女星喊一喊頒獎禮就有獎拎！巴打：我都識喊啦！大L晒？

臨近《萬千星輝頒獎典禮2018》，大家都非常關心視帝視后會由邊個奪得！為咗拎獎，大家都落足力拉票宣傳！有眼利嘅網民就發現每次臨頒獎時，都會有人走出嚟打苦情牌，搏同情！
閱讀全文
視帝視后花落誰家一直都係網民所關心嘅話題，對一眾藝人嚟講同樣咁重要！藝人辛辛苦苦工作為的就是得到大家的欣賞和贊同，一年一度嘅頒獎禮正正反映到佢哋嘅努力俾大家見到！

不過，有巴打就發現每次就到頒獎禮，啲女星就會多咗好多慘情故事。早唔報遲唔報，時間就是這麼的剛好！就好似上年視后唐詩詠同洪永城分手嘅報導就喺頒獎禮前熱炒。

而今年視后大熱人選之一嘅煒哥，接受訪問時提到自己離婚嘅經歷。巴打對佢咁行為表示不滿，大鬧佢博同情，本來對佢冇咩嘢，宜家反而覺得好反感咁話！


其實煒哥有實力就係人都知架啦，巴打就覺得佢唔需要用呢啲方法去宣傳！
好似上年視后唐詩詠都有俾人話用喊嚟換獎，當時最引人爭議嘅係佢明明係女配角嘅戲份，但就可以擊敗萱萱拎到最佳女主角。





大台的確有好多人捱咗好耐都同攞獎無緣，但如果就咁就俾獎嘅話，咁馬明BB呢！


呢啲行為搞到大家都覺得視后好似好易拎，喊一喊就有份，完全無晒公信力！


膠通消息來源：香港討論區、東方新地、網上圖片
睇埋：網友插《兄弟姊妹去旅行》三大死因 巴打：又一垃圾節目！近期無綫播出嘅《兄弟姊妹去旅行》搵嚟蕭正楠、曹永廉、胡定欣、姚子羚擔任主持，有留意開嘅網民都知佢哋幾個一直都係好朋友，老友鬼鬼嘅佢哋今次仲可以一齊去旅行，相信會有唔少火花！
佢哋幾個一向出名玩得又講得，大家互相串嚟串去都無有怕，一眾觀眾就最鐘意睇佢哋四人之間嘅互動！

但網民對呢個節目就評價麻麻啦，佢哋歸納咗三大主因：
1.唔夠爆不過有巴打就唔係幾滿意佢哋今次嘅表現啦！佢表示以前子羚明明講過會喺《兄弟姊妹去旅行》瘋狂派甜，但點個最後連砂糖都無粒 。

巴打覺得好失望，仲話啊田套《女人四十》派甜仲多過佢哋！

巴打本來一心期待子羚會有更爆嘅言行，因為上次佢喺《兄弟大茶飯》就表現好出色！
傳送門：0:50-1:09

肥仔黎就幫佢哋平反下，呢啲「有味」對話佢哋都仲有Keep住講嘅。
  

2.內容好悶悶係一個節目嘅死忌，即表示你吸引唔到人去睇！有巴打都話係俾宣傳呃咗入去睇，明明就好悶！佢哋無認真介紹到有咩好玩，就係喺度嘻嘻哈哈！

個個都話又悶又唔好睇！



3.節目一忽忽可能佢哋之間「有味對話」太多，所以就要後期剪接剪走晒啲對話，搞到啲內容一忽忽，巴打話睇到好辛苦！無計啦，始終係俾一家大細睇，費時俾人投訴有不雅內容啦！

膠通消息來源：香港討論區、TVB截圖、蕭正楠Facebook


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁