【新蚊娛樂】出道24年首場紅館演唱會！編輯推介10首必聽陳曉東廣東歌！

:0:0

「不老男神」陳曉東，95年一出道便因有如漫畫走出來的靚仔外表一炮而紅，不但紅遍港台，更被看好成為四大天王接班人。可惜2002年開始他轉戰內地拍劇，闊別香港樂壇10多年，之後幾次想重返卻不順利。今年東東終於一償出道24年的心願，在3月舉行首場紅館演唱會！回顧他的經典歌曲，除了唱到街知巷聞的《劃火柴》，其實東東還有多首超好loop廣東歌，連張敬軒也是fans！不論有沒有買飛，也不妨趁機會重溫一下吧！
撰文：二十二、Kelchan｜編輯：Kelchan｜圖片及影片來源：YouTube、新傳媒資料室
Cap嚟見我
編輯推介必聽10首陳曉東廣東歌1. 1996年《愛你躲你》林夕評：「陳曉東可以唱得很好。在演唱會中，我見過一個滿有歌手魅力的陳曉東。」夕爺都大讚，就知他非池中物！以「學生情人」形象出道的東東，聲線清新，雖唱青春曲風為主，但唱功同舞台魅力都極有殺傷力！從早期Live可見一斑！

2. 1997年《猜猜猜》不知現在有多少人看過《初戀無限Touch》？故事圍繞一個公屋Band3仔陳曉東追Band1有錢女梁詠琪的青澀愛情故事，電影造就一對影幕金童玉女，亦令主題曲《猜猜猜》成為曖昧暗戀神曲，次次聽都令人想起中學puppy love。

3. 1997《感情豐富》《感情豐富》是琅琅上口的典型港式失戀歌，東東壓抑的唱法，加上少少哭腔，將失戀的痛苦表達得十分到位，令人好想衝去安慰東東！（想聽按此）

想當年東芝戀轟動娛樂圈，未知今次演唱會會否邀請柏芝做嘉賓？4. 1997年《一萬年》「從天邊飛萬年遙遙萬里只等今天的一個你…」
《一萬年》可謂陳曉東最家傳戶曉之作，亦是90年代情歌經典之一。雖然此歌被歌神張學友翻唱過幾次，更因太過好聽而誤會學友為原唱。但個人認為東東版的《一萬年》有種初戀的感覺，無可取替！

5. 1998年《水瓶座》近年此神曲再度傳入歌迷耳朵，要多謝2012年的Concert YY，很久沒和香港歌迷見面的陳曉東獻唱了這首卑微的單戀歌《水瓶座》，令人懷念的溫柔歌聲，令歌迷耳目一新，真的好好聽啊！

6. 2000年《借借你肩膊》踏入千禧年時，陳曉東事業攀上高峰，歌曲亦趨於多變，除了抒情歌，中板歌曲也很適合東東演唱，《借借你肩膊》便是最佳例子。

7. 2001年《病人》陳曉東除了精於唱歌，在演戲方面也很有天份，甫出道便憑電影《虎度門》入圍香港電影金像獎最佳新演員。要數飾演得最入型入格的角色，非《百份百感覺II》的許樂莫屬，靚仔得與漫畫角色無異，對周勵淇又痴心一片，次次聽到這首歌，就想回味這套戲！

《百份百感覺II》同演的還有周勵淇、陳奕迅、楊千嬅等

8. 2002年《劃火柴》要說《劃火柴》是東東的代表作之一，相信沒有什麼人會有異議！當年東東初試作曲，就創作了一首如此旋律簡單又令人難忘的神曲，為歌迷帶來一大驚喜。雖然有網友表示，直至現在都理解不了歌詞的意思，但仍不減此曲受歡迎的程度！

9. 2002年《兩男一女》「當我遇上一個令我能迷戀~~~」
就算你未唱過，都一定在K房聽過！電視劇《百份百感覺》主題曲《兩男一女》堪稱8、90後必點合唱K歌，由陳曉東、方力申和李彩華三人合唱。閒時點唱，學生時期你暗戀我，我單戀佢的青春感覺立即湧現！很可惜拍畢劇集後，陳曉東便轉戰內地了。

10. 2007年《易來易碎》其實在07年，東東一度想再戰香港樂壇，並在該年推出了新曲《易來易碎》，次年連同過往作品推出了精選碟，可惜最後成績並不理想。成績不理想，不代表歌曲就不好聽。現在再聽這首歌，那股心酸的感覺依然揮之不去。

Cap by 新Monday
睇埋同老爺奶奶睇足全場力撐！鄭伊健個唱公開多謝蒙嘉慧相隔7年，鄭伊健前晚假紅館舉行一連六場的《Along With Ekin Live Concert 2019》演唱會，個唱頭場全場爆滿，伊健不但唱出經典冧歌及快歌，更換上多個造型。不過最驚喜仲係太太蒙嘉慧首場陪同伊健父母睇騷，向來鮮有講愛妻宣言嘅伊健，唔止望住觀眾席上的太太唱情歌，更罕有地喺公開多謝太太，好閃呀！
撰文：東方新地圖片：新傳媒圖片
鄭伊健演唱會公開多謝蒙嘉慧個唱今次開四面台，首場(2月24日)於晚上8時40分開場，伊健以一身金、黑色打扮現身，另加一件同色長褸，披在右膊，型到震！

自2012年的《Light and Shadow鄭伊健演唱會》後，伊健已有7年冇一個人喺紅館開騷。

他唱出名曲《甘心替代你》，由與他合作多年的音樂監製陳光榮彈琴伴奏。之後冧歌一首接一首，伊健已唱出《一個為你甘去蹈火海的人》、《仍能情深愛上》、《直至消失天與地》、《誰可情深如我》等。

伊健台上一口氣唱出多首經典如《直至消失天與地》、《甘心替代你》、《仍能情深愛上》等影視作品主題曲。
首場雖沒嘉賓，但伊健又邀得《古惑仔》好兄弟林曉峰老婆康子妮上台，擔任其中一個環節客席樂手，吹長笛伴奏，伊健還笑稱打算組成新組合名為「Cup Noodle」！

伊健唱出《廿世紀的戀人們》、《看天的日子》，唱完《蒸發眼淚》時，台的中間出現一個大的呼拉圈，伊健大顯身手做出多種高難度動作，又大展強壯臂力，用呼拉圈做引體上升，然後倒吊在呼拉圈上，看到觀眾狂歡呼。

伊健亦換上一件豹紋西裝，唱出多首快歌如《友情歲月》、《極速》、《野森林》、《Shine》、《快相》及《全城效應》等，伊健又更走到旋轉舞台中與舞蹈員一起跳舞。

伊健換上黑紅衫唱《情路狂奔》，dancers在台上不斷打筋斗，又玩疊羅漢。唱至《興波作浪》及《友情歲月》時，舞台上出現由舞蹈員操作、一紅一藍的機械人，齊齊同伊健對戰，加埋煙火爆炸效果，掀起另一陣高潮，唔講唔知，原來機械人裝置係由日本空運而來！

伊健話今晚見到很多fans，亦見到很多「自己友」，說罷他用國語跟歌迷打招呼又話歡迎光臨，之後佢用番廣東話笑問fans：「我啲國語係咪有進步？」無論佢講成點，其實fans都照單全收！

激戰完畢，伊健唱出《迷戀》，之後走到台邊與觀眾握手，先多謝老細林珊珊，再多謝太太蒙嘉慧。呢晚，伊健太太蒙嘉慧陪同著老爺奶奶睇足全場，伊健獻唱情歌經典《一生愛你一個》時，他多次面向著觀眾席的上的太太憑歌寄意，真係好冧。

近年鮮有公開露面的蒙嘉慧，這段日子多陪伴伊健做運動及行山，伊健曾在訪問表示，太太身體不好，現時最重要是多休養身體，而太太跟家人的健康是伊健現在最大的責任。

已久未在紅館舉行個唱的他，除了獲父母及太太蒙嘉慧支持，一班圈中好友包括車婉婉、蔡一智夫婦、林建岳、姚子羚舊愛「的士邦」鄭子邦、「蜘蛛女」鄭麗莎等捧場！

Encore部份，身穿白色背心的伊健騷肌肉，仲唱出《自動勝利Let’s Fight》，即係動畫《數碼暴龍》的第一代主題曲，童年回憶返晒嚟！

伊健多次主動走到台邊，拿起歌迷的手機合照。

最後唱出《有你便有我》、《Together》、《For u and me》為全晚演出畫上句號。

延伸閱讀：
伊健激將法鞭策！蒙嘉慧甩廿磅肥肉復出鄭伊健再踏紅館開騷，同一時間老婆蒙嘉慧( YoYo)亦宣布新動向，復出拍邵氏網劇《飛虎之雷霆極戰》，被指婚後暴肥的YoYo,更成功減肥廿磅變索開工;原來之前因滑雪跌傷導致左腳韌帶撕裂,之後又不小心整傷埋右腳,醫足兩年先康復，受傷不能做運動搞到變肥師奶﹐今次離巢無綫五年再復出拍劇當然唔衰得，YoYo早在三個月前已狂操減肥，狀態回勇仲話老公伊健未滿意，「佢話我仲可以苗條啲！」睇嚟有老公激將法鼓勵，蒙嘉慧好快索過做女時！

蒙嘉慧腳傷醫足兩年13年成功降服經常被指係大細路唔願結婚的鄭伊健，蒙嘉慧嫁人校啱時間約滿離開無綫,婚後五年只間中出活動及客串拍港台劇﹐過悠閒幸福少奶奶生活更發福暴脹，更一度被以為有孕變肥。人人以為YoYo有老公錫唔憂做先變肥師奶，原來發福另有原因，兩年前YoYo因滑雪跌傷引致左腿大髀內側韌帶撕裂，之後又因打羽毛球跣低﹐再弄傷右腿腳踭韌帶，對腳連環受傷治療長達兩年，搞到不能運動而變肥。

婚後做幸福少奶奶的蒙嘉慧,日前宣布復出拍攝邵氏網劇《飛虎之雷霆極戰》,之前因為腳傷暴肥的她,成功減磅狀態回勇出席記者會!演靚老闆娘據知情者透露:「本身阿Yo好鍾意運動,除咗打羽毛球仲鍾意跑步做gym,但左腳受傷之後,佢停咗運動一排,點知打羽毛球又唔小心跣親,搞到右腳都傷埋,手尾好長醫咗成兩年,受傷之後,伊健好緊張唔畀佢再做劇烈運動,阿 Yo自己亦都好小心,驚再唔小心整親會好麻煩,閒賦家中養傷,搞到自己肥晒囉!」
近日宣布復出拍劇,蒙嘉慧極速狀態回勇,原來在新劇《飛虎之雷霆極戰》同三哥苗僑偉有感情線,YoYo今次復出唔使做飛虎隊拍動作戲,反而係要做有型又靚的時裝店老闆娘,亦因此緊張狂操復出,愛妻號伊健更專登用激將法鼓勵老婆減肥。據知情者透露:「阿 Yo 跌親受傷,伊健緊張到要老婆以後做運動一定要做足安全保護,連運動鞋都幫阿 Yo換過晒,其實伊健唔介意阿Yo肥定瘦,但佢知老婆好重視今次復出拍劇,佢特登用激將法話仲可以再fit啲嚟鞭策老婆,一得閒仲陪老婆一齊操 fit 㖭!」女人最大幸福咪係嫁到個好老公,可以生活無憂兼有人錫囉!

咪睇平日似足大細路掛住玩,伊健其實對老婆非常細心, 得知YoYo復出拍劇擔心自己唔夠fit,更主動陪老婆做運動keep fit,還用埋激將法話嫌老婆肥激勵老婆減肥,用心良苦！
離巢五年復出邵氏網劇《飛虎之雷霆極戰》,除咗有原班人馬苗僑偉、黃宗澤、吳卓羲及梁烈唯演出外,新加入吳啟華及蒙嘉慧等演技派演員,不過蒙嘉慧劇中同三哥最多對手戲。

生活貼地蒙嘉慧同老公鄭伊健一樣,生活貼地樸實,早前她就一個人由南灣住所過海到油麻地廟街,只為買碗牛雜河外賣。

9秒9買外賣泊低車行去買外賣,買完再9秒9行返上車驅車返家,蒙嘉慧行動極速!

打扮勁似伊健當日蒙嘉慧一身黑色造型,同老公鄭伊健平常打扮似到足,大有女版伊健 feel,名副其實夫妻同心!

13年1月同鄭伊健日本低調結婚後,蒙嘉慧便減產養尊處優,近年身形更不斷膨脹,高峰期重達130磅!

行山鍛鍊滑雪打羽毛球連環跌傷的蒙嘉慧,傷完左腳再傷右腳,足足治療兩年先康復,因腳傷做唔到劇烈運動,YoYo一有時間就會到林姍姍老公Michael的健身室做簡單運動,或者撐住行山棒去行山藉機活動一下！

幸福人妻婚後有老公錫,蒙嘉慧亦放慢工作步伐, 減產做全職家庭主婦專心照顧老公,幸福人妻生活寫意!

同老公伊健有共識唔生B,YoYo就享受湊貓樂!當正家中愛貓係自己仔女一樣!約滿無綫後,蒙嘉慧14年曾簽約香港電視一年,不過王維基最終不獲發牌開唔成台, YoYo 近年只間中出吓活動及幫港台拍劇輕鬆過戲癮。

幸福少奶奶生活日常離不開行街high tea,大忙人老公要開工,YoYo就hightea享受生活。

蒙嘉慧同老公伊健無論性格同喜好都非常夾,兩人同樣熱愛日本,每年例必到當地朝聖幾次,早前同伊健到日本仲一齊行山,享受另類浪漫,YoYo更拍下老公行山背影!

久未拍TVB劇的蒙嘉慧，早喺2013年出席活動時身形明顯暴脹，被人誤會同老公鄭伊健造人成功，但原來只係因為去旅行食多咗，當時Yoyo仲口口聲聲話會減肥！點知事隔一排，日前再出活動的Yoyo竟然比之前再肥咗一圈，體重高達130磅！她說：「連續幾晚同伊健一齊食一個月餅，一定好肥，加上又去咗英國旅行，所以就變成咁！」Yoyo仲自爆老公伊健嫌棄佢肥：「佢同你哋係咁講(鍾意我肥)，返到去咪一樣話我肥！」

嗰排Yoyo每次出活動都係一次肥過一次，今年5月着工人褲白tee現身，被人狂笑似大肚婆，當時Yoyo誓言要努力減肥，之後俾老公笑佢得把口，仲話會送健身器材俾老婆做生日禮物！

其實睇番Yoyo以前真係好瘦，面尖尖手腳又幼，同伊健結婚時更加係索到爆！不過肥即係代表Yoyo生活美滿唔使愁，少少幸福肥都冇所謂啦！

蒙嘉慧當家花旦現年45歲的蒙嘉慧，1994年起已經開始拍電影，有著清秀可人的外表及高佻修長，大導演杜琪峯當年都對Yoyo甚為欣賞。2000年加入TVB後，佢演出唔少膾炙人口的劇集，一直穩坐無綫當家花旦之位，至2013年方離巢。

嫁伊健做幸福人妻蒙嘉慧與鄭伊健因打羽毛球結緣，拍拖約七年後，2013年時與伊健在東京拉埋天窗，婚後Yoyo逐漸淡出幕前，專心做個幸福人妻，享受家庭生活！

蒙嘉慧近年已甚少會在公開場合亮相，不過睇番啲相其實佢都算keep得幾好，天生麗質、加上養尊處優確係寧舍不同～

鄭伊健蒙嘉慧相愛11年鄭伊健曾經有過兩次公開的戀情，1992年鄭伊健初入TVB時戀上當家花旦邵美琪，兩人有過一段甜蜜日子，但是邵美琪事業如日中天，而鄭伊健還是一個新人，女尊男卑的關係和傳媒的輿論讓伊面承受巨大的壓力。之後邵美琪換上肝病，曾經許下承諾會照顧她一生的伊面最後還是兌現不了自己的承諾，最後感情無疾而終。

第二段戀情就是好勝的梁詠琪，但這也是兩人分手的導火線。兩人拍舞台劇拍出真感情，梁詠琪習慣為伊面安排好大小事情，但是大男孩需要有自己的空間，有傳是梁詠琪逼得太緊，也有傳是和鄭伊健不想有小朋友有關，最後兩人還是過不了7年的魔咒。

公開蒙嘉慧收服大男孩的秘訣蒙嘉慧（Yoyo）和鄭伊健是在2006年的1次羽毛球聚會時認識，在兩人的朋友無心的安排下，兩人就打出了火花。貪玩的鄭伊健和蒙嘉慧簡直就是一拍即合，志趣相投，甚至伊面說過Yoyo比他更貪玩兩倍！

兩人經常被記者拍到都是一起跑步、潛水、騎單車、打羽毛球、滑雪等，鄭伊健平時也很喜歡打遊戲機，一玩就是一整天，而且大男孩的伊面不喜歡受束縛，童心未泯，但是獨立的蒙嘉慧卻溫柔包容了他的一切。

鄭伊健曾經說過，喜歡蒙嘉慧不化妝的樣子，粗粗的眉毛，不加修飾的乾淨臉龐，自然又耐看，比較符合他的審美觀。而且蒙嘉慧性格直率不做作，伊面表示在Yoyo面前他可以卸下所有防備，安心做自己，感到很自在舒服。

另外Yoyo在生小孩方面也和伊面達成了共識，蒙嘉慧表示自己也忍受不了10個月的懷孕期，就像坐牢一樣，而且她認為鄭伊健的性格太寬容，怕他縱容小孩子，到時候教育小朋友很難達成共識，而且奶奶也沒有給過她生小孩的壓力。所以兩人都不心急要小朋友。

大男孩鄭伊健在和蒙嘉慧拍拖的第7個年頭，終於許下一生的承諾，在演唱會上承諾迎娶相戀七年的蒙嘉慧，Yoyo的婚姻之道也非常清晰，她表示：「我的責任就是要令伴侶開心」，兩人終於修成正果，相戀到現在！

延伸閱讀：鄭伊健 TVB台慶獻歌在早前的無綫台慶上，伊健以壓軸嘉賓身份演出，出年會喺紅館開個唱嘅佢，喺台慶獨自solo一part，深情獻唱《直至消失天與地》和《一生愛你一個》，其中《直至消失天與地》更是伊健主演的1994年無綫劇《笑看風雲》插曲，經典中嘅經典！

曾於無綫拍劇的鄭伊健喺騷後透露，今次是無綫的舊戰友叫他趁台慶回來，離開大台多年嘅佢直言只要劇本合適，會考慮返娘家拍劇，真係劇迷佳音。伊健唱畢後再與周柏豪合唱《友情歲月》，不過唔少網友認為呢個組合有啲奇怪，仲話難得伊健喺幕前唱歌，希望聽佢獨唱咁話！

伊健原來已經相隔6年沒有再回到TVB，「對上次返嚟係做訪問，台慶就真係好耐，今次都係朋友叫，每次演唱會朋友都好幫手，會問我伊健洗唔洗幫手，我覺得佢哋好好，始終有感情，我覺得再返嚟玩下。」伊健直言太久沒有來到這舞台，是帶有一點壓力，因為他始終是在TVB長大。

「最接近神的男人」黎諾懿都試過捱窮？喺無綫處境劇《愛‧回家》飾演馬壯一角而大受歡迎嘅黎諾懿近來不論事業、感情都如魚得水，更得到TVB重用於多套劇集擔任男一角色。原來過往呢位「最接近神的男人」都有過一段辛酸史，試過捱麵包、住劏房，生活要擔柴憂米。
View this post on Instagram A post shared by 黎諾懿 Lokyi Lai (@lokyilai) on Jul 29, 2018 at 9:14am PDT
黎諾懿之前喺接受電台訪問時就重提呢段捱窮史，但就特別提起佢嘅好兄弟鄭伊健，同感激佢喺自己危急之秋義氣相助，令大家知道更多兩人間更深層嘅經歷。

喺《愛‧回家》飾演馬壯而爆紅嘅黎諾懿（左）

instagram@lokyilai

instagram@lokyilai最窮嘅時期多得有伊健相助諾懿透露06年拍《溏心風暴》係佢人生中最窮嘅時期，喺紅磡住劏房期間多得有好友伊健相助，「喺我最霉嘅時候，伊健會叫我去佢屋企揀衫」，更會搵相熟導演介紹佢拍戲。這樣看來伊健真是對朋友義無反顧！

facebook@Ekin Cheng 鄭伊健

instagram@ekin_cheng_official

instagram@ekin_cheng_official當年他們一起合作拍攝無綫劇集《隨時候命》。

二人不時相約食飯，伊健去買遊戲機用品，諾懿黎都有一齊去！

15年監製錢國偉和陳宛蔚結婚，二人都有齊齊出席婚禮，跟一班兄弟玩得很開心！

一齊滑水、打羽毛球感情超好！諾懿話兩人係經另一位朋友認識，後來會一齊滑水、打羽毛球、去到一齊拍劇，但近年兩人各有事業和家庭已甚少見面，「到咗今時今日，或者我哋依家係比較少見面，但嗰種情，一見面就係兄弟！」

instagram@lokyilai

instagram@lokyilai原來佢做埋紅娘！伊健經由諾懿介紹，認識依家嘅老婆蒙嘉慧，有傳諾懿這樣做是知恩圖報，不過佢就咁樣回應：「佢哋係經我介紹一齊打羽毛球而認識嘅，但能夠走埋一齊係佢哋嘅緣份。」

蒙嘉慧 instagram@yoyomungofficial

instagram@yoyomungofficial

諾懿現在已經有一個美滿的家庭，兒子小春雞更是超級可愛！！

另一邊廂，他的好兄弟伊健一樣跟太太蒙嘉慧很幸福！

廷伸閱讀：鄭伊健8套經典無綫劇睇番伊健以前喺無綫拍過唔少經典劇，而其中多套劇同陳松伶合演情侶，難得二人經常以情侶檔演出，不單止冇引起觀眾的反感，更成為咗當年深受觀眾喜愛的熒幕情侶，睇番《92鍾無艷》嘅劇照，兩人真係相當合襯，以下就精選了伊健的8套經典無綫劇，唔知你哋睇過幾多套呢？
1987年《鐳射青春》87年伊健首次拍電視連續劇《鐳射青春》，全劇共12集，鄭伊健在劇中飾演樂隊成員，有彈bass，有唱和音！而同劇演員仲有陳潔靈、吳啟明、盧冠廷、蘇永康、黃澤鋒等等！