《深宮計》嗒完胡定欣再上周秀娜　網民：馬浚偉你真識食！

:0:0

剛有新劇《宮心計2深宮計》開播的馬浚偉，大談重返無綫拍《深宮計》嘅感受，以及對網民指佢最適合演清裝嘅評價，仲劇透自己喺《深宮計》入面嘅角色，絕對唔再係「正義L」！
Cap嚟見我
馬浚偉：「要出去闖吓」點解會離開又返番無綫？馬浚偉指：「我12年尾離開無綫，13年尾我已經以部頭約形式返去，拍咗《守業者》，去年再返去拍《宮心計2深宮計》，我諗喺唔喺無綫裡面唔係最重要，問題係個情感仲喺咪度。我自己第一集電台節目都請咗樂(易玲)小姐，當初我同佢的確喺工作上有啲理念唔係好一致，亦都有少少誤會，但我哋依家係好好嘅朋友，回想番，當初大家都有不足嘅地方，我哋私底下傾咗好多次偈。」

馬浚偉13年尾曾以部頭約形式返無綫拍《守業者》，當時大結局收視都有32點。搶先睇鹹濕周秀娜本文壓軸最尾有片！

想睇18集馬浚偉「鹹濕周秀娜」場面，請留意呢篇文章最底嘅預告！馬浚偉續說：「我決定離開無綫，一嚟自己都到咗一個樽頸位，第二，做一個男藝人，應該要出去闖吓、要見吓出面嘅世界，同唔同嘅製作人合作，合作過先知道點樣再去提升自己。依家我同TVB都仲係部頭約嘅形式，啱嘅角色、劇本，我就會返去，如果唔係，我都會畀自己繼續喺出面自自由由，依家我身上冇任何一張合約，我只簽畀我自己公司。」
對收視冇壓力

馬浚偉主演講宮鬥的《宮心計2深宮計》：「我最鍾意嘅係今次每一個演員都有發揮，每一個都有一條自己嘅線，環環緊扣，內容好豐富。」而講到再返去拍《深宮計》嘅感受，馬浚偉表示：「《深宮計》真心講，係好值得睇嘅一套劇集，佢係騰訊投資，同無綫合作嘅合拍劇，第二係全單機拍攝，以往拍電視係三部機拍，今次全部係電影咁嘅形式，每一個鏡頭都要執一次燈，效果真係好靚。」

劇集拍攝期特別長，有睇劇的觀眾可以留意畫面細節有別一般廠景劇。李隆基唔係李龍基「個故事講我飾演嘅唐玄宗李隆基，我同太平公主陳煒本來一齊對付我阿哥，後尾各自心懷不軌，佢想做女皇帝，我想做皇帝，就展開鬥爭。今次《深》唔淨止女人嘅鬥爭，鬥爭會更加複雜，人物會更加多。」

抗拒做正義L問佢對收視有冇壓力同期望？馬浚偉笑言：「冇嘞，依家唔會再有呢啲壓力㗎嘞，因為依家嘅收視計法都唔同晒，以前冇咁多平台，以前大家要睇真係要喺電視睇，加上依家內地嘅平台可能快過香港，嗰度都搶咗啲收視，我全經理人合約拍無綫最後一部《當旺爸爸》，第一個禮拜收視都三十點，嗰時三十點係門檻嚟咋，依家收視點計我都唔知嘞，總之我嘅心態就係最緊要觀眾覺得好睇，收視對我嚟講，都唔介意，當然希望收視好啦！」

2009年主演《碧血鹽梟》，除了與楊怡合唱主題曲《愛怎麼說》，還有這句經典對白。自認「最適合演清裝」提及網民指馬浚偉最適合演清裝，而且大部分都係演正面嘅角色，馬浚偉直言：「我承認我好適合演清裝，其實我自己都鍾意，我好鍾意剃光頭，因為我好怕打理頭髮，每次拍清裝啲人覺得我好大犧牲，其實我心裡面諗『正，呢半年又唔使整頭。』同埋我個頭形前面好圓，的確幾適合清裝頭，所以我自己係鍾意嘅。至於網民話我做親都係正面嘅角色，你咪講得好聽，通常呢啲叫正義L，我認，我自己都怕，所以由我離開無綫再返去，我已經講唔好再搵我做好人角色，我唔想做，(梅)小青姐兩年前搵我做《深》，我第一個條件就話純老正角色就唔好嘞，觀眾睇得辛苦、我自己都悶。所以個個都話徐志摩係渣男，我就係想做呢啲囉！」

馬浚偉選劇本著重質量與挑戰：「你哋唔會諗到我做嘅角色，譬如變態之類，以後未必咁大機會見到馬浚偉做正義聯盟。」馬浚偉入行被噓足兩年馬浚偉憶述入行第一間唱片公司係華納唱片，第一隻唱片係《幸運就是遇到你》：「當時Paco(黃柏高)簽我，喺華納三年，出咗三隻唱片。之後冇再做唱片，唔關當年唱片市道唔好事，係我自己第三隻碟唔賣得啫。我似唔似黎明？以前似㗎，特別係以前入行嗰時個髮型！」

出道時被指似黎明，馬浚偉笑言：「我知佢最近嘅大喜事，我好戥佢開心呀！」（2007年無線劇集《突圍行動》經典Cap圖）年尾出碟仆直《妙手仁心》翻身當年首張大碟唱片公司用「他不是學友、他不是克勤、他不是黎明」做宣傳口號，馬浚偉笑言：「有行內人直頭話：『乜你唱片公司度句咁嘅嘢？害死你！』我真係畀人噓足兩年，但唱片OK、第一、第二隻都賣得嘅，但真係每次出場，好多其他嘅fans都會噓，佢哋未必會明白，句嘢都唔係我度嘅，但唱片公司咁度有冇原因呢？有！因為嗰時我9月出碟，負責同事話：『年尾嘞，你一定要有啲嘩眾取寵少少嘅嘢去吸引人注意。』我覺得『吓？』但我唔會怪佢哋，因為喺市場策劃上唔係完全冇道理，但的確令我條路難行咗，如果新人係要由零分開始，我嗰時係由負十分開始，去到《妙手仁心》出街，我係完全feel到啲觀眾另一種態度，個個好友善：『嗰個醫生仔，好得意、好好！』嗰時開始演藝事業有幾大轉變。」

做電台得著多講到查小欣曾大讚馬浚偉：「你睇馬浚偉幾紅，依家全世界都有聽佢個電台節目！依家做電台節目最紅係佢！」
馬浚偉笑言：「多謝小欣姐，小欣姐一向都偏心我。點解會做電台？其實我好多年前，喺香港電台做過主持，港台第二台嘅杜雯惠一放假就搵我去頂，或者同佢一齊主持節目。我對廣播係有興趣嘅，亦都有班人話我把聲適合做電台，呢樣嘢烙印咗喺個心入面。去年商台《晴朗的一天出發》之後，有半個鐘頭嘅節目時間，係Stephen(陳志雲)做，我有聽，一路到曾鈺成先生嘅《鈺成千里目》，到田北俊先生嘅《田式生活》，到吳雨大哥嘅《娛樂大哥》，因為我好早起身，成日都聽到晒呢啲節目。有次同陳志雲傾開偈，我話：『有時間我做啦！』就係咁，《偶然・馬浚偉》呢個名唔係我諗，係商台陳聰、郭志仁知道我會再做《偶然・徐志摩》所以諗出嚟。」

馬浚偉去年9月起主持電台節目，嘉賓來自不同界別，包括周慧敏、陳寶珠、鄧萃雯、劉慧卿、林鄭月娥、范徐麗泰等：「咁多冇可能接受訪問嘅人都接受咗我訪問，喺我演藝又好，馬浚偉人生歷程又好，我都有好大得著。」

作為「黃雨改圖KOL」，今年現身天文台facebook，跟天文台台台長岑智明親解探討為何黃雨會水浸。馬浚偉指做電台節目有好多得著：「因為今次我全部嘉賓都係我自己約，有啲係我識嘅，有好多我唔識嘅，我真係厚住面皮，最後個個都接受我訪問，當中都有啲好有爭議性嘅嘉賓，譬如好多人唔明我點解會訪問陳淑莊、特首，咁多政界嘅人，我唔係特別鍾意訪問政界，而係我鍾意訪問唔同界別嘅人，而我喺節目入面唔係同佢討論佢嗰個界別嘅嘢，係我想透過我嘅節目去還原一個人。」
感情戲碼劇中馬浚偉所飾演（李隆基），與胡定欣飾演（王蓁）有感情戲碼！當中不少得鴛鴦戲水及床上嘅戲碼！