著名作家另類方法攞車　網民：啲泊車L真係好麻煩 | 真心膠 | 膠Hub

:0:0

香港人不嬲都好易躁底，好多時都會因為小事而投訴人。琴日香港作家徐緣都遇到好白癡嘅事。但係佢就好冷靜咁解決問題。
閱讀全文

是咁的，琴日作家徐緣架車就係停車場被阻。搞到佢入唔到車，佢就用另類嘅方法冷靜處理。佢事後係facebook分享，仲得到好多share。

佢係自己facebook分享自己停車場嘅奇遇，得到好多人嘅分享。佢咁講：

【停車場奇遇記】- 徐緣
今日銅鑼灣世貿中心，上演了一幕停車場奇遇記，主角，是我。
話說開完會到停車場攞車，旁邊的七人車泊到過曬線，把我司機位車門那邊封住，而左邊靠牆，也開不了門。
四門皆封，有車取不得。
我沒有燥底，因為我知燥底解決不了問題。
嘗試找停車場職員求助，最快出現的救星，是位譚仔口音的制服阿姐：「呢架係時租車，禾牡司機資料，搵唔到佢。禾叫管理廁，喺商場照咪搵吓個車主。」
我跟阿姐分析，車主未必在商場中，等叫咪機會渺茫，不過不妨一試。
「係嫁，但我都牡辦法。一係你爆剪啦。禾幫你唔到。」
我沒有燥底，因為我知燥底解決不了問題。
人生從未試過打 999，估不到第一次「爆剪」，是為了攞車。999 報警熱線問清了狀況、拿了我的資料後，說警察會很快過來幫我。
3 分鐘後，電話響起：「警察嗰邊打嚟嘅，有乜嘢可以幫到你？」我重覆了一次自己的狀況，警察哥哥說：「明白，過緊嚟。」
又 3 分鐘後，電話又響起：「先生，我了解咗，你嗰度係私人停車場，唔係泊街，我幫你唔到。」
「吓！咁邊個幫到我呢？」
「一係你 Call 吊雞拖走頂住你嗰架車。」
我冷靜地問阿 Sir：「得嘅咩？任何市民覺得旁邊架車頂住佢，都可以隨時 Call 架吊雞拖走佢，咁會唔會天下大亂呢？」
阿 Sir 靜左 3 秒後：「你自己搵返停車場幫你啦，你嗰度係私人地方，我幫你唔到。」
再問阿 Sir：「其實我話俾你聽頂住我架車嘅車牌，你可否打去運輸署搵到個車主嘅手機，Call 佢嚟駛開架車呢？」
阿 Sir 靜左 3 秒後：「我問問，轉頭覆你。」
等待期間，制服阿姐找了停車場後生保安同事過來。後生仔說：「嘩！架車咁自私嘅，佢自己嗰邊就大把位落，但頂死曬你嗰邊。」
這時電話響起：「問咗，我地警察冇權咁樣攞車主資料。你都係搵返停車場職員幫你啦。」
我沒有燥底，因為我知燥底解決不了問題。
我跟後生保安職員說：「差佬叫我 Call 吊雞拖走旁邊架車，你可唔可以幫我？」
保安哥哥指一指個入口：「Sorry，Call 吊雞都冇用，樓底唔夠高駛唔到入嚟。」
我知道對這兩位停車場職員發脾氣，也是無補於事，決定將她們變成「盟友」。
最後的解決方法是，我問阿姐借兩枝棍，兩邊門都開條罅仔，再跟後生保安合力，兩個傅家俊上身，一人一邊伸枝棍入去，一個篤 Brake，一個篤電子撻車掣。
阿姐也有幫忙，幫忙在旁邊叫「揸油」。
篤了幾次也失敗，因為大家一邊篤，一邊忍唔住笑：「喂！你嗰邊篤咗未？我篤咗！你篤咗未？」
「篤」多藝熟下，終於撻著架車。架車有電，才可以開電動窗。但由於門罅太窄，伸手按不了開窗掣，唯有再次召喚奧蘇利雲，洞西篤電動窗掣。
幾經辛苦把窗全開，在最後捐進去之前，我叫保安哥哥幫我揸機，拍下歷史一刻。
把車駛出車位剎那，兩位職員笑得很燦爛地歡送我。我那時想，若果開初發爛咋，他們大概不會如此落力幫我。雖然浪費了一點時間，但保持心境平和開朗，壞事，最終都可以變成一件值得回味的趣事。
P.S. 還好保安哥哥沒有影到頂著我那架七人車的車牌。有時想，這個城市未免戾氣太重，何不與人為善？見到不少專欄作家或網絡紅人，自身遇到一點不快，就借自己地盤進行網絡公審，未免太浪費了自己得來不易的影響力。

真係不得不佩服佢嘅冷靜同埋涵養。

【停車場奇遇記】- 徐緣今日銅鑼灣世貿中心，上演了一幕停車場奇遇記，主角，是我。話說開完會到停車場攞車，旁邊的七人車泊到過曬線，把我司機位車門那邊封住，而左邊靠牆，也開不了門。四門皆封，有車取不得。我沒有燥底，因為我知燥底解決不了問題。嘗試找停車場職員求助，最快出現的救星，是位譚仔口音的制服阿姐：「呢架係時租車，禾牡司機資料，搵唔到佢。禾叫管理廁，喺商場照咪搵吓個車主。」我跟阿姐分析，車主未必在商場中，等叫咪機會渺茫，不過不妨一試。「係嫁，但我都牡辦法。一係你爆剪啦。禾幫你唔到。」我沒有燥底，因為我知燥底解決不了問題。人生從未試過打 999，估不到第一次「爆剪」，是為了攞車。999 報警熱線問清了狀況、拿了我的資料後，說警察會很快過來幫我。3 分鐘後，電話響起：「警察嗰邊打嚟嘅，有乜嘢可以幫到你？」我重覆了一次自己的狀況，警察哥哥說：「明白，過緊嚟。」又 3 分鐘後，電話又響起：「先生，我了解咗，你嗰度係私人停車場，唔係泊街，我幫你唔到。」「吓！咁邊個幫到我呢？」「一係你 Call 吊雞拖走頂住你嗰架車。」我冷靜地問阿 Sir：「得嘅咩？任何市民覺得旁邊架車頂住佢，都可以隨時 Call 架吊雞拖走佢，咁會唔會天下大亂呢？」阿 Sir 靜左 3 秒後：「你自己搵返停車場幫你啦，你嗰度係私人地方，我幫你唔到。」再問阿 Sir：「其實我話俾你聽頂住我架車嘅車牌，你可否打去運輸署搵到個車主嘅手機，Call 佢嚟駛開架車呢？」阿 Sir 靜左 3 秒後：「我問問，轉頭覆你。」等待期間，制服阿姐找了停車場後生保安同事過來。後生仔說：「嘩！架車咁自私嘅，佢自己嗰邊就大把位落，但頂死曬你嗰邊。」這時電話響起：「問咗，我地警察冇權咁樣攞車主資料。你都係搵返停車場職員幫你啦。」我沒有燥底，因為我知燥底解決不了問題。我跟後生保安職員說：「差佬叫我 Call 吊雞拖走旁邊架車，你可唔可以幫我？」保安哥哥指一指個入口：「Sorry，Call 吊雞都冇用，樓底唔夠高駛唔到入嚟。」我知道對這兩位停車場職員發脾氣，也是無補於事，決定將她們變成「盟友」。最後的解決方法是，我問阿姐借兩枝棍，兩邊門都開條罅仔，再跟後生保安合力，兩個傅家俊上身，一人一邊伸枝棍入去，一個篤 Brake，一個篤電子撻車掣。阿姐也有幫忙，幫忙在旁邊叫「揸油」。篤了幾次也失敗，因為大家一邊篤，一邊忍唔住笑：「喂！你嗰邊篤咗未？我篤咗！你篤咗未？」「篤」多藝熟下，終於撻著架車。架車有電，才可以開電動窗。但由於門罅太窄，伸手按不了開窗掣，唯有再次召喚奧蘇利雲，洞西篤電動窗掣。幾經辛苦把窗全開，在最後捐進去之前，我叫保安哥哥幫我揸機，拍下歷史一刻。把車駛出車位剎那，兩位職員笑得很燦爛地歡送我。我那時想，若果開初發爛咋，他們大概不會如此落力幫我。雖然浪費了一點時間，但保持心境平和開朗，壞事，最終都可以變成一件值得回味的趣事。P.S. 還好保安哥哥沒有影到頂著我那架七人車的車牌。有時想，這個城市未免戾氣太重，何不與人為善？見到不少專欄作家或網絡紅人，自身遇到一點不快，就借自己地盤進行網絡公審，未免太浪費了自己得來不易的影響力。
Posted by 徐緣 on Friday, 15 June 2018

[圖擷取自網路，如有疑問請私訊]