文具店賣鐳射筆出事 10秒燒穿厚報紙好危險 | 真心膠 | 膠Hub
雖然玩具原意係俾小朋友玩，不過唔係樣樣玩具都啱小朋友自己玩，以下呢樣就可免則免！閱讀全文強國唔少文具店、玩具店都有賣鐳射筆，不過呢啲鐳射筆可以迅速點燃火柴，唔駛10秒就可以燒穿足足有成6頁厚嘅報紙，真係相當危險。市面唔單止好易買到呢啲鐳射筆，嗰啲文具店老闆仲會叫啲細路買，父母應避免將鐳射筆俾仔女將當玩具玩。
呢啲鐳射筆射出嘅激光射落火柴，短短2秒就着火。再將鐳射筆直接射落一疊報紙時，最外層嘅報紙4秒就開始出煙，唔夠10秒就燒穿6層報紙，都咪話唔驚。
將鐳射筆、蚊香分別放置喺兩張枱，兩張枱之間約1米距離，打開鐳射筆等光線對準蚊香照射。大約10秒就開始聞到蚊香被點燃嘅煙味。約1分鐘後關掉鐳射筆，發現蚊香已經燒出白點。
再用雞腳來模擬人體皮膚又會點呢？鐳射筆對準雞腳照射，一樣都係10秒到就已經一陣燶味，大約1分鐘後，雞腳表皮已經被燒焦出一個小黑點。
大功率激光束如果直接射落眼，可以導致視網膜受損，甚至永久性視力下降，如果長時間直接照射皮膚就會灼傷。唔小心將鐳射筆對準易燃物就會引起火災。所以話呢啲咁危險嘅行為，真係唔好俾啲細路玩！
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
秋天的頻道
