【極醜惡】黑心網店賤招食錢　網民：有無咁等錢洗？ | 真心膠 | 膠Hub

有網民就因為要做畢業作品，題材同成人情趣野有關，所以上網店買咗件情趣制服作為作品一部分 。於是，呢位事主就上網搵到一間叫ElvageXie既成人用品店，而咁岩間鋪有事主想搵既款式，於是決定去馬啦。點知 … 搞到一頭煙！
閱讀全文
由於交期將至，事主想快啲拎到。於是就 whatsapp 聯絡網店。事主表示之所以無用電話打過去係因為佢公司長期唔聽電話加滿哂留言 ( 呢個又真！真係唔少公司個客戶熱線好似黑洞咁 )

對方表示話會即日發貨，結果當然就無啦，只係個status轉左做備貨。

直到第二日接近4點先真係發貨！

跟住無幾耐，對方突然發出以下 Msg：

對方話唔見左件貨；事主就表達唔需要並要求退錢！對方就一直 sell 另一款俾事主。

再三拒絕下，對方終於肯退錢。咁事主就要求退完之後俾返退款證明，而對方竟然回應：我試試。

當事主搵佢地果陣，對方仲竟表示原來一直搞錯咗？！( 按道理話自己搞錯咗即係承認責任。)

事主表示：「因為知道無左件貨所以佢自己立即搵另一間買過件衫，仲要再比貴左！見過左兩日都無退返錢比自己，所以再去搵果間公司追條數」

誰不知，對方並唔承認責任之餘，仲反過黎指責事主話：無同佢地確認到買家身份

再指事主係用PayPal付款並不是信用卡，並指出佢地有講過唔清楚 Paypal 有沒有退款證明，令到佢地唔清楚事主係唔係佢地要搵既客戶。玩捉字蝨？
自己先搞錯客戶資料，再屈人地唔係用信用卡？其實，佢地知唔知 Paypal 都係要連接信用卡先付到款。


事主表示：「仲問返我兩者有何分別，屈到我連錢都唔係用信用卡比而係用銀行轉帳。一個賣家連啲錢點入用咩途徑都唔知？為左唔退錢真係咩說話都講得出。於是我cap圖比佢睇，連佢自己個系統發出黎個email都寫信用卡/paypal付款」事主完勝！


對方表示賣家一定比買家清楚payment method。哦～原來收錢果一方就唔知嘅！

事主表示對方公司其實係亂黎，做嘢無程序，亦都無落record，所以造成呢個局面。

最後對方仍然係唔肯負責任，最令人憤怒嘅係，搞錯都算竟然仲可以大聲講話個責任唔係自己身上？其實由一開始，聲稱無貨果陣，呢間網店已經承認責任！
事主表示並唔係幾十蚊貨仔，二百幾蚊夠佢食五餐。先唔講退錢成功與否，做錯野仲推個波落個客度～仲可以大條道理，真係忍得到，屎都食得～

有網民就幫事主嘗試做Refund 動作，叫佢直接同paypal 投訴做Refund！

雖然做到Refund，有唔少網民就認為事主一定要 Report 呢間公司，仲叫班巴打、絲打們齊齊為事主集氣！唔可以姑息對方！



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁