【巴士大戰】俾廢老阿伯鬧係狗　巴士佬串爆：巴士狗揸車比狗搭呀 | 真心膠 | 膠Hub

搭巴士成日都聽到啲人講嘢好大聲，都真係幾無品。今次有女乘客喺巴士大聲講電話，巴士佬就叫佢收聲，點知有個阿伯幫拖出聲鬧埋一份，搞到變咗巴士佬大戰阿伯。閱讀全文
巴士佬喺Facebook專頁「西客之道 HIspitality」出post，話想叫個女乘客喺巴士講電話唔好咁大聲，點知俾個阿伯鬧：「你狗嚟架咋，收得人工就做嘢啦」，搞到引起罵戰。

女乘客喺車一直大聲講電話，巴士佬忍唔住就叫女乘客降低聲量，點知女乘客反問：「我講電話阻到你咩？」，巴士佬就爆seed：「係呀，你滋擾到我揸車呀。你由車尾就嘈到車頭，樓上都聽得到你把聲，你一係就收線，一係就我停埋部車比你傾飽佢」。

點知有個阿伯冇啦啦出聲幫拖，鬧個巴士佬：「你開車就開車啦，巴士公司冇出糧比你咩」、「你狗嚟架咋，收得人工就做嘢啦」。

巴士佬即刻霸氣回應：「係呀，巴士狗揸車比狗搭呀，而家有邊位趕時間自己落車啦，我唔可以專心繼續揸車，唔好意思」。阿伯聽完之後落車，巴士佬就問：「靜啦嘛？我繼續開車」。

唔少網民紛紛留言，表示撐巴士佬，大讚佢嘅行為「大快人心」、「司機好型呀」、「霸氣」、「學到嘢，向同業致敬」：





亦有網民撐阿伯，話阿伯落車有骨氣：

有網民食花生，話成個罵戰好精彩，大快人心：






膠通消息來源：星島、連登、頭條日報
火爆巴士佬用粗口叫阿婆上車成日都話咩巴士佬、的士佬、小巴佬都好鬼火爆，不過今次呢單巴士佬用粗口大戰阿婆，就真係冇俾網民鬧之餘，仲讚佢好有愛。有個阿婆搭緊㗎駛去九龍城衙前圍道嘅巴士，本身阿婆想去九龍城廣場，但佢聽咗個女乘客講所以冇啦啦落咗車，點知巴士佬就嚟料。


巴士佬除咗條安全帶，開前面車門鬧女乘客：「下個站先啱啊，你點教佢㗎？」巴士佬就爆粗：「呢個站行L死你啊！你上返嚟啦。」

阿婆上返車之後，巴士佬仲講多次：「呢個站行L死你啊！你扶住啦！」。雖然巴士佬真係好火爆仲粗口盡出，但阿婆都真係唔該晒佢。

唔少網民紛紛留言：「幫人都可以幫到爆晒粗？」、「我都聽唔到有人講粗口喎，只係見到好人司機一位」、「巴士佬好有愛」。

唔講咁多，去片！
巴士佬
好火爆！
Posted by 大娛樂家 on Friday, 10 August 2018
 
你有咩膠句想分享下？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁