接受唔到男友送嘢俾女同事　網民：佢根本鍾意個人妻 | 多戀事 | 膠Hub

:0:0

情侶一齊總有啲嘢令對方接受唔到嘅，唔知一班絲打最接受唔到男朋友咩行為呢？有絲打接受唔到男朋友成日送嘢俾女同事，仲喺連登出post發洩，一齊睇下究竟發生咩事啦！
閱讀全文
樓主開咗個post話接受唔到男朋友成日送嘢俾個女同事，大概幾個月一次，買幾百蚊至千幾蚊嘅嘢，唔一定係特別節日或者特別事先會送。男朋友會去了解女同事喜好，唔係求其送啲百搭嘢，好似最近知道咗女同事想買airpod，男朋友就訂完擺喺女同事檯頭，原因係對方成日送野比佢，覺得人情上要回禮。雖然女同事就已婚嘅，而樓主男朋友冇因為對其他人好而吝嗇喺佢身上付出，不過樓主對於男朋友對其他異性咁好，真係好介意，仲因為咁鬧咗好多次交。

個女同事又成日whatsapp男朋友話掛住佢，樓主唔明點解佢地唔可以避忌下：「我相信就算你收人好多禮物唔回禮，人地都會明你有女朋友，唔駛怕唔好意思，而且你送嘢俾人都唔expect人地要回禮你先送。」

樓主由一開始控制唔到情緒去質問，到之後好聲好氣嘗試去傾、去試探、去旁敲側擊，用其他例子嚟討論。佢話：「之前送嘅我可以冇所謂，佢唔覺得有問題，不知者不罪，我認埋錯，我唔應該覺得有問題就即刻嘈佢，我只係要求由依家開始停止姐。」

樓主繼續爆seed：「兩個人一齊好多嘢冇得講啱定錯，只係在唔在乎對方感受。我因為佢送嘢俾人而唔開心，佢都可以因為冇得送嘢俾人而唔開心，只係睇邊樣嘢對段關係重要啲，同埋邊個肯妥協多啲。但係依家點樣都好，都係冇得傾，冇得改變，依家唯一可以改變就係我自己心態，究竟係咪我佔有慾太強，係我問題？」

有網友食花生：
昂山seulgi

係咪覺得佢對女同事仲好過對女朋友咁

邪惡熨斗

其實佢地辛苦過你互相相愛但不能係埋一齊

Dom老公落街

Send個post比女同事老公睇

On9

我都識一個一模一樣嘅男仔，我地好fd
佢話根本係鐘意個個人妻，不過知自己冇可能先搵一個水泡，sp又好，感情寄托又好
佢女朋友同個人妻我都叫識識地
佢對佢女朋友真係好好，又帶去旅行又送禮物
佢唔親口同我講我都唔信事實係咁
個人妻就同佢識左好耐，都係keep 住挑逗條仔
有冇扑野我就唔知了（佢地話冇我都未必會信）
上面我唔係X up XX樓主,每隻字都可以發誓係真
我唔知係唔係條仔係咪一樣心態
但係上面係一個點樣嘅故事，樓主自己參透下

Royal級