【好人好事】學生考試搭錯車 好心司機乘客出錢幫手

最近係考試季，好多學生都開始溫書準備考試。日前有學生心急返學考試，但係大懵上錯巴士，導致有機會考試遲到。好彩有好心司機同乘客協助轉乘的士，最後啱啱好趕得切返學應考。學生媽媽最近於網上發文，表揚該好心司機及乘客，好多網民都表示被感動，仲話原來香港仲有好多好人！
撰文：KM| 圖片：Facebook 專頁 將軍澳、google map
閱讀全文
學生考試搭錯車 好心司機乘客出錢幫手趕返學最近有網民於Facebook專頁將軍澳發帖，表示囝囝之前返學考試，但係大懵搭錯車。當時巴士司機就話下個站冇咁快到，話畀$100學生搭的士返學，話「考試最重要」。然後有一位好心乘客就話采頤花園好難截的士，主動陪學生喺譽港灣落車並幫手截的士，仲畀咗$100學生搭的士。
采頤花園譽港灣最後該學生啱啱好喺7:59返到學校，趕得切考試。學生媽媽就希望藉著帖文聯絡2名好心人，希望可以報答佢哋。

網民大呼感動：香港仲有好人！好多網民睇完事件後，表示非常感動，仲話：「香港仲有好人！」。亦有網民表示如果想表揚巴士司機可以致電或寫信到巴士公司，亦有網民建議可以拎筆錢去做善事。

亦有部份網民分享佢哋受過嘅好人好事。
 

資料來源：SundayKiss


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁