【食過返尋味】奧山清行Pebble Beach推新作Kode 0

奧山清行（Ken Okuyama）呢個名喺超跑界仲係有價值嘅，畢竟佢曾經係賓利法連拿（Pininfarina）設計室嘅首席設計師，多款法拉利（Ferrari）出自佢手筆。 奧山清行自立門戶之後，間中發表「一部起．兩部止」嘅新車，去年呢個時間，佢就喺美國圓石灘（Pebble Beach）汽車節，發表稱為Kode 57（http://www.menclub.hk/auto/7577）嘅新作，明眼人一睇都估嗰部車嘅底盤來自法拉利，即係話，以現成底盤，配新設計body，舊酒、新瓶，唔畀面講就係「笠殼」。你米理，Kode 57屹今已賣出5部，證明百貨真係有百客。




奧山先生唔知係唔係「食過返尋味」，見去年Kode 57幾得傳媒歡心，加上曝光率高，今年再喺Pebble Beach推出Kode 0。




一眼望埋去，Kode 0十足林寶堅尼（Lamborghini）Aventador。無錯，的而且確係，接近700匹嘅林寶堅尼V12機器就瞓喺引擎艙。奧山清行話Kode 0嘅設計意念來自意大利汽車設計大師簡迪尼（Gandini）多款經典概念車或街車，例如Countach、Miura、Startos Zero等等。 果然夠老實，話明畀你聽「意念」來自邊度，唔怕你串咀多咀。Kode 0喺現階段只計劃製造一部，聞說已名花有主，售價不明。你係啱嘅同佢哋斟吓囉。






[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁