選擇困難症！蔡少芬、張晉買貼身用品好認真…

:0:0

要數娛樂圈出名恩愛嘅模範夫妻，唔使講，蔡少芬同張晉一定榜上有名！結婚11年育有兩女，細女信兒都已經6歲大，但佢兩公婆次次合體都仲鬼咁sweet，煙韌到痺！
撰文：東方新地圖片：新傳媒圖片、蔡少芬微博
閱讀全文
蔡少芬張晉選擇困難症日前兩公婆難得撇低兩個女，去咗銅鑼灣拍拖行街街，又戴帽又戴口罩好神秘如臨大敵咁嘅樣，原來係去無印良品買襪仔。唔係誇張，唔係親身見證都唔知兩位對襪嘅要求咁高，成層專門店幾千呎，張晉同蔡少芬全程都淨係睇襪，仲要逐對摸逐對睇，買幾對襪啫，兩公婆圍住個襪櫃兜兜轉轉，不時商量密密斟，左度右度，最終大半個鐘先揀到三對襪咋！能成為兩公婆恩愛多年熱情不減唔止要臭味相投，同樣地原來都有選擇困難症㖭！

蔡少芬張晉拍拖去銅鑼灣行家品店，唔係買文具又唔係睇零食，而係全程專注買襪。

警覺性較高嘅蔡少芬先行發現鏡頭，友善打完招呼再提埋老公望鏡㖭！

啲襪要著上腳咁貼身，所以張晉同蔡少芬都好認真揀選，每揀一對都要商討一番。

以為終於揀完，原來張晉圍住個襪櫃行咗個圈，又再返去起點，再由第一對睇起。

只係揀幾對襪啫，都用咗大半個鐘，買完後兩公婆終於心滿意足拖住手仔離開。

結婚11年恩愛如昔，對兩女兒又錫到燶，本周一兩公婆為信兒慶祝6歲生日，一家四口齊齊放閃。蔡少芬細女愈大愈似靚媽咪網友：成個「迷你版蔡少芬」咁！有女萬事足嘅蔡少芬同張晉抽空為細女信兒慶祝6歲生日，佢哋分享咗兩張溫馨全家福，唔少網友睇完都話Chloe愈大愈似Ada！

現年45歲的蔡少芬(Ada)喺08年同內地演員張晉結婚，先後育有兩名女兒張楚兒(Zoe)和張信兒(Chloe)，上周係細女信兒6歲生日，蔡少芬事後分享溫馨全家福，唔少網友睇完都話信兒有如「迷你版蔡少芬」咁，兩母女好似樣！

兩公婆準備咗個立體大蛋糕畀囡囡，而廿四孝爸爸張晉親自操刀為女兒影相留念，睇佢幾認真！

搵番Ada細個嘅相，係咪同Chloe好似樣呢？

Ada童年

Ada童年兩個女生日好多時都喺主題樂園搞，真係緊要過自己生日㗎！

45歲的蔡少芬1989年前參加超模大賽，兩年後參加港姐獲得季軍而加入無綫拍劇，當時以最年輕視后奪得無綫第二屆視后(奪獎時為25歲）。

蔡少芬與前中國武英級運動員，現為內地藝人的張晉於2008年結婚，雖然都有繼續拍劇，不過就減少演出的機會。

蔡少芬悉心打扮囡囡繼第一季嘅內地真人騷《不可思議的媽媽》彈起咗Yumiko個得意囡囡梁浸浸之後，新一季又到喇，今次港媽代表係蔡少芬，由佢帶住7歲嘅大女楚兒同5歲細女信兒接受不同挑戰！蔡少芬 (Ada) 平時落手落腳湊女，相信上真人騷都難佢唔到，應該唔會好似Yumiko對梁浸浸咁冇晒符。Ada仲每集都悉心為兩個囡囡打扮姊妹裝，由髮型到衣著都襯埋一樣。

其實Ada唔使上真人騷，都證明佢絕對係一位不可思議的媽媽，日前細女幼稚園畢業，Ada幫囡囡打扮成公主一樣，著住天鵝裙加皇冠，一定成為全場焦點！

Ada仲親手整咗啲小食返學校，順道慶祝父親節，一整就幾十人份量，由以前嘅地獄廚神，因為兩個女變成今日嘅廚神，仲唔係不可思議？

Ada因為喺《甄環傳》做皇后娘娘喺內地人氣高企，能夠請到佢已經唔係易仲要湊住兩個女，相信有關方面用足誠意同金錢！

蔡少芬兩個囡囡首次喺電視上曝光，睇吓佢哋今次要接受乜嘢挑戰？

Ada為兩個囡囡悉心打扮，不但衣著到一式一樣，連辮子髮型都係姊妹裝！

Ada和張晉的細女張信兒幼稚園畢業，兩公婆齊齊送信兒去幼兒園，更特別為女兒打扮成公主返學，真係有心思！前一晚，Ada仲趁囡囡瞓咗覺，就趕工親製翌日學校party嘅食物！

唔止係廿四孝媽媽，之前Ada為咗細女學校的七十年代主題，仲為囡囡特製衣著，好似變魔術一樣，話變就變，果真係不可思議的媽媽！

蔡少芬張晉結婚十周年08年，Ada同張晉結束愛情長跑，更生下兩位女兒張楚兒﹑張信兒，去年1月12日係佢哋結婚十周年，佢哋為咗紀念呢個大日子，佢哋著番當年嘅婚紗同禮服同兩個囡囡影全家福，二人更留言道：「十年前的今天，我娶了你，這十年裡有風、有雨、有彩虹，還有俩搗亂的。十年前的婚纱和禮服，今天還能穿，讓我們保持身材，繼續風雨同路，看看下一個十年還能不能穿。」

兩個囡囡楚兒同信兒，就係好似花女咁祝賀爸爸媽咪結婚十周年。

十年後，著番十年前嘅婚紗同禮服，Ada更加好似食咗防腐劑咁，冇乜走樣，真係注顏有術！Ada更公開答謝老公嘅愛：「感謝天父，時間過得太急速了！十年有喜有憂有趣有怒一切一切都是滿滿的愛！如沒有主的恩典，這個家不可能如此繽紛！往後每一日，我們也會繼續堅愛，也謝謝極品張晉max，愛你啊！」so sweet！