網紅P圖P到離晒譜　神回應：可以控制光的女人 | 真心膠 | 膠Hub

唔少女仔影相都鍾意P圖，P塊臉瘦啲白啲，隻腳長啲幼啲，先敢擺上網。網上世界真係眼見未為真！閱讀全文
自稱係「時尚警察」嘅社交帳戶，專擺網紅極誇張嘅「P圖」，最近就post咗張內地直播網紅璐璐同朋友嘅合照，並打咗句「光的折射了解一下」本來都冇咩問題。

點知睇真啲，見唔見到啲太陽光有問題呢？望住啲太陽光就見到光線折射的確有問題，網紅下巴附近位置似乎P過圖，網友都話「違反物理」、「這是一個可以控制光的女人」！

睇下一張！網紅將條腿P長，不過隔離啲公仔都好似拉長咗喎！有網友話「三隻熊身高都不一樣」、「請根據三隻小熊身高比例，求實際腿長。」


再睇下一張！條「事業線」係咪P到過晒火先？網友都忍唔住要串佢「不如畫到上喉嚨？」、「好深的刀口」、「尖到拮死人」！

 
P圖好多女仔都會㗎啦！有時張相冇啦啦有人亂入，又真係唔P走唔得。早前台灣有女網友喺社交平台post相，但因為張相冇啦啦有個女人行過，所以佢請咗P圖達人幫手P走個路人，點知P圖達人錯咗重點，竟然P咗女網友個胸，解放「胸器」。

張相見到女網友坐喺草地，露出笑容之餘，仲大晒事業線，火辣身材show晒出嚟。女網友喺社交平台留言話：「求P圖大神，可以幫我把後面的路人去掉嗎？歡迎惡搞。」

點知真係引咗一班惡搞網友，幫佢P走路人同時仲P走件衫，畫返個粉紅色嘅比堅尼上去，為佢解放「胸器」。仲有人將張相改咗做成人片封面，仲話：「不用P了，那麼麻煩，我再帶妳去拍一次好了」、「跪求番號」、「好美，長得好像我老婆」、「置板凳先，真的很愛看 P圖樓」、「忍不住追蹤了」。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁