鄧麗欣IG高調晒愛　王子秒回：CWL！

:0:0

鄧麗欣（Stephy）自上星期公開認愛後，可能有愛情嘅滋潤下，個人特別風騷。日前，Stephy於個人社交網高調放閃，實行隔空向男友邱勝翊（王子）甜蜜晒愛！王子更瞬間秒速like post，仲留言回應女友！
Cap嚟見我
鄧麗欣高調哂愛昨日，鄧麗欣（Stephy）於個人社交網分享一張攝於紐約嘅街景相，唔好以為係張平平無奇嘅相，其實仔細睇之下就會發現成張相嘅重點原來喺條街名度！皆因Stephy所影嘅除咗係大廈外，仲有街道名「Prince St」，唔通Stephy睹名思人？
Stephy更留言指：「天大地大人來人往彼此走上了同一條道路上不早不晚不慌不忙就在我抬頭的一剎那。」似乎係想暗示自己喺對的時間遇到對的人！

網民紛紛留言有網民就為街道名「Prince St」作出幾個解讀，例如有網友就解讀成「王子街」、「Prince和st（Stephy）」、「Prince&Stephy Tang」等。

罕有高調示愛嘅Stephy就不斷被網友指佢公開示愛好sweet，亦有留言祝佢幸福，似乎唔少人都為Stephy搵到現實中嘅白馬王子而感到高興！

男友秒速回應不過，另一重點係王子喺Stephy po相後，瞬間已經秒速like咗個post，仲留言話：「C W L」有網友睇到都即刻話二人太閃！

「C W L」點解？但見到王子留言嘅「C W L」，唔少網友紛紛留言求「C W L」嘅意思，有網友就話：「網絡上寫說是在說自己的名字」眾說紛揉，小編都好想知係點解呀！

另一邊廂，王子於個人社交網晒咗一張半裸騷肌相，網民除咗大讚佢身形靚爆，有腹肌又有胸肌外，仲有人留言話佢已經有女朋友，唔好咁暴露啦！
早前，Stephy喺出席活動時，默認同前棒棒堂成員王子低調發展中。其後，Stephy嘅「老豆」杜汶澤於個人社交網上載與王子嘅合照，留話表示「我鐘意」！
應采兒撮合二人Stephy同王子同屬金牌大風，縱使識咗好耐，不過多年嚟工作上都從未有交雜，咁究竟佢哋係點發展㗎？！原來，係經由應采兒就媒人約飯局，佢哋就認識並開始熟絡，咁就撮合咗呢對情侶啦！

Stephy出席活動甜笑認愛雖則呢場姊弟戀就相差咗六年，但Stephy都有信心話依家都2018年，大家接受能力都好高，仲叫大家畀啲空間佢哋咁話。

原來係應采兒約飯局撮合咗王子同Stephy～鄧麗欣願低調保護戀情其實更早之前，Stephy已經被指喺4月與王子同遊蘇梅島，不過睇嚟當時佢哋都想護苗，所以嗰時就雙雙否認嘅～不過，認愛之後，Stephy就表示，希望低調處理感情事，因為根據佢嘅過往經驗，感情係兩個人嘅事，但因為身為藝人所以就變得好透明，而低調都只係想保護戀情。好啦，但小編都係想恭喜Stephy事業愛情兩得意，因為佢之前獲邀出席《第16屆紐約亞洲電影節》，成為首位獲得「亞洲新秀獎」嘅香港藝人，仲用英文致詞被網民大讚有進步添！

王子早喺5月2號就喺自己Facebook貼出同Stephy嘅自拍，好Sweet啊～王子左右為難另一邊廂，喺台灣嘅王子都於同日下午喺社交平台貼文，表示自己左右為難，叫大家愛屋及烏，似係間接認愛喎！睇嚟佢就怕自己啲粉絲嬲嬲豬，會連累Stephy被攻擊喇！不過，其實粉絲都係留言祝福居多，王子又唔使太擔心嘅～

王子好似都幾保護戀情，仲發文同粉絲講自己左右為難，呼籲粉絲愛屋及烏

粉絲都有留言祝福佢哋小方掩面：「別提了！」至於前度小方（方力申），日前赴廣西工作時，就喺於IG開限時動態，同粉絲互動一下，點知竟然有粉絲問佢有冇女朋友！小方就更加以手掩面，大大隻字同粉絲講「別提了！」，同甜笑認笑嘅Stephy都有啲對比喎⋯⋯

仲大大隻話別提了喎！其實小方Stephy分手之後一直都係再見亦是朋友嘅，之前一齊出席活動，小方仲係台上主動提出同舊愛Stephy握手，嚇到Stephy一面錯愕但都有大方合照。不過小編就隔住個Mon都覺得尷尬喇⋯⋯

之前小方Stephy一齊出席活動雖然小方就話「別提了」咁啦，但其實喺佢嘅另一個限時動態入面，當小方同大家介紹緊自己睇世界盃有咩宵夜食嘅時候，就無啦啦有個神秘女子一不小心攝咗入鏡，嚇到小方要連忙澄清，大呼：「佢唔係我女友我講多次⋯⋯」

小方鏡頭下嘅神秘女子都有怕羞掩面雖然Stephy小方呢對情侶當年真係好深入民心，不過話咁快都過咗兩年幾，依家見到Stephy笑得咁甜咁開心，小編都好真心祝福Stephy王子呢一對！唔知小方又會幾時先會同大家提下佢嘅女朋友呢？
Cap By：東方新地、Instagram

[圖擷取自網路，如有疑問請私訊]