【挑機「鎖車城」】土豪擺多兩架任你拖

事發喺2019年3月18日朝早10點左右，網友DB Cheung喺《馬路的事討論區》分享，喺沙田第一城第22座對出睇到一位車主，因為不滿路邊泊車去撳錢大約一分鐘時間，架Benz就比第一城管理員鎖車。於事條氣唔順，即時飛的番屋企，再揸多兩架車番現場打橫泊正路中心，製造路障擋住出入口，網民反應兩極，有讚又有彈。
Cap嚟見我
第一城鎖車效率世界第一都唔係第一日嘅事，泊車數分鐘內就被鎖嘅情況屢見不鮮，但車主只需要去管理處繳付＄320元解鎖費就可以解決問題，但今日偏偏鎖正呢位「唔憤氣嘅有錢佬」，件事就搞到咁大壇喇。
百德街遭完美封鎖（FB圖片）「比你泊係人情，唔比你泊係道理」管理處為左保障屋苑住客先嚴格執行呢個政策。但車主巫先生就話「入去一分鐘都唔夠就鎖」、「鎖車班人有錢分」、「如果超過半小時我會泊停車場，但係我只係泊一分鐘唔夠，我條氣唔順，想喚起人關注」。
連警車都出動（FB圖片）不過呢一種抗爭方式有網民就唔多認同，車主封路該處附近有老人院，會影響救護車出入，玩嘢玩到害死人就唔好。

事主將七人車打橫泊在馬路上阻礙出入   （FB圖片）陸偉雄大律師表示該路段為第一城私家路（百德街），其管理公司有權為違法泊車等行為訂立自己的罰則或罰款水平，除非罰款太離譜，否則違法車主一般難以用法律程序作出抗議。用呢種抗議方式仲有機會被警方檢控「阻街」。
七人車打橫泊在路中心 （FB圖片）管理公司見狀亦不輸蝕，即時召來拖車拖走巫姓車主座駕。
拖車及警車到場（FB圖片）巫姓車主的其中兩台車被拖車拖走後，通道終於在12點半解封，警員亦將涉事巫姓車主帶回警署協助調查。
事件亦驚動警察出面處理（FB圖片）圖片可見車輪被鎖上（FB圖片）呢種單純為左引起其他人注意嘅抗議方式亦都引起網民議論紛紛，「有錢就是任性」、「損人不利己」、「做左好多人想做但唔敢做嘅嘢」等等。
拖車到場將7人車拖走（FB圖片）拖車到場將7人車拖走2（FB圖片）網民評論








[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁