【有片】呢個遊樂場暗藏殺機　玩瀡滑梯玩到斷腳 | 真心膠 | 膠Hub

肥仔黎細個就唔似依家啲港孩咁多嘢玩，受盡萬千寵愛，悶就最多落去遊樂場玩，不過冇諗過原來遊樂場都暗藏殺機，一唔小心真係腳都斷。英國有母親帶18個月大嘅囝囝去公園玩瀡滑梯，點知「一瀡」就搞到囝囝斷腳。閱讀全文
基特莉（Shona Keetley）同男友占士（James），帶18個月大囝囝去公園玩瀡滑梯。基特莉抱囝囝喺滑梯上方，抱住囝囝一齊瀡落去，而男友就幫兩母子拍片。


當基特莉同囝囝瀡到一半，突然聽到「啪」一聲，而囝囝就開始喊。睇返條片先知原來囝囝瀡落嚟嗰時，隻腳屈曲咗一下，囝囝扭斷咗隻腳。


基特莉即刻送囝囝去醫院治療，又拍攝囝囝打石膏嘅片，見到囝囝跛下跛下，但都仲行到路，不過以後玩還玩，都要睇實個小朋友，小心安全。

條片見到囝囝瀡落去頭幾下都冇咩事，不過第三下就出事，痛到喊咗出嚟。唔講咁多，去片！

馬路如虎口，你估李克勤係講笑架？喺馬路邊真係要份外小心，一唔小心好易發生意外，搞出人命。
件事發生喺西里西亞省一個城鎮，有兩個女仔喺行人路行緊，但後來右邊個女仔推咗朋友一下，個力度大到竟將朋友推跌喺馬路上。

咁啱有架巴士駛緊過嚟，個女仔跌嘅位置啱啱好喺架車隔離，搞到佢差少少就俾架車「車爆頭」。
好彩嗰陣架巴士開得好慢，跌低嘅女仔先冇乜大礙，只係輕微擦傷同有瘀傷。

係呀！馬路如虎口，想睇老虎去動物園睇喇。雖然最後個女仔冇乜大礙，但係呢種行為好危險，亦引致交通擠塞。
不過有網友覺得個女仔係專登推佢朋友出馬路，最後大家可以睇下原片，嗰陣真係好驚險。

膠通消息來源：巴士的報


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁