港姐同款戰衣輕鬆入手　巴打：淘寶Model都靚過班港姐 | 真心膠 | 膠Hub

早前香港小姐首輪面試，呢排討論嘅都係邊個佳麗正，邊個似師奶去錯地方，仲有最搞笑嘅係大陸交流生著組媽tee黎見世面。相信大家對今屆佳麗都好有興趣。最近就有代購平台聲稱有港姐同款戰衣，相信大家都可以輕鬆入手，下年港姐仲唔係你咩！
閱讀全文

睇黎大家都可以輕鬆入手港姐同款戰衣，咁代表咩？咁代表你都可以參加下年香港小姐競選啊。

不過有網友突破盲腸：

果然……圖片只供參考

其實佢又冇錯，你又駁唔到。因為啲model真係靚好多，唔講以為右面係選港姐，左面係…呃…素人同款衣服穿著示範。

哇你老虎，真係頂唔順。無論係攝影技巧定係model質素都真係差得遠咗小小，冇十萬九千里都有十萬八千九百九十九里。


完全係錯誤示範

2018港姐選舉首輪面試率先睇　巴打：港姐定港豬？每年嘅香港小姐選舉真係叫人又愛又恨，大家都期待智慧與美貌並存嘅港姐出現。可惜嘅係大多數都係港豬港女多過港姐。肥仔黎諗到真係fit同襯嘅港姐，係得麥明詩一個係做到冇咩爭議。不過原來佢係2015年港姐，話咁快就3年，一齊睇睇今年有冇高汁佳麗先！

今年官方表示大約有200人報名參選，當中甚至有已經出道嘅藝人，或者參加過其他選美嘅人。例如前女團As One成員陳苑澄（Nata）、曾參加ViuTV選美節目《美選D.n.A》嘅湯沛宜（ToTo），仲有一啲係上年落選今年再接再厲嘅佳麗，甚至連大陸佳麗都有。今屆真係好有睇頭。

呢位睇落幾成熟嘅Sonia原來今日先滿18歲，參加港姐黎做生日禮物都真係幾威，起碼俾起咩18歲入馬會，睇三級片個啲勁好多。佢媽媽仲要支持佢參加，希望佢見下世面。



呢位牛仔褲係咩事，真係千奇百趣。



都幾有自信喎！


呢位小姐係咪去錯咗地方？好似連妝都冇化咁係咩事。


大媽？





呢位26歲嘅Sandy原來係模特兒同舞台劇演員，真係失敬失敬。咩叫威，咩叫疊馬？就係帶埋經理人黎呀hi你！肥仔黎就覺得麻麻喇。

左邊咪佢經理人囉。


呢位就係前女團As One成員陳苑澄（Nata），相比其他師奶真係高汁好多。

港姐除咗靚仲要有腦有智慧架嘛，當年麥明詩贏咩？咪贏佢個腦囉，10優狀元＋劍橋法律真係冇得輸。今屆都有唔少高學歷嘅佳麗。

左邊23歲嘅Samantha同右邊22歲嘅Francescan都是係英國出生回流返黎嘅高材生，Samantha就啱啱教育系畢業，Francescan就係藥劑系。Francescan隻眼細到真係唔知佢有冇邁大眼添。

最有冠軍相嘅黑馬應該係佢啦，18歲嘅Jenny有種清純嘅感覺。可惜就係佢小肥，如果佢瘦多20斤就fit喇！
膠通消息來源：網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁