為保住$20000零用上節目　00後少女喊住講：得返$8000點夠使？ | 真心膠 | 膠Hub

:0:0

正所謂「錢唔係萬能，但無錢就萬萬不能」，今次呢位00後有錢女，就好明白呢個道理！而且佢仲響電視節目喊住咁投訴自己媽媽？睇到肥仔黎O晒，搞咩玩到咁大啊？
閱讀全文
居住在美國加洲比華利山、含着金鎖匙出世嘅 Nicolette 與母親 Nina 日前在美國電視節目《Dr.Phil》中亮相，為零用錢被削減一事爭論，仲響電視節目喊住咁投訴自己媽媽：「得返8千點夠使？」

Nina稱自己作為一個單親媽媽，一星期要工作六天，太少時間陪女兒令她感到內疚，所有都會以物質作為補償。

年僅 15 歲的 Nicolette 自出生以來已有司機、媬姆同私人教練響身邊服侍，Nina 更開咗張無上限嘅信用卡俾 Nicolette ，而佢就每月豪買名牌。

Nina 表示女兒去年估計已花費近約 80 萬港元。

Nina 見個女揮霍無度，於是決定將佢嘅零用錢由每個月約 40,000 港元，減至約 8,000 港元。點知，Nicolette 竟然表示得 8,000 港元，令自己好似過住「農民一樣嘅生活」！

Nicolette 要求媽媽每個月都至少要有約20,000港元作為零用，以支付佢嘅「基本開支」，更表明如果媽媽拒絕，她就會發難！

唔單止咁，佢竟然仲開口要求要一部價值 1,800,000 港元嘅名車作為生日禮物，原因係：我係個公主！

Nicolette 覺得媽媽生得佢出就要俾最好嘅野佢，仲喊住表示自己從來都無感到「母愛」，因為媽媽除咗識俾錢佢洗之外，其他乜野都俾唔到佢

Nicolette 仲話，雖然身邊人都話佢好好人，但其實佢由細到大都無乜朋友。亦都因為呢個原因，佢先認為「名牌袋就係我嘅朋友」。

主持人Phil 形容 Nina 嘅行為係虐兒嘅一種，令到 Nicolette 認為「沒有物質佢就沒有價值」建議 Nina 應該俾多啲愛個女，而唔係錢！

最後，Nicolette 亦藉着節目到流浪者之家做義工，親身感受另一個「世界」，令佢明白自己其實擁有太多，而佢亦得到流浪者之家嘅負責人稱讚。

或者，家家有本難念的經。好似日前就有名同學仔晒命話自己有錢，結果被網民圍剿。有個讀香港專上學院嘅大專生，喺FB就出Post話「自從入左CC，生活開支好大，同屋企人傾過，要加零用，點知最後……」究竟發生咩事？

事情是咁的，個大專生喺香港專上學院返學，自己就覺得依家只係得好少零用，實在唔夠支撐日常開支，佢就自己List咗個表俾佢Daddy睇：
– 早餐$40 （大家樂/太興/奧海food court）
– 午餐$60 （同fd奧海food court多）
– 夜晚 $150（多數出街mk食）
– 有時宵夜糖水$40
所以，佢話如果當返20日學，飲食開支每月可達$5800

之後，每月會用$1500裝身，同fd去玩（放假睇戲、shopping、迪士尼）樣樣都係錢。個大專生話：「我而家得10000一個月，咁少零用肯定唔夠，你估我仲係中學咩！」「我同屋企人講，至少要15000，我大專喇！」咁佢屋企就好順攤，話$15000都OK！大專生仲話，「我聽到真係好感動，我會努力讀書！」
肥仔黎睇完，只係覺得大專生喺度晒命，好多網民見到都對佢作出負評。

被人話到咁，大專生又點會唔反擊？所以大專生又借個FB專頁，又出多個Post回應。

全文如下：
一個post就睇到你班人窮酸味出哂黎我萬五蚊一個月零用錢係我幸福有個傻仔衝出黎柒 JM9
對於個窮光蛋話「我X你個hi hi 唔撚死都冇用錢都未識搵就學人洗」我真係笑死你出世邊個養大你？我零用錢多就要我去死咩道理你有你窮我有我富做咩要咁仇富呢有錢要享福死左仲點享
佢仲話「出到黎做野又買車又買樓係咪10萬都唔夠洗？我中學個時每個月得500蚊搭下車」，無錯我十萬唔夠又點唔通人地買名牌你唔俾人買？我有家底唔可以洗大少少？
佢仲話「你條廢柴同我講1萬蚊唔夠洗？仲要唔係自己搵睇見就嬲」，我覺得你唔好嬲因為你窮做人要有骨氣唔通你嬲完會發達？認命啦
故事教訓你唔好衝出黎柒
咁成篇嘢嘅大概意思係「我有錢，你理得我」，之後，再次俾人圍攻！