撞到明星嘅N個經歷　絲打：嗰位女星把聲好女交，30蚊仲要我平！

明星都係人，都要出街睇戲食飯。唔少Fans都好想喺街上面偶遇自己鍾意嘅明星，可以趁機問吓俾唔俾影相、簽名同扼手！但幻想係美好嘅，並唔係個個現實中嘅明星都咁Nice會理你。今次King Jer就喺佢個Page開咗個Post叫人留言講吓「撞到明星嘅經歷」。
Cap嚟見我
事情是咁的，成日都聽到啲朋友講我喺邊邊邊撞到明星，肥仔黎就一次都冇撞過。但各位巴打絲打，有冇諗過，如果撞到，你第一時間會點做？而對方又會有咩反應？
被叫巴斯光年都唔嬲嘅鄧志峰好多人都話鄧梓峰貌似卡通人物巴斯光年，有啲人直程唔記得佢真名，只係叫佢巴斯。


有網民就話：

5-6年前做event既時候個mc係鄧志峰，我同個同事細細聲講佢真人睇仲似巴斯光年點知原來佢企正係我後面，我一另轉頭望到佢（勁近）忍唔到笑左出黎，佢好幽默咁問我「係咪好似呢？太空戰士一飛沖天！」係個一刻我就覺得佢人品真係好到爆

之後就有網民問巴斯光年有冇搵佢做代言？
鄧梓峰真身就現身回應！
24小時都咁好人嘅周潤發成日都話行山可以撞到周潤發，好多人仲成功搵發哥集郵！

有網民喺坐車見到佢，發哥仲好幽默咁應佢！

有網民就話：

有次揸車載住班fd
停燈位望一望隔離車
我即時大叫一聲！
「 嘩！周潤發呀！」
發哥聽到我慘叫
慢慢打開車窗
徐徐伸個頭出車窗
再望一望我車前排後排
跟住木嘴輝上身話：
「你班友仔家陣屈蛇呀？」
跟手以一個「係咁先唔係咩呀？」嘅表情踩油絕塵而去……….
我地要二、三秒後先回復清醒
嘩！大佬！周潤發扮木嘴輝氹我地開心呀！

Hey ya hey ya嘅家燕媽媽講到家燕媽媽，就一定會諗起佢隻Hey ya hey ya歌。



有網民就話：

有次event 見到家燕媽媽係澳門表演，忍唔住行去佢面前唱：hey ya hey ya hey ya x 2! 佢回左句：我一間會唱！等陣！

長髮型男鄭伊健一講起鄭伊健應該會諗起《古惑仔》系列嘅陳浩南，鄭伊健個長髮形唔係個個學到！

有網民就話：

我朋友住西貢，途經碼頭見到條友長長地頭髮 Chok 哂，忍唔住講左講「條友咩料，喇型咁。。長頭髮就以為自己係鄭伊健咩」點知條友擰轉身，原來真係鄭伊健

超級友善嘅哥哥張國榮有網民就話喺哥哥生前撞過佢，哥哥仲要好好人好Nice咁幫咗佢。


有網民就話：

十幾年前喺名店賣衫，我等緊個客喺fitting room出嚟，枱面上嘅針包跌咗落地都唔知，突然後面有人‘薯’咗我兩聲，但我聽唔清楚，跟住佢再大聲啲：妹妹，跌咗嘢啦。
喺一把好有磁性嘅聲音，擰轉面一望，原來係張國榮！我面都紅晒，然後佢好友善咁對住我微笑，呢個笑容真係好難忘… 一個星期之後，哥哥就離開咗我哋。

把聲好女交嘅連詩雅不嬲都有港女之稱嘅連詩雅都有人喺旺角撞過佢，不過網民對佢嘅評假就係負面居多。

有網民就話：

細個喺旺中返pt賣衫, 當我執緊貨, 有把好姣嘅聲問”有無得平呀?”, 我望望見針織外套個價錢牌寫住$30, 我心諗X你咩!30蚊件衫已經好撚平, 仲好意思問我有無得平? 我忍唔住望下條女, X! 原來係連詩雅嚟! 咁唔L怪得知啦!

真係唔係個個都頂得順！
俾人叫錯6號嘅陸永相信好多人都識農夫，因為除咗真係搞笑反應快之外，仲成日拍住大台女神Do姐去拍節目。

有網民就話：
我去巴黎旅行，響春天百貨channel門口排緊隊，突然見到農夫, 果陣佢地拍緊第一集Do 姐去Shopping, 未紅。我見到佢地，大叫咗一聲: 6號呀！陸永啤一啤我，我再嗌: 農夫呀！sorry 呀陸永! 陸永面黑黑無理我走開咗，但C君全程好nice 係咁笑。之後我遠距離影佢地，C君發現到仲笑晒對住我V晒手。
證明C君個人係勁nice 嘅。
係呀，如果你叫肥仔黎做瘦仔，我都嬲！
對住高Ling講⋯⋯高Ling成日都俾網民惡搞，次次都好好笑喎！


有網民就話：

試過見過高Ling真人 同佢影合照
我話”我叫long ling 丫,長ling & 高ling “ …
佢呆咗

加州暗串子華神？如果撞到黃子華，你會講咩？


有網民就話：

2003年有次喺加州紅見到黃子華，佢唔飲酒唔猜枚，淨係坐埋一邊聽歌睇人玩，嗰時我啱啱睇完佢套「一蚊雞保鑣」，我走去同佢講，「我睇咗你套戲，d橋係咪全部係你度㗎？好正好犀利」
佢反應比較平淡報以一個微笑同話：「係呀，多謝」
嗰時重細唔識諗咁多，後來睇返先知原來套戲係子華神唯一一部執導作品而且當年票房原來仆到直一直，我估當時我咁講佢心諗：「死


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁