全家福仔女搶晒鏡！謝安琪細女激似張繼聰童年 | 娛聞樂 | 膠Hub

藝人張繼聰同太太謝安琪（Kay）一直被網民公認為恩愛夫妻，佢哋嘅仔女張瞻（James）同張靖（Karina）同樣受網民喜愛。近日張繼聰一家就一齊去咗睇展覽，佢哋一家人仲襯好晒Dress code，而且影咗張好Chok嘅大合照上載到社交平台，不過張全家福嘅焦點就放到兩個小朋友身上，不少網民都覺得佢哋大得太快喇！
閱讀全文
謝安琪細女好識擺甫士張繼聰一家四口一直都受到網民追捧，佢哋兩公婆仲不時擺仔女嘅生活片段到社交網站同網民分享。早排要忙住出席各大頒獎禮嘅Kay依家終於可以抖吓喇，呢日佢就同埋屋企人一齊去咗睇畫家小克嘅畫展，張繼聰仲將分享咗佢哋嘅全家福。不過，張相就畀兩個小朋友搶晒鏡，特別係呢一張合照，梳住噴泉頭嘅哥哥張瞻單手叉住腰，Chok到爆！

喺相入面到見，兩個小朋友唔經唔覺已經大個咗好多，11歲嘅張瞻已經學識打扮，仲高到去媽媽嘅膊頭！兩兄妹仲學識擺甫士，哥哥識Chok樣，而妹妹張靖兩隻手篤住臉仔扮可愛，張繼聰同謝安琪都冇佢哋咁搶鏡！阿聰仲留言話「#哥哥曉擺甫#妹妹識插袋」。
張全家幅畀兩位小朋友搶晒鏡！不少網民都大讚「妹妹真係好得意」、「哥哥賣型！妹妹賣萌」、「全家型到一個點！依家連妹妹都識擺post」

妹妹張靖兩隻手篤住臉仔扮可愛已經11歲嘅哥哥真係長大咗好多！

2016年嘅張瞻

張繼聰考囡囡點叫老竇其實張繼聰呢家人耐不耐就會喺個人社交網上載相片或短片，分享生活點滴嘅同時，兩公婆亦愛互相留言「窒」對方，以打情罵俏嘅方式曲線放閃！之前張繼聰就上載一段不斷問囡囡「動物點叫」嘅對答短片喺個人社交網，片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫，而呀囡亦非常有耐性咁續一回答「谷谷」、「咩咩」嘅叫聲，非常萌爆！

問到鴨仔點叫時，KaKaBall仲勁叻叻豬咁拎起隻膠鴨仔畀老竇睇，真係醒目呀！

經過一輪問動物點叫嘅對答後，張繼聰終於入自己心中一直想問嘅正題，佢就問呀女：「咁爹哋點樣叫㗎？」

KaKaBall諗一諗後，就勁醒目咁答：「阿聰！」聽到老竇起勢咁爆笑！

就連唔少網民睇到都一致讚KaKaBall既精靈又夠醒目、可愛呀！有網友仲話忍唔住要睇多幾次添！

張繼聰「花式自殺」？KaKaBall面對住老竇一個又一個提問都咁耐心答每個問題，難怪謝安琪（Kay）即刻留言指：「可憐呢位小朋友，每晚都要答咁多問題……」張繼聰就回應老婆：「同佢爸爸一樣」有網友就留言指呢個係「花式自殺系列」認真笑爆嘴！
張繼聰連環問問題KaKaBalll耐性答老竇連環問題，已經唔係第一次，幾日前嘅另一段溫馨短片中，張繼聰講完「BB要奶奶，爸爸要Chu Chu～」就不斷問呀女「邊個要奶奶？」、「邊個要ChuChu？」、「爸爸要？爸爸要？」

 
雖然KaKaBall聽到一頭霧水，但依然好乖咁回答老竇，真是小啲耐性都頂呢個老竇唔順。

張繼聰：我係佢最大


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁