陪子讀書舉家定居英國雷頌德親自設計大宅

:0:0

音樂創作人雷頌德（Mark）作曲了得人人都知，但原來佢連設計方面都好有天分！佢去年同太太梁家玉（Jade）因為陪小朋友讀書，而舉家搬到英國定居，而Mark更親自操刀設計佢哋嘅英國大宅，仲將自己嘅設計分享到社交網站，一見其大宅風格時尚，一眾歌星藝人都讚好，就連啲網民都話想搬入去住！
撰文：Kammy (原文刊於:Sunday Kiss)| 圖片來源：Instagram
閱讀全文
雷頌德晒英國大宅音樂創作人雷頌德同太太Jade一向都係圈中嘅型格夫妻，二人育有兩個小朋友，分別係11歲嘅雷鳴（Jack）同8歲嘅雷響（Jazz），以及Jade與前夫之前所生嘅囝囝Sean。由於小朋友要到英國讀書，所以Mark就舉家搬到英國定居，真係廿四孝父母！近日，Mark更大晒佢係英國嘅大宅，原來成間都係佢自己設計，仲以「寒舍」嚟命名，更標名「Mark Lui Design Works latest interior design project,my own modest home」，間屋真係又大又豪華！

雷頌德同太太梁家玉
其實Mark以前係喺倫敦帝國學院修讀土木工程，仲曾經從事室內設計工作。今次Mark嘅英國大宅就以現代設計配以復古式嘅傢俬，風格既時尚又典雅，一眾歌星藝人好似楊千嬅、方力申同陳茵媺等都讚好，就連啲網民都話想搬入去住！
1. 大廳

綠色梳化配淺灰色牆身，火爐上仲放咗一幅香港電車黑白照，非常型格。

2. Sun House及走廊

3. 小型錄音室及衣帽間要設計間屋梗係要設計埋自己嘅小天地啦！Mark就為自己整咗間小型錄音室，個度掛滿佢嘅電子結他同音樂器材，而旁邊仲係佢嘅衣帽間。

就連擺設都好有心思！4. 廚房及飯廳Mark嘅太太Jade一向都熱愛下廚，作為老公梗係要落足心機去設計啦！Jade早前更喺社交網站到大讚老公了解佢所需，將廚房設計得好好！

又點少得Jade早年出嘅食譜呢！

好鐘意煮嘢食嘅Jade十分滿意老公設計嘅廚房5. 廁所及浴室廁所就運用咗好創眼嘅紅色牆身配白色牆磚，更以復古款式嘅配件點綴；而浴室則用海軍藍牆身配白色牆磚。

6. 小花園大宅又點少得小花園呢，而呢個小花園就由太太Jade親自負責，落手落腳自己整！

緣份始於片場二人共通點多雷頌德與太太因拍劇認識，唯當時各有伴侶，未有發展機會。然而二人共通點頗多：一樣於外國生活、一樣內向、一樣喜歡踏電單車，而價值觀亦很相似。相隔多年後，大家同時單身，便自然地走在一起，交往三年後便決定共偕連理。同樣熱愛時裝的他們亦是很多品牌的寵兒，經常夫妻檔出席品牌活動！

恩愛多年享受平淡Mark同太太Jade曾指，二人享受平平淡淡的愛，認為只要知道愛著大家，就不需刻意製造浪漫。不過夫妻關係並無完美，雷氏伉儷亦會因雞毛蒜皮而吵架。Mark表示自己不愛吃朱古力，但太太卻經常造兒子最愛的朱古力甜品，證明萬事以兒子為先。對於老公的微言，Jade笑說耍花槍正是他們的「相處之道」。

熱愛烹任為老公炮製砵仔糕雷太從來不求名氣，名模出身的她其實一直視開烹飪班為夢想。不過Jade和老公一樣以家庭為先，不會急於圓夢。Mark嫂曾於節目中向師傅偷師，為老公學整砵仔糕。她更透露兒子從來對自己的廚藝只有讚賞，沒有批評，每次都把媽媽的製成品吃清光。原來再甜的甜品，都不及雷氏家庭生活甜！

雷頌德愛屋及烏不介意做繼父雷氏夫婦出名恩愛，原來二人在結婚時，Jade與前夫已育有一子。愛子深切的Jade直言：「當時如果他不接受兒子，或不疼愛他，我一定不會跟他結婚。」由於雷母亦是帶著自己再婚，Mark非常理解Jade當時的想法。於是，Mark在求婚前先向Jade的兒子Sean預告婚訊，並得到他的真誠祝福。梁家玉在訪問中道出，雷頌德向來視自己為Sean的朋友，而非繼父，這種相處模式亦令二人關係非常要好。

兒子患亞氏保加症 Mark：長大會變好Mark的大仔雷鳴（Jack）早年被確診患有亞氏保加症，被視為「聰明版自閉症」一種，智力和語言發展正常，只是社交能力較弱。Mark 坦言起初有擔心，但相信隨着他年齡漸長，社交能力會有改善。作為父母，最重要有耐性與兒子溝通，Jack 性格沉默、不擅表達，卻有無窮創意，愛畫連環圖表達故事，啟發了Mark 與Jack 利用畫筆，繪出兩人的溝通橋樑。

在Jack升小一時，老師發覺他不合群，社交有障礙，建議他看醫生，確診患病。Mark起初有買書參考，尋找名醫治療，但沒有起色，他與朋友交流後，放下了擔子，決定讓兒子自然成長。「得知有呢個症後，慢慢觀察其他人，有好多朋友原來細個都自閉，甚至係嚴重自閉症，我哋好少聽到大人自閉，我諗愈成長，愈學識到點同人相處，所以我依家唔係咁擔心。」

Mark以過來人身份，向同路家長分享，面對子女患亞氏保加症，最重要有耐性，「平時人哋講一句，佢五句先聽，咁咪講五句囉，你以為佢唔乖，其實佢唔係唔乖，只不過有啲嘢同普通小朋友唔同。仲要教佢唔好俾人覺得佢自私，呢類小朋友活喺自己世界，未必理人感受，要多啲提點佢要理人感受。對待佢亦要一視同仁，我覺得呢啲症唔係永久，長大會變好。」