700蚊食謝師宴竟然冇冷氣　網民反插：學生本身就有問題 | 真心膠 | 膠Hub

:0:0

俾咁多錢去酒店食嘢緊係想舒舒服服食正嘢，點諗到去到食嘢竟然冇冷氣，要喺一個成30℃嘅環境食自助餐，想熱死人咩？最近有家長嬲爆話個女去酒店參加謝師宴，去到竟然得風扇，啲嘢食又熱到變壞晒，真係貼錢買難受。閱讀全文
有家長喺討論區出post，話個女俾咗700蚊去五星級酒店參加學校謝師宴，點知去到酒店竟然冇冷氣，得幾把「大風扇」，啲嘢食仲要熱到變壞晒。樓主嬲到post咗幾張當時「大風扇」嘅相，仲用手機測試酒店當時嘅溫度，有成 30℃，癡線！咁熱叫人點食啊？

有疑似係酒店職員發攻，話酒店當日因水力供應故障，搞到朝早10 點就開始冇冷氣，淨係得返流動空調，而當日下午時段嘅自助餐booking就取消晒。

唔少網民留言話間酒店不負責任、又叫酒店回水。亦有網民覺得班學生同老師都有問題，既然佢哋覺得熱，覺得酒店應該做返啲嘢，但當時班學生同老師又唔出聲？。網民又狂插班老師，話佢哋寧願早走都唔幫學生出頭。不過有網民就理性分析，話酒店如果出現咁嘅情況又有通知食客，咁就緊係冇問題，但如果有通知而食客最終都係決定去，咁就係食客嘅問題啦。

考完DSE，一群又一群中學雞著靚靚去「Grad Din」嘅季節！濃妝低胸嘅囡囡同美腿、第一次著西裝嘅MK仔出沒注意！喂！有冇理過一班毒L、窮L嘅感受㗎？有網民覺得，話就話謝師宴，實際上就女同學搵藉口扮靚，男同學乘機買西裝扮大人之嘛！去到咪又係一堆堆自己友圍威喂！究竟邊L度「謝師」呀？仲有呀！自己未識搵錢，就叫老豆老母錢俾成千蚊你去酒店食一餐，仲要食埋星洲炒米呢啲平凡嘢，實在太荒謬！自己毒，諗住摺埋唔去啦！點知搞手話唔去都要俾錢，話要夾返錢請老師食飯喎，簡直就係打劫！究竟「謝師宴食咁L貴係咪香港獨有」？