90後女星墾丁自駕遊走數　網民：炒車唔賠仲屈人恐嚇

香港人又一次柒出國際！仲要又係租車自駕遊出事！今次事主係明星喎，不過條女就唔係好多人識啦，21歲參加過「中華才藝小姐」，嗱，唔好誤會，呢個「華姐」唔係果個「華姐（國際中華小姐競選）」呀，乜野係「中華才藝小姐」？唔知好過知，總之係濕9選舉啦！
Cap嚟見我

條女叫賴彥妤（Vivienna），上星期日（10日）同條仔去台灣墾丁租車自駕遊，還車前炒咗人地架車，事後俾咗1.3萬元新台幣（約3,385港元）間租車公司作為賠償同拖車費，以為俾咗呢筆錢就無事，原來賴彥妤仲答應咗租車公司，會另外賠整車期間無法出租嘅營業損失等共4萬元新台幣（約10,417港元），不過租車公司負責人而家就話條女返香港後失咗蹤同拒絕付款，賴彥妤回應就話：「係對方出言恐嚇，已交律師處理。」



有圖有真相！租車公司同條女嘅對話！

 
講返條女先，之前有網站訪問過佢，佢話自己畢業於城市大學工商管理學系，自三歲起學習芭蕾、拉丁及街舞，擁有八級鋼琴資格，鍾意打籃球同滑水。


 
賴彥妤2014年參加中華才藝小姐獲得季軍，2016年參賽Miss Diva奪亞軍，推出寫真集，其後參演《賭城風雲II》、《寒戰II》及《大浪淘沙》等電影，並擔任now tv飲食節目主持及獲邀無綫《有樓萬事足》任嘉賓，現時報稱任職模特兒及理財策劃師。佢亦曾參與品牌Dior、Lancome等fashion show。

下面係之前網站訪問內容：1.分享一下妳之前參加過的中華才藝小姐的趣事？
我熱愛參與選美活動，對自己有自信，能散發一種特有的氣質。

2. 介紹一下妳做飲食節目主持的一些趣事？
NOWTV及一些網台都主持過飲食節目，自己鍾意較健談，做起節目會更有感染力。

3. 妳較喜歡唱歌還是演戲？
演戲和跳舞較熱愛，喜歡挑戰不同的造型，帶給不一樣的她給觀眾。

4. 介紹一下妳早前參與過的電影？
電影有《賭城風雲II》，《寒戰II》和《大浪淘沙》。

5. 妳最鐘意自己邊個部位？
腳 ，滿意自己身高。

6. 擇偶條件係咩呢？
陽光、成熟，不時讚美她及愛運動。

7. 妳最鐘意邊個演員？
謝霆峰、古天樂，有型格的星味。

8. 鍾意演邊類角色？
女扮男裝的角色，淑女及賢妻型角色。

9. 假如拍攝一個旅遊節目，妳要同一個好討厭的人去，妳會點處理？
工作至上，做好本份。

10.分享一下妳在入行後遇到最有趣的事？
準備充足的時候上台，但因緊張而忘記步驟而要自己執生的時候。

11. 妳跳開邊類型的舞？
三歲起已經學習芭蕾舞，之後學拉丁舞，現在較專注拉丁及街舞。


仲有訪問片
Cap by Stars-hk


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁