帶住架電動車搭港鐵被趕　強國大媽：求皇帝，畀啲人情 | 真心膠 | 膠Hub

:0:0

帶單車上地鐵要拆轆就係人都知啦，不過唔准帶電動車上地鐵，就未必人人都知！尋晚有條疑似強國大媽帶住架電動車搭港鐵，俾港鐵職員截查，仲要求佢落車搭其他交通工具。
閱讀全文

根據網民指，條片應該係尋晚12點左右，一個帶鄉音嘅強國大媽，帶住架1米高嘅電動單車，大約喺九龍灣站附近時，就俾港鐵一名男職員發現，要求大媽落車轉搭其他交通工具，但係強國大媽即刻好激動，又跪又拜又叩頭咁話：「求皇帝，畀啲人情啦」

強國大媽一路唔停咁講：「唔該！求下你俾啲人情啦！」，又話「我唔識字呀！我冇讀書呀！畀啲人情啦！」男職員見佢咁激動，都叫大媽冷靜啲，但大媽完全無冷靜跡象，男職員只好用對講機向同事求助。最後，大媽由職員陪同下，喺牛頭角站落車，根據在場花生友指，港鐵職員最後無對大媽作出任何罰則。

有巴打就指，其實現時港鐵附例列明：「每名乘搭市區綫列車的乘客只可攜帶一件長闊高相加的尺寸總和不超過170厘米、而任何一邊的長度均不超過130厘米的行李。」所以就算單車拆轆或摺埋搭港鐵，車身都唔可以長過130厘米！
如果電動車拆轆又唔超過130厘米，可能真係俾上港鐵架！
求皇帝，畀啲人情
Posted by O咀新聞台 on Saturday, 12 May 2018
2015年時，都有一單三輪電動車搭港鐵嘅爭議，有人影到一個外籍中年男人，揸住架貼住「法拉利」標誌嘅三輪電動車，由油麻地站出閘，有職員曾上前查問，但最後認為輪椅符合港鐵附例，中年男人終獲放行！

有網民指，港鐵職員之所以放行，係因為車背貼有「Disable Scooter For Handicap Person」（殘疾人士代步車）字樣，似用作輪椅。
其實港鐵不時都有奇人奇事發生，之前就有個女人喺車廂當場屙尿！搭港鐵人有三急點算好？有網民昨日在社交群組發帖，稱從將軍澳搭往北角方向時，驚見一名少婦「踎喺地鐵入面屙尿」。他表示，不想公審他人，但事件令他感到傷心，「點解香港會變成咁樣」。
由照片可見，婦人並沒有除下牛仔褲蹲在車廂內，有疑似尿液從褲滲出。發帖網民坦言「估唔到日光日白都有人可以旁若無人踎喺地鐵入面屙尿。」

帖文上載至今有逾300個留言，不少網民批評事件噁心，影響衞生。但亦有網民認為對方是身體有毛病，「我覺得似失禁多啲喎」，但隨即有人反駁她可以使用成人尿片，「如生理上的病，老人家出街都識用紙尿褲啦！」
有傳媒向港鐵查詢，港鐵表示，在將軍澳線及港島線並無收到有關個案，「不清楚情況」。
港鐵又表示，一般而言，部分車站設有公共洗手間可使用，在沒有公共洗手間的車站，有需要可聯絡職員借用洗手間。

有包容網民表示事主好可能有病：「真係有女人開刀生仔以後，傷口黏連，幾十年都要用『踎嘅角度』先去到廁所，企響度谷尿會好痛。我諗影相既人見人抱住個B，不如上前問下有無嘢幫手仲好。」有網民又嘗試從「正常角度」推測案情：「正常不會地鐵上尿，可能是身體健康出了間題，忍不住，才出現這種情況，人隨著年齡增長，少做運動，膀光肌肉有點鬆弛，想忍也忍不住尿⋯⋯」