改裝車盛典日本Lowfest車展

:0:0

呢排先有澳門賽車、黎緊又有Formula E，正係賽車迷嘅好日子。不過又因為係賽車季節，好多朋友都唔敢揸自己部精心「打理」過嘅車街，驚一個唔該就大欖見。所以我估佢哋都好羨慕日本可以搞個「Lowfest」，超過500部改裝車聚首一堂啦！所謂「Lowfest」係一個日本專門展示「改低車(Low)」嘅「嘉年華(Fest)」，今年於千葉縣舉行，入面展出超過500部改裝車，可謂一年一度嘅改裝界盛事。如果你錯過咗呢個機會都唔緊要，因為有外國媒體親身去咗，仲搵咗幾部有特色嘅車輛介紹畀大家添。

首先係呢部由Garage Mak操刀嘅Nissan Z33，雖然嚴格上黎講佢就唔夠「Low」，但全身空氣動力部件依舊非常搶眼，尤其係車頭兩邊各兩層嘅前翼(加埋擾流器係三層)充滿侵略性，極大嘅尾翼亦係其標誌。輪拱加闊以容納鮮紅色嘅RAYS" Volk Racing嘅TE37輛圈，入面再有金色嘅Endless制動鉗。

除咗本身就已經跑味十足嘅車，展場內仲有好多你平時喺街都唔會望嘅普通車款，不過經過車主嘅心機時間精力改造，佢突然又變得充滿性格。好似呢部Accord Tourer就換上19吋鉻輛圈，再配上負外傾角，外表已經令人眼前一亮。原來車主仲好有心機咁幫個K24引擎加咗個Eaton增壓器(又或者係50匹馬力)，再換埋StopTech制動平衡返，真係內外兼備呀！

而呢部Skyline GT-R喺大會嘅宣傳物料上都見得到。同樣以負外傾角降低車身，再加上大量碳纖部件，與藍色車身及Work Meister S1輪圈相映成趣。車內亦移除咗兩個後座，換上防滾架、Recaro座位、MOMO軚盤同HKS EVC氣閥控制器。

呢部RB2 Odyssey最大嘅特色係佢基本上唔會用黎揸，只係一件擺設。所以車主可以任性地裝個極硬嘅避震撐住Set極負外傾角嘅19吋Work Zistance W10M輪圈。不過為咗不時之需，車尾都裝咗個Roberuta Lifter System用黎升高架車過壆。同時作為一架擺設，車身內都係以靚為主，所以全部都用上訂製嘅橙色部件。以上只係今年Lowfest嘅鳳毛麟角，如果要慢慢欣賞500架車，睇黎你都要留意住下年Lowfest喺邊到搞啦。Speedhunter
Lowfest

[圖擷取自網路，如有疑問請私訊]