【有片】熱褲妹亂過馬路俾車撞　企返起身竟然做呢樣嘢 | 真心膠 | 膠Hub

李克勤都有教，馬路如虎口，過馬路真係唔好亂嚟，隨時撞親都唔知咩事。強國有個熱褲妹亂過馬路，俾車撞到瞓低，點知企返起身竟然做呢樣嘢。閱讀全文
貴州有個熱褲妹因為貪方便，亂過馬路結果俾車撞倒，不過冇撞到暈咗，仲要企得起身，都算係不幸中之大幸。

呢個熱褲妹見到前面有斑馬線都唔過，望都唔望下兩邊有冇車，貪快打斜過馬路。突然間就有架黑色私家車駛過，熱褲妹已經避唔切，俾車撞到凌空飛起再倒地。

點知熱褲妹又企得返起身，不過佢第一時間唔係檢查自己有冇受傷，而係用手將頭髮向後「一甩」，整返好個樣，真係愛靚唔愛命。

唔少網民睇完條片紛紛留言：「頭可斷，血可流，髮型不能亂」、「遇事不慌，帥的」，「咁都冇事真係嚇到心離一離」、「睇佢下次都唔敢亂過馬路」。

有片有真相，冇咩事肥仔黎都係返出去做嘢先。

俾車撞
愛靚唔愛命～
Posted by 大娛樂家 on Monday, 3 September 2018
少女開玩笑推好友出馬路馬路如虎口，你估李克勤係講笑架？喺馬路邊真係要份外小心，一唔小心好易發生意外，搞出人命。
件事發生喺西里西亞省一個城鎮，有兩個女仔喺行人路行緊，但後來右邊個女仔推咗朋友一下，個力度大到竟將朋友推跌喺馬路上。

咁啱有架巴士駛緊過嚟，個女仔跌嘅位置啱啱好喺架車隔離，搞到佢差少少就俾架車「車爆頭」。
好彩嗰陣架巴士開得好慢，跌低嘅女仔先冇乜大礙，只係輕微擦傷同有瘀傷。


係呀！馬路如虎口，想睇老虎去動物園睇喇。雖然最後個女仔冇乜大礙，但係呢種行為好危險，亦引致交通擠塞。
不過有網友覺得個女仔係專登推佢朋友出馬路，最後大家可以睇下原片，嗰陣真係好驚險。

膠通消息來源：巴士的報


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁