【柒到飛起】港男用粗口怒吊警察　兇警一句秒回KO | 真心膠 | 膠Hub

:0:0

呢啲咪叫禍從口出囉，真係千期唔好以為人哋唔識廣東話就亂講粗口。事關廣東話粗口博大精深，仲要深入民心。連台灣警察都識，真係唔講得笑。
閱讀全文
有港男喺台灣就蝦人唔識廣東話，因為俾台灣警察抄牌而問候人地老母，搞到俾人拘捕。

呢位脾氣暴躁嘅港男同屋企人去台灣玩，佢就包車去九份玩一日。但係佢地停車嘅地方就唔違法嘅，咁好正路俾當地警察抄牌罰錢。

當台警喺度開牛肉乾嘅時候，港男就怒睥台警，台警問佢做咩嘅時候，港男就一句X你老母，去問候人地媽媽。

台警即刻叫佢落車以觸犯妨害公務罪，拘捕佢。港男黑人問號咗，佢辯稱：

「我在說廣東話，又沒有在罵你！」

台警霸氣怒吼：

「這句髒話，台灣人都聽得懂！」

之後就拉咗佢返差館，最後呢位柒到飛起嘅港男要俾一萬台幣先可以保釋。

基隆地檢署發言人指，如果港男潛逃返香港冇出庭，佢可能被通緝：

「在開庭時沒有來，保釋金會被沒收，發佈通緝令，那他可能一輩子也來不了台灣。」

台灣導演蘇三毛曾經喺facebook上載自製未經審定嘅「台灣罵人價目表」，引起熱議。（蘇三毛fb截圖）

所以大家無論幾時都要尊重其他人，千其唔好因為爆粗而被人通緝啊！
近日網上流傳一段車cam片，事緣係有個女乘客搭完的士俾錢嗰時，用500蚊支付24蚊車資，當時司機以「懷疑係假銀紙」拒絕找續，而女乘客亦拒絕到附近「唱錢」，搞到要報警收場。點知警察嚟到就開始咗呢場「的士佬大戰走音兇惡警」嘅好戲，仲精彩過TVB啲劇。

近日YouTube流傳一段車cam片，片中女乘客搭完的士要俾24蚊，不過佢落車嗰時發現冇晒散紙，諗住俾500蚊。點知搞到的士佬爆seed：「24蚊車資，畀500蚊」，女乘客就話：「500蚊唔係錢呀，你咪有錢找囉，咪玩啦！」，的士佬就答：「我點知你嗰張真定假」，搞到女乘客怒吊：「你用吓腦啦！」。
件事搞到報警，點知警察一到仲衰，警察問的士佬頭先車資幾錢：「24蚊定44蚊？」，司機就話等候期間車資已增至44元，警察就話唔好煩：「唔好同我計返之前跳喇，22就22啦，唔好同我嚟呢套，我驚佢又走去運輸署投訴」。