網民惡搞古天樂堅落場版！　《今期又流行》要睇古仔最尾神反應 | 娛聞樂 | 膠Hub

:0:0

古天樂本尊現身啦！天后容祖兒近期為百老滙電器拍嘅新廣告，竟然邀得古仔喺網上別注版〈幾時都流行〉MV同時登場！新歌改編自古仔首經典金曲〈今期流行〉，MV入面更有唔少網紅演出，同埋著哂校服、大跳經典「拜神舞」嘅港日女Dancers！
閱讀全文
致敬古天樂〈今期流行〉廣告入面，祖兒身穿紅色運動服、戴上金絲眼鏡，扮演日本高校老師嘅角色，仲夥拍一班學生妹打扮嘅港日女Dancers大跳「幾時都流行」。新歌就用咗〈今期流行〉部分旋律，而歌詞同舞步都係根據〈今期流行〉嚟二次創作。最驚喜嘅當然係MV中段，古天樂型爆咁畀一班學生妹圍住登場啦！

Joey仲好似拍日劇咁，企上天台大聲告白：「我都係想聽古天樂唱吖！」

呢個時候，鏡頭一轉，就見古仔Cool爆咁講咗句：「黐線！」

古天樂戴住黑超，畀成班短裙仔學生妹Dancers氹氹轉圍住！

MV大玩集體回憶，Dancers手中攞住唔少大家心目中嘅經典Gadgets！古天樂齋企拍住手畀女圍女Dancers換上另一套復古風露腰服裝，喺個Disco舞池度繼續圍住古天樂大跳特跳，戴住黑超嘅古天樂就咁拍住手齋企都已經Chok爆啊！雖然小編都係想聽佢開金口多啲⋯⋯

歌詞都有話「好興奮越跳越近」，簡直係貼實哂啦！成班學生妹合唱〈今期流行〉改編版，喺古仔面前大跳向〈今期流行〉致敬嘅經典舞步！

天后祖兒當然都要跳番Part，展下身手啦！

MV結尾嘅NG鏡頭入面，祖兒仲大爆自己：「我都係聽古天樂大㗎！」MV其實係由柳俊江做製作人同導演，仲有香港嘅網紅Toyz同屎萊姆客串，個班底都真係幾豐富！

除咗柳俊江之外，古仔亦有喺自己嘅Instagram到上傳短片，留言都話自己知道大家期待已久！大家嘅訴求古仔你知啦，幾時出新歌啊？！

大家一齊嚟睇下個新MV啦！

當然要回味返原本首經典啦！

終極堅．古仔落場完全版

《今期又流行》堅．古仔落場版#古天樂 #容祖兒 #百老滙無俾廣告費
Posted by 講劇大時代 on Monday, 30 July 2018
識睇一定睇埋古仔同成龍講：「吊你」第37屆金像獎頒獎典禮，古天樂終於拎咗最佳男主角，不過就令人諗返起第33屆金像獎頒獎典禮，成龍喺台上做頒獎嘉賓嗰時串爆古天樂，話佢攞唔到男主角。成龍一開頭就話「咁多年嚟，輸咗嘅工作人員從來無怨言，仲要去恭喜對方、祝福對方，自己返去努力」，就咁聽落好似冇咩嘢啊！