點解班00後唔識打中文？　巴打：普教中，個個用拼音！ | 真心膠 | 膠Hub

所謂見微知著，一件少少嘅事，已經見到我哋個社會起咗微妙嘅變化。有連登巴打就發現，而家啲00後，大部分都唔識打中文，所謂嘅唔識打中文，係指佢哋唔識打倉頡、速成，佢哋一係用手寫，一係用語音輸入，一係打普通話拼音，點解會咁嘅？明明80後、90後讀中小學嘅時候，學校有教打字，除咗少部分學校教九方，個個識打速成，所以去到職場亦都暢通無阻。但係去到00後呢代，由於太多人唔識打中文，佢哋去到一啲公司實習嘅時候就經常遇到麻煩，究竟點解會有呢個情況出現呢？有心水清嘅巴打就話，一切源於「普教中」，搞到啲人連語言習慣都改變埋！
閱讀全文
時代真係變喇！主流都變少數！

00後現身說法。

Voice來voice去唔煩咩？不如打字咪仲快？

仲有個問題係，愈來愈多後生仔打「5p字」：吾、系、牙，遲啲兩登仲會唔會有人鬧「吾你老X」？

突破盲腸！咪就係因為普教中囉！


打字嘅準確度真係唔係voice message可比。

口講廣東話，但又用普通話拼音打字，咁佢其實用邊種語言去思考呢？

「普教中」一代將全面進場！

可惜粵語拼音輸入法始終未興起過。

捱唔到兩個世代。

00後開始進入職場，問題就大了！

以前真係好多人靠打機學速成，因為要同人嗌交，打字一定要夠快！


 
 
80後、90後兩代嘅集體回憶，當年日chat夜chat，打字話咁快就學識。

成日打長篇大論嘅Xanga文、Blog文，打字功是這樣練成的。

科技愈發達，人腦愈退化？

相信一眾巴絲打最唔想見到呢一日……

 
膠通消息來源：連登


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁