李雲迪超索女徒弟李元玲曝光天使與魔鬼完美混合體！

:0:0

近日，鋼琴王子李雲迪愛徒、29歲嘅李元玲（Cathryn）紅爆成個網絡，皆因除咗佢來頭唔細之外，呢位鋼琴美女唔止彈得一手好琴，仲要多才多藝、樣靚兼身材勁索爆！
閱讀全文
李雲迪超索女徒弟李元玲曝光近日爆紅嘅29歲李元玲來自馬來西亞，係鋼琴王子李雲迪愛徒，同時佢仲有美女鋼琴家之稱，來頭絕對唔細！
話說Cathryn出身自富裕庭，高中畢業後就隨即遠赴英國伯明罕音樂學院深造，而且喺音樂學院推薦下，令佢成功拜入李雲迪門下！
連續幾年喺德國慕尼黑接受師父李雲迪指導，有琴技就一梗嘅！不過，最煞食都係Cathryn個火辣身材啦！
身高170cm嘅Cathryn體重只得45kg，而體脂更只有12%！無論係體重定體脂數字，都睇到唔少網友嘩嘩聲！
呢位鋼琴家女神雖然偏瘦，但身材絕對係玲瓏浮凸，有事業線加埋條馬甲線睇落好似無限伸延咁，再加上纖腰、靚股同長腿，真係索到噴血！
除咗前面好有睇頭，其實女神背後都仲有條長線，就係背脊條線！真係肥啲都見唔到背脊呢條線呀！
Cathryn樣靚身材正，平日都好鐘意post啲泳衣相上個人社交網，名副其實有料又怕咩騷出嚟！晒出南半球嘅Cathryn真係睇到唔少人心跳加速呀！
不過，唔好以為Cathryn身材咁好係天生嘅，皆因佢平時得閒都會去做下gym，練身型！
另外，Cathryn事實上仲係個多才多藝嘅人，除咗彈鋼琴了得，芭蕾舞都係佢其中一個強項！難怪咁有體態美！
被發掘入行Cathryn嘅IG仲有成96萬追蹤者，可謂係個網絡紅人！
紅到咁，Cathryn亦都喺機緣巧合下被范冰冰嘅助理發掘，進入演藝圈，並曾到香港發展，參演由張家輝執導嘅電影《盂蘭神功》及錢國偉嘅《辣警霸王花》等！