深厚情如母女，陳慧琳買樓投資亦同對方有商有量。接管製衣生意早是「隱形舖后」的Kelly ，老公劉建浩（Alex）一樣家底豐厚，近年Alex接管家族製衣生意，自己還投資開絲花廠、兒童家具，單是位於葵涌的公司就自置有15個寫字樓單位，夫妻持貨量驚人，Kelly受訪時就曾透露：「買嘅物業將來都會留畀兩個仔，自己一定唔會偏心！」日前，Kelly同經理人鍾珍工作完畢，聯同合作夥伴著名造型師陳顧方及美指奚仲文，到跑馬地蓮園開餐，傾偈開會個幾鐘，之後Kelly同鍾珍及助手，一齊行去睇地產，似乎有意欲再入市，更在一間地產舖頭外駐足睇到入晒神，期間她們就睇中位於黃泥涌峽道一個2,000呎豪宅，業主叫價5,600萬，鍾珍更即時用手機記低經紀聯絡電話，估計是幫Kelly 安排睇樓，有米天后入貨毫不手軟！

陳慧琳睇中一個位於黃泥涌峽道叫價 5,600 萬的豪宅，著鍾珍即時攞出手機影低資料，睇嚟對該豪宅真係好有興趣喎！

聯絡經紀同工作團隊開餐當日Kelly同經理人鍾珍，與美指奚仲文及著名造型師陳顧方工作完畢，之後再一齊到跑馬地蓮園開餐。

有兩大造型師教路，潮媽陳慧琳當日一身打扮就有型有格，生咗兩個仔身材全無走樣的Kelly ，確實得天獨厚！

超市上糧

同奚仲文及陳顧方道別後， Kelly同鍾珍及助手去咗超市上糧，做咗媽咪的Kelly，揀每樣食物都細心研究一番，保證家人食落肚夠健康。

交父親投資多年來，Kelly將收入交由父親陳崇偉幫忙投資，之前本刊便拍到陳父在加連威老道睇地舖！

為子鋪路事業家庭兩得意的Kelly，近年亦以家庭行先，將大部分時間放去照顧兩個仔，更積極投資為愛子鋪路。

陳慧琳零架子一鳴驚人、一步登天容易，靚足、紅足廿幾年、廿幾年都係咁得粉絲愛戴就真係唔容易，除咗要聲色藝俱全，仲要二十年如一日，冇架子又窩心，抵班粉絲錫至得！講緊係天后陳慧琳，雖然Kelly生咗兩個寶貝仔，不過都冇忘記班歌迷，繼續開騷出碟，但當然冇以前咁廿四小時貢獻畀樂壇，唔會以前咁日日見大家，所以早排佢去到電台宣傳新歌接受訪問，就有班渴咗佢好耐嘅Fans去到現場等佢車、支持偶像。