網民：淨係見到巨型溫泉蛋！ 33E沙律台灣旅行大解放

:0:0

模特兒張沛樂（沙律）出名樣靚身材正，剛過去嘅七月書展同另一個模特兒趙詠瑤（Kimi）出過旅遊書後就為人熟悉。近日沙律連同男友林耀聲及兩位友人去台灣旅行，大Show 33E巨乳，羨慕死人喇！
閱讀全文
33E沙律入行經過27歲模特兒張沛樂（沙律）自中三畢業後就開始做Model，曾經幫組合天堂鳥拍過《What You Want》MV，2016年就參加ViuTV選美節目《美選D.n.A》，不過最終八強止步。

《What You Want》MV

沙律16年時參選ViuTV選美節目《美選D.n.A》，在宣傳活動上露出23.25吋纖腰

33E巨乳出沒，相信有唔少路人都停低望幾眼

2016年出席《美選D.n.A》活動時，沙律就承認同電影《點五步》男主角林耀聲拍拖，不過當時被傳媒訪問戀情，沙律就話唔多講。
拍拖兩年，沙律間唔中都會上載同男友嘅合照，非常Sweet!
相信出過旅遊書嘅沙律應該好鍾意去旅行，近日佢就聯同男友林耀聲以及兩位友人去台灣宜蘭玩。趁天氣涼涼地，沙律就去浸溫泉喇！去旅行都不忘打卡，著住黑色比堅尼嘅佢喺池邊擺Pose，33E嘅巨胸就好似導彈咁飛出嚟，網民都係到諗張相唔知係咪男友影嘅呢？

同場加映：沙律 Kimi閨蜜遊記台灣鬥胸狠宅男女神沙律同好姊妹趙詠瑤（Kimi）一齊去台灣嚟個閨蜜遊，為寫真集《閨蜜遊記》影靚相，雖然話係旅遊書，不過大家知道重點係咩啦！

胸戰： 33E vs 32D期間沙律同Kimi忍唔住提早些牙靚相，圖中見到兩人以水著胸貼胸相擁，沙律33E上圍頂住Kimi32D上圍，呢一場「胸戰」打和啦！

兩人外面似係套住件白色恤衫，更突顯出佢哋白滑肌膚，若隱若現別有魅力，加埋回眸一笑呢招，正！

沙律同Kimi仲有三個唔同系列的造型，全部都係咁靚！
1. 噴血小雲風

2. 傻系雪糕風

3. 戰鬥民族風

旅遊書封面非常引人入勝，沙律出面著住粉紅花瓣嘅粉藍色潛水衣，不過中門大開，見到入面著住純白色交叉比堅尼，未知係咪揀咗細Size嘅泳衣，33E嘅巨胸都包唔住。
沙律同Kimi就親身帶讀者由台北玩到落台南，當中仲有一部份相突破二人底線。除左靚相，書中仲會介紹兩人認為值得去打卡嘅景點。如果男朋友帶呢本書去台灣做旅遊書，希望女朋友唔會嬲啦，佢都係想搵個好地方幫妳影靚相咋。

話就話叫沙律，不過睇嚟鍾意雪糕多啲啵！
扮日本學生妹同樣令人噴血啊！
撞泳衣出位

今年書展同趙詠瑤合出寫真《閨蜜遊記》，除咗E級身材，最多人講絕對係竟然同楊思琦撞埋同款淘寶泳衣。

沙律玩角色扮演同林耀聲拍拖兩年、不時晒恩愛，打風都打唔甩咁滯，最難得係男友生活上對沙律呵護備致，不過工作上就從來都支持同尊重女友決定，包括今年書展本《閨蜜遊記》同出年單拖再上陣的寫真大計。感情好啫，又唔使下下糖黐豆全程貼實嘅，早前本刊就發現沙律一個人、帶住一條毛巾一張蓆，薄施脂粉去到淺水灣曬足半日太陽。

E級女神沙律出完寫真原來仲未晒夠身材，日前一個人比堅尼上陣，去到淺水灣沙灘曬足半日太陽。「一個人可以放啲！」本刊致電沙律，原來男友天生黑底唔敢再曬、自己就寫真集後工作量暴增搞到休息不足精神欠佳，所以一有空嗱嗱聲補充吓維他命D喎：「寫真印咗2,000本，書展已經賣咗1,600本，剩番喺書局賣都就嚟斷貨，好滿意呢個結果。其實拍完呢本，我都已經同公司傾緊想搵唔同團隊合作出年再影，到時就會係自己一個人影，唔使就住就住、多啲自由度，可以再放啲。尺度方面，都係三點式，不過主題我覺得可以玩好多嘢，最想就係制服、cosplay、唔同角色乜都試吓，滿足吓自己又可以畀人哋見到我可塑性好高，搵我做唔同角色。我做啲咩，男朋友都好支持從來唔會唱反調。雖然佢份人唔出聲，成個話題終結者咁，但有時見到佢拍戲會不知不覺演繹咗我哋生活小細節，我覺得大家一直互相影響，真係好幸福！」騷完半球大解放完再順手放吓閃，日光加埋閃光彈襲擊，好曬呀！