10個比「on9」更高程度的粗口鬧人廣東話

:0:0

10個比懵炳更地道的鬧人廣東話

用廣東話鬧人絕對可謂博大精深，以下10個經典廣東話鬧人用字，你又用過未？
1. 陰質
意思：有指正寫為「陰騭」，現時坊間慣寫為「陰質」，形容刻毒、涼薄，多用來形容小人。
普通話說法：歹毒、狠毒
例句：嘩，佢份人咁陰質，唔驚有報應架咩？
2. 食塞米
意思：指那些終日遊手好閒，別無建樹嘅人。
普通話說法：廢物、沒用
例句：班「廢青」都食塞米嘅！
3. 納懦
意思：又有人會寫作「立懦」（音：lap9、糯），形容人行事緩慢又懦弱，「納」一字帶有「黐立立」的意思。
普通話說法：慢吞吞
例句：條友成日都咁「納燸」o架，又遲大到啦！

4. 拿西
意思：有指正寫為「揦西」，指一個人做事錯漏百出，馬虎了事。
普通話說法：馬虎
例句：你呢個竹升妹做嘢可唔可以唔好咁「拿西」呀？
5. 木嘴
意思：「木」的讀音是muk1，指做事沒分寸，而且口齒不伶俐的人。
普通話說法：笨蛋
例句：個條「木咀嘴」都唔得話頭醒尾嘅，又做錯事啦！

6. 淆底
意思：形容人臨陣退縮，不願意承認責任。
普通話說法：逃避，臨陣退縮
例句：大佬，你俾啲「吉士」啦好無呀，一日到黑成個淆底獸咁。
7. 茂利
意思：利字讀音為「里」（音：lei2），亦有不少人會寫成「茂李」。多配以量詞「條」字使用，基本上只會用作形容男人。
來源眾說紛紜，有人指是來自英文moron，即傻子；有說法解釋是「謬戾」的變音，原指荒謬、狼戾合而為一的人；亦有人認為是來自mullion一字，即建築物的支柱，由於當年英人來港建樓，不時對著木柱大嗌mullion，當時不懂英文的港人就取其意，對一些「蠢過碌木」的人鬧作「茂利」。
普通話說法：傻逼、沒用
例句：你條茂利真係陀衰家！
8. 卡啦蘇
意思：或叫「騎呢蘇」，指一些舉止或外表騎呢的人。
普通話說法：奇奇怪怪
例句：條友神神化化，日日食左「忽得」咁嘅款，正一「卡啦蘇」嚟o架！
9. 磨碌
意思：有意見指是Moron的另一音譯，指人外表及行為都非常愚笨，與白痴仔、低能仔同意思。
普通話說法：白痴
例句：你條磨碌醒少少好無呀？
10. 呢咁HEA
意思：多指狼狽，亂七八糟的情況。
普通話說法：笨手笨腳
例句：今次同佢part埋一齊跟呢個project，真係俾佢搞到「呢咁HEA」。
好明顯，用廣東話鬧人絕對傳神得多！所以廣東話豈有不撐之理呢？

[圖擷取自網路，如有疑問請私訊]