【多圖．有片】九龍陸沉！西九文化區地盤下陷、海水湧入、建築物傾斜

:0:0

西九陸沉！唔係因為太多強國人來港而踩到陸沉，真係塊地沉咗呀！今早開始，連登、FB、Telegram都瘋傳著一組「西九陸沉」照片！照片嘅拍攝地點相信係西九文化區嘅地盤，所謂「陸沉」就係指地盤下陷，海水湧入，建築物傾斜，情況令人擔憂。
撰文：B | 資料來源：連登、Facebook
Cap嚟見我
西九文化區地盤疑似陸沉　高空拍攝現形「陸沉」地點喺西九文化區內嘅M+博物館附近，西九文化區管理局回覆傳媒查詢時，確認出事位置喺西九文化區內嘅演藝綜合劇場同埋綜合地庫項目，承認該處有水浸嘅情況，地盤目前已經停工。港鐵喺舊年曾經公佈工程沉降名單，九龍站附近、西九文化區M+亦榜上有名，兩者嘅幅度分別為17毫米同埋6毫米，至於同今次嘅事件有冇關連，就不得而知喇。
網民貼出該地出事前拍攝嘅Google地圖片，同出事後由在高空拍攝嘅照片作對比，地盤明顯下陷。

地盤下陷，海水湧入，建築物傾斜地盤上用貨櫃搭建嘅臨時建築物傾斜幅度頗大！

地盤內水浸情況嚴重！

路面明顯凹陷！

睇片
西九最新展館海底探險記
Posted by 唐生大地震 on Wednesday, 24 July 2019
近期香港不斷上演光怪陸離嘅事，一波未平，一波又起⋯⋯
【有片】元朗「屍殺列車」車長、控制室通話紀錄曝光　網民怒斥：活喺平衡時空元朗「屍殺列車」恐襲事件中，有兩點一直備受爭議，就是為何白衫軍正在月台毆打乘客時，車長廣播叫所有乘客落車，而不是盡快開車逃離現場。另一點就是，為何車長一直把車門打開，任由白衫軍衝入車箱打人，而不是立刻關車門保護乘客。由港鐵員工組成嘅 MTR Service Update 就公開了事發時車長與控制室嘅對話，希望還原事件真相，不過網民聽過錄音後，都對車長、控制室人員嘅做法不表認同，大力炮轟！
撰文：B | 資料來源：MTR Service Update
「屍殺列車」車長、控制室只顧清客網民斥「活喺平衡時空」喺整段通話紀錄之中，車長只係同控制室報告有人塞住車門、閂唔到車門、有人敲駕駛室門、按緊急通話掣、乘客唔肯落車，對車箱內外有人被打隻字不提，而控制室人員亦只是多番叫車長「清客」請所有乘客落車、關車門，整段通話之中，只有車站職員向站長提及「打人」事件，通話之中亦傳出受傷乘客和救援者的聲音，所以網民都質疑車長同埋控制室人員「活喺平衡時空」！另外，車長「過分冷靜」嘅表現亦令網民感到奇怪。

網民留言怒轟網民對於「清客」呢個安排都非常不滿，亦質疑港鐵應付突發事件嘅能力。

MTR Service Update就向網民解釋當時「清客」嘅原因。

不過網民就唔多收貨。

完整通話紀錄
有關 7 月 21 日（星期日）於元朗站的暴力事件，以及一羣車務人員的抗議訊息Summary on the violent acts in Yuen Long Station on 21/Jul (Sun) and the joint petition by operating staff 於 2245 時，西鐵綫元朗站職員發現車站大堂有人展示標語，在表達訴求期出現爭執，繼而有乘客遇襲，因此即時通知車務控制中心召喚香港警察 Hong Kong Police 到場期間，車站消防警報系統曾被人啟動，亦有在場人士同時自行致電 999 求助；奈何警方良久未有到場，只有消防處救護員抵達治理傷者由於車務人員當時已無法確保乘客安全，更有車站職員被人打傷，故此車務控制中心迅速安排元朗站關閉，並開出空車接載於站內的乘客離開現場而當時月台 1 – 往屯門已有一列如常接載乘客、並非特別安排的班車，但車門因人羣的衝突而失靈，車上多人按動緊急通話器，令車廂的牽引系統鎖死，未能成功載客開出，而要先停止服務雖然車務控制中心於 2319 時開始，重新安排所有列車於元朗站上落乘客，讓乘客繼續乘搭列車離開打鬥現場及至 2350 時，緊急服務人員需要於車站內作蒐證，並治理傷者，因此元朗站再次需要關閉，控制中心亦有即時再安排列車接走受影響的乘客港鐵公司行政總裁金澤培博士強烈譴責在鐵路範圍發生的暴力事件，並將全力配合執法機關的調查。同時代表港鐵公司，向受傷的乘客致以深切慰問乘客若於 7 月 21 日（星期日）晚在西鐵綫元朗站範圍內不幸受傷，可於下列途徑查詢：郵遞至香港郵政總局信箱9916號

[圖擷取自網路，如有疑問請私訊]