今日約左個男人出黎地鐵站交收，出到黎講D咁既野...都痴痴地

:0:0

由於成日上網團購或者買野關係
成日都會約左團主/賣家去交收最近我遇到個真係火火地
話說約左個團主去MK 6:30pm交收
又話得兩個時間地點選擇唔得就要郵寄
ok 就算我係幾唔夾個時間但我想面交都就你
我6:30趕到去MK 我工作地點離MK 好遠
我打俾團主：「你好啊，我約左你交收架，我到左架啦，請問你係邊到？」
團主：「我會遲20分鐘先會到，到時會係閘內交收」

之後大概我都係同佢講我趕時間唔該佢盡快
老實講其實我真係呆左
你會遲到唔係6點半呢刻先知掛？
我趕到黎打俾你你同我講你會遲20分鐘
仲要一d歉意都無你好似完全預期人地係一定要有呢d時間去等你
我之後都約左朋友
你遲到搞到我都會遲到但問題係你早少少同我講聲都無
要我打俾你問你係邊你先話你會遲到
呢個人搞既團購永不錄用就算人地貴d都唔會揀佢

---------------------------------------------
我都試過FB買野..諗住郵寄唔駛煩...點知條友寄錯貨....叫我掛號比返佢..我又要走去郵局寄...本身諗住郵寄就係唔駛走黎走去..點知我又要去返郵局寄返錯既貨比佢..
跟住等成個WEEK佢都唔寄返岩果件貨我..!!!!!!
我FB狂MSG佢..佢話自己有病...出唔到門口!!!!!!!!!!!!!!!!
我叫佢唔駛寄..轉返錢比我算....又要等多一個WEEK!!!!!
呢間野仲要勁多人LIKE!!!!...
----------------------------------------------
大把古怪o既人
最經典係有次賣電腦嘢, 我list d 時間都係下午, 但佢想11am, 咁我都就佢
但o個朝突然話想食埋早餐先, 叫我1:30pm
而我1pm-2pm lunch hour, 1:30pm兩頭唔到岸, 同佢講要2pm, 佢答我可以
點知佢1pm就whatsapp話晌觀塘過o黎, 我話嚇, 你咁突然, 最快都要1:40pm, 叫佢晌閘口等一等
我因為衰好心, 費事人地等咁耐, 好快咁食完個飯就急急腳去mtr
結果1:40pm去到, 打電話, 佢竟然仲晌quarry bay 站到唔知做乜
我唔高興, 佢夠膽話"哦, 唔緊要啦, 幾個站, 好快咋嘛"
唔緊要? 你有資格講唔緊要?
如果我唔係想快d 賣咗佢, 先唔會理佢
初初聽佢談吐, 我以為佢係d 20歲o靚仔, 點知o黎到係 30幾歲, 著brand name西裝o既男人

[圖擷取自網路，如有疑問請私訊]