笑9巴打無力養家老婆啞忍　3姑6婆暗串：你間屋又細又Cheap！ | 回帶Site | 膠Hub

好多人成日都好八挂，想睇人哋Whatsapp同其他人講咩，往往都睇到啲唔應該睇嘅嘢！今次有個老公，唔小心睇咗老婆同啲親戚嘅Whatsapp對話，睇完之後，真係火都嚟！
閱讀全文
巴打上咗香討開Post「新年後，發現老婆俾佢D親朋戚友笑…」，原來新年嗰時，老婆班親戚朋友話上去拜年。樓主知道自己屋企細，就已經同佢哋講咗唔好介意，成個過程都好開心。

點知，原來啲3姑6婆表面冇野，內裡就係咁笑同怨，仲喺whatsapp group佢地係咁嘈，俾說話佢老婆聽：「能力唔夠，俾唔到幸福你㗎」！


巴打當然好嬲，但佢老婆完全冇同佢提起依件事，佢就覺得自己老婆好好。佢仲留言話自己間屋都有500尺，但都係覺得自己好冇用，好嬲但又唔知點做好，覺得自己好對唔住佢老婆！

唔少網民都俾咗意見！
－小多－

恭喜師兄有個好老婆
口係人地度, 你唔好理, 多愛你老婆就是
如果覺得委屈左老婆, 今晚買枝花送佢, 同佢食餐好的

泰利哥哥

唔需要理其他人嘅。做人最緊要自己對將來有計劃。如果本身冇咪的起心肝去諗點做囉。

阿嘉絲

洗咪理d垃圾親戚講乜呀,最緊要兩公婆開開心心。佢哋嫌屋細唔嚟拜年仲好,出年連利是都慳番唔洗派。

激死未

老婆在乎老公對佢好唔好, 多過間屋有幾大, 主次唔好攪錯.
“室雅何須大，花香不在多”, 愛巢是自己的, 充滿溫馨就夠.

candican

間屋可能暫時唔夠好 但有個好老婆搭夠

conpoy

大陸啲地方梗係大過香港好多

張保仔皇帝妹

親戚又講得岩既
無本事既男人只會比人笑
無錢搬大屋搞到老婆要同你住蝸居，人地都會笑你老婆點解會揀你！
地方甘細，仔都唔洗旨意生啦！
窮L真係唔好結婚，累左個女人呀
人地已經好比面你，無當口當面話你啦

SIG226

咁在意狗吠只會令你成世人唔安樂

肥仔黎：巴打加油！
膠通消息來源：香討


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁