科技與經典 Honda Electric Cafe Racer概念

近年復古風盛行，衫要復古，遊戲機要復古，就連復古嘅電單車款式都大受歡迎，當中又以輕量、簡潔嘅「Cafe Racer」最為流行。但另一邊廂，科技又慢慢地將「汽車」變成「電車」，近年各大車展都展出唔少「電動電單車」概念，喺技術上走上尖端。一邊係復古、一邊係科技，兩樣嘢好似風馬牛不相及，但其實一樣可以撈埋黎做瀨尿牛丸嘅！呢部由Pablo Baranoff Dorn同Alex Guliyants設計嘅Honda Electric Cafe Racer就係呢粒瀨尿牛丸。以Honda 125cc Cafe Racer為藍本，但就換上7500W摩打，配2100Wh電池，理論航程為120km，最高時速100km/h。目前有兩個型號，分別係用上碳纖車架嘅Cafe Racer 1，以及用鋼架但平啲嘅Cafe Racer 2。由於唔需油缸、亦冇外露引擎，所以車身線條相當「四正」，而喺油缸位置就加裝咗液晶體顯示，提供電力資訊。雖然佢目前仲係概念，但呢架Electric Cafe Racer乃係為咗本身已經有出開「電．單車」嘅Denzel而造。據報Denzel仲有可能於2018年頭將其正式投產！所以話唔定好快就可以面世啦。 Pablo Baranoff Dorn on Behance


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁