渣男始祖北上翻身 54歲走樣溫兆倫回港掃樓

:0:0

絕跡香港娛樂圈十多年的溫兆倫，風流事跡曾經成為唔少花生友熱話，試過背妻偷食郭羨妮，又試過要妻子孭上巨債，同身邊女人總有金錢糾紛，情債同錢債一樣多，堪稱娛圈渣男始祖，不過，自從13年同年輕廿載內地藝人趙庭結婚後，即被嫩妻收服變住家男兼女兒奴，乜都妻女行先，人生大逆轉，以往欠債纍纍的他，近年投資內地房地產及美容生意大有斬獲，劇集電影長做長有，身家同身形一樣翻幾番暴漲不少，現時身家已經過億，內地有唔少物業，成功北上翻身。日前，54歲走樣暴脹的他，就帶同嫩妻及四歲女兒來港掃樓，狂睇千萬新盤準備入市，認真威威！
撰文：東方新地圖片：新傳媒圖片、微博
Cap嚟見我
54歲走樣溫兆倫回港掃樓半生風流的溫兆倫，三十年前憑劇集《義不容情》走紅，不少人驚嘆當年只有24歲的他，演技收放自如，將世紀賤男演得淋漓盡致，原來戲如人生，現實生活的他感情瓜葛同樣多不勝數，最為人熟知的，要算是早年同藝人陳梅馨分手，追討女方14萬掟煲費，以及02年拍劇以菠蘿包攻陷索港姐郭羨妮芳心，可惜同時間就被踢爆，同藝能工作人員潘燕妮（Winnie）已於澳洲秘婚，更同Winnie合資炒樓欠下巨債，要妻子獨力還巨債，賤男形象令事業插晒水。

以往情債一大籮，同身邊女伴更不乏金錢轇轕的溫兆倫，自從13年娶內地藝人趙庭後，不時在微博放出一家三口合照晒幸福。

洗底變暖男有指他為避債移居內地，未料到卻令人生大逆轉，先後有過三段婚姻的他，第三任妻子趙庭，是內地藝人比他年輕二十年，兩人13年拉埋天窗，15年誕下女兒溫柔美（Anna），從此溫兆倫亦變得修心養性，風流往事成絕響，更不時在微博晒湊女家庭樂，渣男成功洗底變暖男。據知情人士透露：「可能真係人到半百，加上又生埋女，Deric （溫兆倫）成個人都變得踏實晒，唔再好似以前咁沙沙滾，鍾意處處留情，呢幾年佢好努力吸金，做完嘢一定撲返屋企湊女，視個女係佢命根，佢唔鍾意假手工人湊女，一定會自己落手落腳，所以個女好黐佢，有咗頭家，佢成日都話要搵多啲錢畀家人生活更舒適。」

同趙庭結婚七年已經過埋七年之癢，溫兆倫仲會不停冧妻，早前便在微博向老婆送上「愛的宣言」放閃，暖男表現真係唔怕人睇到骨痺！

已經移居內地的溫兆倫，成功在國內搞房地產及美容生意滾大身家，日前他就趁香港樓市回調，帶同內地老婆趙庭及四歲女兒來港旅遊兼準備入市。

經典劇帶挈可能真係時來運到，早於04年已經轉戰內地，造就溫兆倫成了較早一批北望神州的香港藝人，畀人行快一步，又有多部經典劇《義不容情》、《我本善良》、《今生無悔》等帶挈，加上不時發表愛國言論，令他機會不斷，他曾在央視訪問中，表示「香港回歸」令他終於有國家，中國就是他的根云云，近年又不停參與公益活動，成功洗底。據溫兆倫好友透露：「Deric好識把握時機，喺工作上有機會接觸唔少內地投資者，愛國同健康形象幫佢唔少，大家已經對佢完全改觀，唔多記得佢以前啲衰嘢！加上佢把口又

[圖擷取自網路，如有疑問請私訊]