【拍戲撻著】閃嫁「御用臥底」　39歲周勵淇驚喜宣佈已婚

:0:0

2018年似乎真係一個好年份，因為娛樂圈喜事浪接浪！繼昨晚蕭正楠在《萬千星輝頒獎典禮2018》宣布已娶黃翠如後，今日周勵淇都正式宣布，和丈夫傅浤鳴在家人們的見證下，按自己意願進行了簡約的婚禮儀式！恭喜傅太周勵淇！
閱讀全文
周勵淇驚喜宣布婚訊39歲周勵淇(Niki) 今日宣布已婚！Niki所屬的英皇娛樂發出聲明：「感謝大家一直以來對周勵淇的疼愛和支持。今日周勵淇向各方好友正式宣布，她已經完婚。她和她的丈夫傅浤鳴在家人們的見證下按自己意願進行了簡約的婚禮儀式，開展了人生新的一頁。本公司在此祝願一對新人甜蜜恩愛，白頭到老的同時亦謹代表周勵淇衷心多謝大家的關心和祝福。」

周勵淇與丈夫傅浤鳴。

周勵淇在個人社交網站公布喜訊。內地軍部演員傅浤鳴周勵淇丈夫傅浤鳴，前名傅程鵬，今年45歲，是一名內地演員。傅浤鳴祖籍上海，是一名內地軍部演員，屬中國人民解放軍南京軍區政治部前線文工團話劇隊成員，專演軍事和諜戰題材的電視劇。傅浤鳴去年3月與前妻程愫離婚，並育有一名8歲大兒子。

合作內地劇《卧底》成好友據知，周勵淇與傅浤鳴於2014年合作拍攝電視劇《卧底》，兩人扮演夫妻而且有不少親密戲，之後成為好友。去年兩人又曾被香港傳媒影到同枱食飯，並肩而行。

睇更多：【恭喜晒】「多謝太太令我學識點照顧人！」蕭正楠公布已娶黃翠如為妻《萬千星輝頒獎典禮2018》現正進行，各位藝員攞獎梗係開心，點知最爆嘅係蕭正楠同曹永廉奪「最受歡迎電視拍檔」時，公開講黃翠如已經成為佢太太喇！
蕭正楠已娶黃翠如為妻蕭正楠同曹永廉憑《兄弟大茶飯》奪「最受歡迎電視拍檔」，由黃翠如、洪永城頒獎。蕭正楠講得獎感受時，正式公開黃翠如為太太，令全場藝員同事超驚喜！

黃翠如親自頒獎

蕭正楠：「Sorry sorry，我係好心神彷佛，拍戲或有人嗌我都唔知，我一直諗啲好浪漫嘅嘢感動我太太，但我個腦仔有限，唔識講好多嘢，好緊張，緊張咗成晚，我都唔記得要多謝你乜嘢。我多謝你令我學識去照顧人，令我學識做個更加好嘅男人，今晚呢個承諾都好大鑊，因為全香港人都知道。」黃翠如終於開口：「夠喇，夠喇，頒獎禮嚟㗎。」蕭正楠就聽話唔再繼續﹕「多謝大家畀呢個機會我講，多謝晒！」

全場叫佢哋錫返啖先，二人都有求必應啊！

廣告時間蕭正楠攬住太太條腰，二人笑到見牙唔見眼
二人非常激動，其他同事都紛紛上前祝賀！

今年八月黃翠如上蕭正楠主持的《美女廚房》做嘉賓，被男友踩完全唔識煮嘢食的她，竟煮出令人讚不絕口的魚粥，眾主持起哄叫蕭正楠拎出求婚戒指即場求婚，又叫二人去紅棉道註冊，蕭正楠表現尷尬，而黃翠如則委屈流淚。性格率直玩起來癲喪的黃翠如，口講唔急嫁，其實已發最後通牒畀蕭正楠，誓必一年內成為人妻！
蕭正楠狂儲老婆本蕭正楠與黃翠如拍拖四年無風無浪，早已同居雙方又見晒家長，多次被傳婚訊但只聞樓梯響，原來只欠蕭正楠一個行動。出身小康之家的蕭正楠是個很穩陣的人，與黃翠如拍拖後，他的事業開始有起色，形象入屋後，拍劇做男一廣告代言亦接踵而來，不過他自覺財力未夠，未係時間娶黃翠如入門。

蕭正楠與黃翠如早已是公認的一對，屢次被傳結婚都未成事，全因蕭正楠自覺未儲夠老婆本向女友求婚。
據知情者透露：「Edwin (蕭正楠) 好怕人哋話佢係百億女婿，佢想真係儲到一筆錢，買到一層樓畀翠如揸手先諗結婚，所以到依家仍未正式向翠如求婚，佢話想留個美好嘅回憶，到時一定會有大大粒鑽戒，唔會令翠如失望。翠如知道男友咁為佢又上進當然開心，不過佢10月就37歲，再加上佢唔係好想上位爭視后嗰種人，所以舊年停工周遊列國做慈善探訪，Edwin就留喺香港拍劇拍節目繼續搏殺，翠如話就話唔急結婚，因為佢唔想公開畀太大壓力Edwin，不過佢睇愛情睇得咁重，點會唔想結婚？早前翠如帶Edwin返娘家食飯，翠如屋企人都有提過結婚嘅事，翠如即場幫Edwin擋駕話有晒計劃，畀埋最後通牒Edwin，希望一年內會成事。其實Edwin同翠如都係好慳嘅人，除咗日常生活基本開支，最多就係去旅行，佢哋一齊儲緊錢，應該都離目標唔遠。」要娶父親是上市公司主席黃永華的「百億千金」黃翠如入門，蕭正楠當然要努力搵銀，除了在無綫拍劇keep住人氣，兩年前年他積極進軍飲食界，投資漢堡包店做老闆，經營一年多生意已上軌道，至今已開設分店成功滾大老婆本。

無綫一線小生花旦買少見少，黃翠如與蕭正楠絕對是近年的潛質股，二人都受力捧，既拍劇又主持節目，向視后視帝進發。
收到女友的最後通牒，蕭正楠當然要加快腳步，最近被問何時結婚，他終於有實質答案：「希望不久嘅將來會結啦，結婚要計劃好多嘢，你估好似《天若有情》咁，捉佢上電單車，掟個垃圾桶，攞件婚紗就話結婚咩？好多嘢要安排，照顧雙方家長好多嘢要搞。」

自去年暑假開始唔接劇的黃翠如，月初終於開拍新劇《過街英雄》，首次與森美合作，又係演傻大姐搞笑角色。
抑壓太耐要釋放為了畀時間蕭正楠在事業上衝刺，黃翠如刻意放慢自己的腳步，停工差不多一年的她，走訪多個第三世界國家，跟健身教練做運動又學打鼓，盡量充實自己填滿自己的時間表，等了又等的她上周六 (18日) 在《美女廚房》終於真情流露。蕭正楠曾多次公開表示女友是地獄廚神，亦未曾正式食過黃翠如親手煮的嘢，今次黃翠如亮相他主持的《美女廚房》，第一回合煮羊滕只有蕭正楠肯食晒，不過都係畀1分，其後煮自選菜色時，黃翠如的魚粥獲所有男評判一致讚賞，蕭正楠更被慫恿即場拎出戒指求婚，又大叫二人要去紅棉道註冊，就在蕭正楠扭扭擰擰不知如何是好時，黃翠如突然委屈到喊出來，最後蕭正楠尷尬地走出去攬攬女友安慰完場。

黃翠如出名正能量爆棚，早前因行山休克令她體會到健康的重要，開始跟好姊妹唐詩詠一齊做運動。

此外，黃翠如更熱心慈善工作，早前隨宣明會去孟加拉探訪助養兒童，可見她身心都非常健康。
呢一喊好充分咁表現出黃翠如內心係幾咁脆弱，幾咁想成為蕭太受到保護，唔好睇佢平時男仔頭，其實都有一顆恨嫁的心，如果蕭正楠鍾意食魚粥，咁就一定更加唔可以錯過，最後通牒都出埋，愛得太遲嘅後果分分鐘冇艇搭㗎！

自與黃翠如拍拖，蕭正楠形象變得入屋討好，劇接劇之餘仲主持《美女廚房》及《兄弟大茶飯》，keep住有人氣。

緊張男友早已同居的蕭正楠與黃翠如，相處如老夫老妻，日前黃翠如在IG放穿bra top做瑜伽的照片，蕭正楠即投訴。

黃翠如買康樂園做嫁妝黃翠如貴為一線花旦，吸金能力不容忽視，入行多年的她一直希望靠自己上車買樓，日前本刊記者見她揸車到大埔娘家接完三妹黃麗茵，再駛去大埔康樂園睇樓，知情者透露：「翠如娘家喺大埔，所以佢都想買番大埔嘅樓，佢依家嘅同居竇華景山莊係Edwin同屋企人買，翠如好想有個自己夢寐以求嘅愛巢，康樂園嘅獨立屋就最啱佢心水。」現時康樂園一個千多呎的獨立屋要2千萬起錶，對於黃翠如來講絕對負擔得起。

戴愛情手繩

黃翠如到達大埔康樂園後把車泊在物業服務處，笑住接受本刊記者訪問，對於蕭正楠遲遲未求婚，她笑說：「呢樣嘢你自己問番佢！」當時其右手戴住大家姐外遊時為她求的愛情手繩，可見她對愛情非常渴求。

娘家接三妹本刊記者見黃翠如把車停泊在康樂園物業服務處門口，即上前採訪，黃翠如聲稱是陪細妹來辦事，問到何時有婚期？她說:「冇特別都係咁！暫時都係咁！」對於有指蕭正楠好衰，遲遲未有求婚，她反應極大：「呢樣嘢你自己同佢 (蕭正楠) 講啦！」兩姊妹去完康樂園就返回位於大埔寶馬山的娘家，未幾蕭正楠收工亦由曹永廉送到屋苑門口，見他拎住盒芝士撻，看來是孝敬未來岳父岳母。蕭正楠在黃翠如娘家食埋晚飯才離開，由他揸車載住黃翠如一起返回華景山莊，返到屋企黃翠如先上樓，蕭正楠負責泊車。