C9唔著衫去買餸嚇親阿仔　網民：「咁著係咪有折㗎？」 | 真心膠 | 膠Hub

媽媽可以話係世界上最大嘅笑話供應商，今次呢個笑話係由台灣搞笑藝人「香蕉」王俊傑嘅媽媽製造，話說香蕉同香蕉媽喺Line討論晚餐食乜好，最後決定各有各食，以為此post已完啦，點知香蕉媽離奇彈出一句：「全裸買梅花豬。」香蕉當堂嚇到呆L咗，唯有回覆佢「……嗯」同「別著涼了…」，咁關心母親健康，真係孝子喎！

閱讀全文
睇到呢度，相信聰嘅你都一定估到，呢個又係手機選字惹的禍啦，唔通阿媽突然咁open咩？難得阿媽咁爆咁前衛，放上Facebook同網友開心share是必須的！抵死嘅香蕉仲要問網民：「這…..要阻止嗎？」

所謂識睇一定係睇留言，交出一堆啜核留言：「請伯母別衝動」、「蕉媽尺度很大」、「你回家要被扁了」、「全裸去買可能比較便宜」、「被自動選字賣了」、「媽媽這樣母湯，露著肉買豬肉」、「全裸買有打折嗎」；亦都有網民好心幫香蕉媽還原返「全裸」嘅真正意思應，該係「全聯」；更有網民「開心大發現」咁話：「媽媽是不是很常用到『全裸』這個字眼啊！哦！Auntie你鬼馬喇！


事後香蕉將後續嘅對話share上網，原來香蕉媽鬧出嘅笑話已被其他家庭成員正，但係香蕉媽並無發現，仲強調想去「走走」，令人哭笑不得！有眼利網民更發現，香蕉PO文嘅下方正是日本街頭出現一名裸男嘅新聞，似乎Facebook都要幽Auntie一默喎！

阿媽係咪黐Q咗綫呀？

阿仔推到阿媽上報

台灣藝人「香蕉」王俊傑


膠通消息來源：ETtoday星光雲、香蕉王俊傑Facebook


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁