兵仔出文力數女神不是！　巴打：唔好FF自己係佢男友 | 真心膠 | 膠Hub

:0:0

所謂「一日係兵，一世都係兵」，如果巴打咁好彩，幸得娘娘寵愛，可能有機會榮升大將軍，咁肥仔黎真係要恭喜你！有巴打就喺連登出Post，話「究竟點解女朋友可以咁唔識尊重我？」肥仔黎睇完就覺得，。醒啦巴打，你只係兵！
閱讀全文
是咁的，有巴打就喺連登開Post話女朋友唔識尊重自己，仲問自己到底做錯啲乜嘢。

內文如下：
自己女朋友異性緣不嬲多，同佢一齊之後。曾經要求過如果同異性出街，預先講返聲。但係女朋友性格唔鍾意俾人管住所以當時就果斷拒絕咗我。
之後，我都好順從佢意見，一直都好信任佢。好多時候佢都單獨同男仔出街。有次仲同個狗公打波而推咗我吃飯，呢件事情我一直放左係心入邊，有時候諗起都會好心痛。
佢都好驚男仔chur，所以當佢琴日去完旅行返嚟，我知道佢會好攰，所以都特登叫佢喺屋企休息幾日之後先再出嚟。同埋近排都成日send書展啲嘢俾佢，打算之後約佢一齊去睇天航嘅書。
但係佢今日同我講話佢同另外一個男仔單獨去書展，我聽到之後真係好唔開心，原因唔係因為呷醋，而係點解情願同個男仔去都唔試吓主動搵我。一齊咗咁耐，佢基本冇點試過主動，我真係好難受。
仲有一次，有個成日約佢嘅狗公仲約佢單獨去旅行，女朋友當時拒絕咗。我聽到之後就同女朋友講咁都睇唔出係狗公？之後女朋友話個20幾歲嘅男人只係唔識人情世故姐，做朋友都係可以嘅。
我都選擇咗相信，但係點解唔會選擇去尊重下我，顧及下我感受。係同佢一齊嘅呢一年入邊，自問都好有上進心，因為我要咗佢隻豬，加上本身都好鍾意佢連同責任感。就不斷去搵錢，打算下年自己買層屬於我哋兩個之間嘅樓，每次佢黎月經又或者病咗，我自己都會成日一早起身煲湯俾佢飲，我會好細心留意佢鍾意啲乜嘢，我好盡力滿足佢。但係佢好多時候應承我嘅野，都好多時候會落空。
係今日，屋企諗左好耐好耐，其實係咪真係唔夾，我真係好撚攰。我到底做錯啲乜嘢？
講到好感人，但都掩蓋唔到一個事實！