打卡名店爆出黑鑊　網民：買一送一咪又係狗衝去排隊 | 真心膠 | 膠Hub

以「手工炒黑糖」闖出名堂，近期喺網上爆紅，台灣香港都有分店嘅台式飲品店「老虎堂 Tigersugar」被爆出黑鑊！一名自稱前員工嘅網友喺老虎堂嘅Facebook踢爆，該店嘅黑糖並非手工炒，而是用機器炒，所謂「天然黑糖」更加係添加物！由濃縮糖混合入焦糖色素、平價嘅黃色砂糖、黑糖而成，味道比真正黑糖酸，又冇天然香味！呃人！完全係呃人！嘩！咁點對得住日日喺各間分店門口排隊嗰條人龍呀？「笨7」咗嘅粉絲們仲喺唔喺FB、IG打卡好呢？


閱讀全文
前員工爆料



呢個「關公災難」核爆後，負責人楊敏宗唯有出嚟耍冧道歉，話因為舖頭成名後實在太多人排隊，員工炒糖太辛苦，客人又等得太耐，所以改為機炒，「黑糖」原料就改為向工廠攞貨喎！哦！唔該晒喎！為表歉意，更宣佈「賠錢」！台灣店一連兩天推出「波霸厚鮮奶買一送一」優惠，希望粉絲息怒！不過一波未平一波又起，4間位於台北嘅分店又爆未有「食品業者登錄字號」，即係無牌經營！點收科呢？
有看透世事嘅網民就話：「有得買一送一，仲唔成班人狗衝咩？」係囉！卡照打，「元素週期表」繼續食！是但啦！算數啦！完場㗎喇！
招牌虎紋「黑糖波霸厚鮮奶」

網民鬧爆

品牌概念……被爆大鑊前

道歉聲明


呃完你，又氹返你

日日都好多人爭住打卡

台灣好鍾意排隊

香港人好鍾意排隊

膠通消息來源：台灣蘋果日報、TVBS、東森新聞、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁