[有片]空中飛人表演途中掟老婆落地　網民：係咪一早想謀殺？ | 真心膠 | 膠Hub

美國電視節目真人騒「America’s Got Talent」，一直都吸引唔少特技人現身獻技，不過日前就發生一宗罕見意外！一對空中飛人夫妻檔「Duo Transcend」表演時意外失手，掛喺高空鞦韆上嘅老公突然「㧥手」，捉唔緊老婆隻腳，將個老婆由高空掟落地！嚇到現場嘅評判同觀眾呆L晒！

閱讀全文
「Duo Transcend」原本個表演咁：老公Tyce雙腳掛喺高空鞦韆上面，整個人倒吊，同老婆Mary配合演出，一開始表演都好順利，好幾個高難度拋接動作順利完成，之後表演難度愈來愈高，甚至喺舞台上、單槓上點火，畫面勁震撼！台下班評判都不停拍手叫好，大叫好精彩！




表演進行到最高潮嘅時候，Tyce拎出黑色布條，遮住雙眼，整個人倒吊喺空中，Mary就坐喺佢身上往下滑，正常嚟講Tyce要及時接住佢對腳，點知Tyce就係捉唔住！一野就「㧥」咗老婆落地！嚇到現場人士個個都呆L晒，唔敢睇落去！而佢哋2歲嘅囝囝Jaxx都坐咗喺觀席，睇住呢單意外發生！







評判Howie Mandel第一個打破全場嘅沉默，大聲問Mary有冇事？Mary就喺呢個時候企返起身！原來Mary跌咗地下嘅保護墊，睇落都冇嚴重受傷，笑住向觀眾揮手，之後仲要問評判可唔可以重新表演一次！不過評判們當然唔使佢咁做啦！就喺呢個時候，Tyce就落返舞台上，抱抱雙眼充滿淚水嘅老婆，現場人士為佢哋歡呼，驚嚇位頓時變成感動位！




Mary爆喊咁話，兩公婆因為經常要巡迴演出，唯有留返2歲的兒子喺屋企，所以佢有個夢想，就係能夠同老公喺拉斯維加斯擁有一個長期演出，咁就可以一家團聚啦！

咁感動又精彩嘅表現，雖有失誤，不過佢哋仍然能夠晉級，進入下一輪的比賽！

睇片
 
膠通消息來源：ETtoday新聞雲


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁