港版選角日劇經典《同一屋簷下》　網民鬧爆：係咪喜愛夜蒲老年版

:0:0

94年係日劇嘅經典時分，可惜嗰陣肥仔黎我根本未出世，連精蟲都唔係。你話我知《同一屋簷下》好經典，我真係唔識，我相信好多新一代都係咁。不過唔緊要神劇經典就係俾人不斷翻拍，再俾網友觀眾鬧拍得唔好。最後大家走返去睇初版，所以新一代嘅你地今次有機會睇返呢到傳說中嘅日劇經典神劇喇。
Cap嚟見我

《同一屋簷下》講六兄弟姊妹小個被迫分開，長大後重聚一齊嘅故事。當年「達也」由江口洋介飾演、「雅也」為福山雅治、「小雪」為酒井法子；而港版「達也」就會變成張智霖、「雅也」為周柏豪、「小雪」變成連詩雅。姐係張智霖要同周柏豪爭連詩雅，睇到呢個組合真係笑咗。唔知以為係喜愛夜蒲老年版。

其他重要角色都星光熠熠，有胡杏兒，周秀娜，張建聲等等，港版已經預計會係今年秋天開拍22集，由《選戰》嘅導演黃國輝負責，暫定下年播出。

不過都話呢套劇係經典，咩係經典？經典咪點拍都會俾人鬧嘅劇囉，今次網友紛紛話咪玩啦，對於選角好唔滿意。

「咪玩啦，搵啲三十幾四十歲嘅人做十零廿歲嘅角色」
「珠玉在前，選角氣質差太遠」
「周柏豪 replaces 福山雅治，差十萬九千里」
「咪搵連詩雅做小雪呀」
「跪求唔好啦」
「自取其辱，何苦呢」
「不要破壞我們美好的回憶啦」
「可以將劇名改做『同一屋簷下（零演技版）』」
「改叫《同屋風暴》就算啦」

呢套神劇當年平均收視有28.2% 更加係富士電視台最高收視劇集之一，港版真係好難超越。

當中嘅江口洋介、福山雅治、酒井法子、山本耕史都係因為呢套劇紅，福山雅治到依家都仲係男神，大文豪做翻相同角色真係好大壓力。

呢套日劇就sell親情，呢班年輕人青澀嘅樣要班30幾歲嘅人去做，都真係幾難，難怪網民話咪玩喇。

一齊聽聽當年嘅主題曲！

最近喺日本熱播嘅BL神劇《大叔的愛》，香港都有唔少粉絲追看，劇情勁爆笑！網民睇睇下就覺得入面唔少角色都熟口熟面，仲FF下如果搵港版嘅話，可以搵邊啲香港藝人呢？網絡紅人King Jer早前就開咗個post，同粉絲們一齊傾下《大叔的愛》港版嘅陣容，大家都一致認為許廷鏗同男主角春田田完全係撞樣，劉丹亦都同部長勁似！唔知兩位會唔會考慮接納廣大嘅網民意見，拍返套港版BL神劇呢？

King Jer 深入討論劇中「港版選角」組合，網民聯手提供劇情，幾乎可以開拍咁水滯⋯⋯

丹爺早就示範過 hehe 情！唔講唔知，原來早在2015年嘅處境劇《愛回家》，丹爺同黎諾懿都上演過一幕「壁咚」時，雖然丹爺表情十分無奈，但都睇到大家都津津樂道！

面對示愛，劉丹瞪大對眼，勁有少女情懷，真係睇見都覺得個心卜卜跳。許廷鏗「芳心暗許」劉丹哥可能就未知呢單嘢，不過許廷鏗就有留意喇！佢唔止追post，連劇都追埋，仲一睇就睇晒5集，停唔到咁話喎！真係咁好睇？hehe……

著西裝嘅許牙醫真係幾似春田田：

佢嘅緋聞密友：「胡鴻鈞」都同春田田嘅室友「牧凌太」，又係好似樣喎：

全港最似部長嘅男演員一定係劉丹！

「港版」大叔的愛！黎諾懿示範禁戀

丹爺個樣好痛苦！早幾年《愛．回家》加插當時流行嘅「壁咚」場面，但就好前衛到玩HeHe版「壁咚」。劇中講到劉丹唔明「壁咚」嘅意思，黎諾懿就親身示範，不過劉丹面露痛苦，仲嫌對方口臭，似乎唔多受得住呢場禁戀！

唔少網友都留言表示呢幕「好重口味」，唔浪漫又冇晒遐想空間，就係咁，本來可以領先於日本的基情處境劇，就無疾而終⋯⋯真係辛苦晒！

至於日劇，其實係講乜呢⋯⋯《大叔的愛》劇情簡介渴望結婚卻完全不受歡迎的33歲單身男・春田創一（田中圭飾），於上班途中被誤以為是痴漢時，得到尊敬的能幹上司・黑澤武藏（吉田鋼太郎飾）幫助得以解圍。在以為能鬆一口氣時，春田看到了「不該看到」的東西。那是⋯⋯黑澤的手機鎖屏壁紙上的，是春田的照片！嗯？？？在春田內心動搖不已之時，更在工作中，從黑澤的電腦上發現存有大量自己照片的文件夾！

完全陷入驚慌的春田開始警戒著黑澤，然後帥氣後輩職員・牧凌太（林遣都飾）從總公司調動過來。牧禮儀端正，工作認真拼命，而且廚藝了得。而因為母親渴望兒子能獨立生活，就把家事仍不能好好自理的春田趕出來，在遇上牧後，春田便提出同居的邀請。牧立刻接受邀約，春田亦對牧的「女子力」充滿感動！

回不了頭，依家睇見劇照只想起叉燒炳個樣xd最絕宣傳手法：「黑澤部長」的個人Instagram帳號！現在幾乎每套日劇都會有官方Instagram、Twitter帳號，用以宣傳劇集看點、播出時間、演員們「沒吃藥」的搞笑互動照片等等，替劇集宣傳。而劇組除官方帳號外，還善用黑澤部長喜歡「偷拍」春田的行為，為他開設了個人Instagram帳號！

黑澤部長的個人Instagram帳號。日本網民 Twitter評價：「太有趣了！下集快來！」雖然無論表面上，還是實際上，也是一套同性戀愛劇，但在觀賞期間，真的不能不佩服劇組及演員們的實力！劇情與一般少女漫畫改編的日劇無異，但除愛情元素外，還有更大量的搞笑元素！黑澤部長的妄想畫面與春田的顏藝太逗趣！

另外必須提到的，是劇集的世界觀。劇集雖以同性純愛為主題，但故事背景就是我們身處的世界，不會強加漫畫世界裡的夢幻元素。主人公的抵觸、不知所措等情緒，容易得到觀眾理解及共鳴，同時，對於向主人公表達單純的「春田，我喜歡你！」心情的黑澤與牧，卻也能像看普遍的愛情劇般，湧出向他們加油打氣的心情。這就是《大叔的愛》的特別之處，用輕鬆詼諧的處理手法，講述兩段對同性主人公的單純感情。

[圖擷取自網路，如有疑問請私訊]