極稀有！全球五大富豪專用信用卡，你見過未？

:0:0

Credit，好多人會考張Cert都冇；Credit Card，就阿豬阿狗都會有，仲好可能唔止一張！又話呢張要儲飛行里數、嗰張食嘢又有折、邊張又要儲分換演唱會飛。計我話信用卡呢家嘢同女一樣，有質素嘅話一張都殺哂啦，使鬼成個銀包都係咩！咁咩為之有質素？就睇下馬來西亞網站「iMoney」選出嘅「五大富豪專用信用卡」啦！
1. 美國運通百夫長(Centurion)卡

百夫長卡，亦即係傳說中嘅黑卡。話說早於80年代初，江湖就已經傳聞AE出咗一張極罕有、極高級同時又極神秘嘅「黑卡」，但事實上要等到成件事傳咗十幾年，AE先真正推出呢張「百夫長卡」。物料方面，百夫長卡用上電鍍鈦金屬，所以先有獨特嘅黑色。
要擁有AE黑卡，必須要通過AE嘅主動邀請。而最神秘嘅係AE咁多年黎都冇講過佢嘅邀請準則係咩。有指其中一個條件係每年簽帳額要達到25萬美金(約193萬港元)。當然，年費方面亦都相當「可觀」。香港區AE黑卡年費係好好意頭嘅$38800港元，首次申請要再畀一樣咁好意頭嘅$38800手續費，即係未見官就先畀8萬銀。
但係值得嘅！因為你除咗可以享受N種專貴服務，最重要嘅係碌卡冇上限。例如中國天茂集團總裁劉益謙，就試過喺2014年一個蘇富比拍賣會上面，一炮過碌咗隻盛惠2.8億嘅明代「鬥彩雞缸杯」返黎。如果用所得嘅積分去換百佳現金券，都可以換到接近140萬返黎！咁嗰八萬銀又點算係錢呢？
2. 摩根大通鈀（Palladium)卡