《深宮計》主角曬床照益Fans　巴打：找數真漢子

:0:0

《宮心計2深宮計》昨晚大結局，劇集收視理想，一班演員之前承諾收視高晒床照、裸照，近日馬仔、馬明、黃心穎、康華、「龍武軍」等兌現承諾，分別先後「找數」！
Cap嚟見我
《深宮計》收視高馬浚偉床照找數馬仔早前先喺IG貼咗自己一張BB祼照，佢趴喺長櫈，表情天然呆，但重要部位貼上小雞雞圖案，馬仔留言：「按目前的點播率，很快要破10億……那，三郎就發一張裸照，提早兌現承諾吧……#三郎祼照#宮心計2深宮計#」
之後又喺微博貼咗一張半身露膊照加個豬鼻，留言：「好啦好啦，破10億了！兌現承諾，不過我又白又沒什麼肌肉，真的沒什麼看頭…..那就意思意思啦！」

馬浚偉自嘲是白皮豬劇集在內地點播率已突破30億，馬浚偉找數在社交網PO了與胡定欣的「床照」，他還自嘲：「蓁兒，我們說好的……賀《宮心計2深宮計》破30億…… 其實，三郎係一隻白皮豬披著豬皮的狼」
胡定欣其後亦轉發「床照」，並留言說：「其實我轉發你張相咪得囉，30億，30億，30億…到大結局會破40億，或者會更多嗎？到時我地又要做咩嚟報答觀眾」
康華床前擺姣甫士46歲「南宮司設」康華晒側身玉背相，佢Chok擺一個咬手指嘅性感表情，留言：「《找數》在此感謝每一位喜歡南宮司設的各位，衝破31億了！多謝每一位支持！我也很喜歡這個角色！深夜見笑，你們繼續支持，我繼續努力愛你們」。
黃心穎晒小性感平躺的心穎穿著白色比堅尼，平躺住合上眼狀甚享受，佢留言：「30億的找數！謝謝你們的支持！今晚一齊為若芊慶祝生辰吧！ #找數穎 #甘若芊 #宮心計2深宮計」，網民讚性感又話流晒鼻血。
馬國明BB裸照「天然呆」女友心穎都晒水著，曾預告分享童年裸照嘅馬國明果然都「找數」，相中的BB馬明全裸露股，肥嘟嘟好可愛，唔少網民話佢原來自細有天然呆表情。
龍武軍s都有份最愛集郵嘅心穎，仲貼咗張「龍武軍」半裸上身嘅合照，話佢哋都找數喎！
一向好鍾意集郵嘅心穎BB自封「集郵穎」，以前就係借集郵狂畀高帽馬國明戴，偶像前偶像後，成功將宅男馬明收服，喺「集郵相簿」當中集得最多當然係男友馬國明。