翻大陸叫雞上曬癮，於是決定買隻大陸雞，翻黎香港做老婆！

:0:0

我屋邨仔出生，讀一間band 5到中五會考肥曬佬。
我本身係個大肥仔，180cm高但有200磅重。讀書又唔叻，又樣衰，從未拍過拖！
之後出尼做野，做過裝修，印刷，報紙佬，sale屎，廚房，現在做清潔科文，
做得這些行業自然啲同事都係比較【真性情】又照顧同事，所以好快就打好關係仲會係放工之後帶我去玩，冇錯就係北上尋歡。
我肥仔一名女就永遠當我好朋友，同。伍姑娘相處左幾年，到約二十歲就受唔住誘惑跟同事北上，終於一試上癮，之後每個星期六，日都係大陸玩。
之後仲做埋炮兵團長帶我啲正經的老友上去尋歡。
不過我的正經老友只係叫小姐陪飲酒唱k，冇帶返房過夜，試過帶佢地幾次上去都係咁就覺得冇癮，就好小同佢地聯絡了。
都係覺得搵啲雞蟲一齊北上玩得放啲。
星期一至五就係香港工作做到隻狗咁，但到星期六、日北上就好似皇帝咁，真係返唔到轉頭，而且冇拍拖單身有唔開心又冇人傾，但北上啲小姐無論你幾九噏都好專心聽，
我果時真係覺得搵隻雞做女友好過啲fd拍拖拍到隻狗咁，管接管送又乜又七做奴隸咁款。
大約二十五左右我已經覺得拍拖追女係on9行為，已經對香港女仔冇曬興趣。
但身邊啲朋友已經唔再係講拍拖情情愛愛，而係開始玩準備結婚，成日死慳死抵儲錢為結婚。
話要三十萬先夠結婚，我話搵隻雞結婚都係駛你幾萬蚊，有需要用咁多錢咩？
我啲fd話你唔明架喇，你小個「賓」都娶唔到人地個女呀。我果時冇駁佢嘴，只覺得又係on9行為。
差不多三十歲時，啲正經老友個個結曬婚。自己叫雞都叫到悶，開始追求一種心靈上的安慰。
想有個人關心你，係長期而穩定的，唔係每次都由唔同的小姐關心你咁表面。就開始係大陸夜場搵女友，啲女聽到你叫佢做你女友「o累」飯應啦，因為即係包起佢，
包得幾個月佢地就現型開始想攞錢，咁我都知咩事就散啦。
現在我就開始知啲fd拍拖果種真心對你好的港女有啲地方係遠勝北姑。
我北上同啲小姐拍左幾次拖都係想攞我著數就冇再搵女友了。都係正正經經尋下歡算數。
上去玩得多都會同幾間夜場的媽咪較熟，佢地都知一啲雞蟲玩得多都想搵條女過人世，就介紹左一啲都想上岸的小姐比我識，
這些小姐年紀通常比較大，唔可以再做得幾耐，而且後生時賺埋啲錢都寄曬返屋企給父母兄弟姊妹，自己冇乜錢又開始冇客。
佢地通常都會安守本份唔會要你好多錢。就係咁我就同左一個叫阿娟的女仔拍左一年拖就結婚。
講下阿娟先，佢大約155cm高，拍埋我度高低差距很大，佢個樣唔靚，身材亦是普通，廋廋地唔肥，但就係咁我先安心。
同埋我ed玩左咁多年，有乜未見過，外表對我已經唔太重要。
我同阿娟係香港淨係搵律師註冊，屋企冇乜親戚，冇擺酒只係同啲朋友食飯介紹下我老婆。
我同老友及家人講阿娟在夜場做斟茶遞水，不過我覺得大家都好似唔係好信。
但大家都冇乜再追問我，可能大家都心照。
順便講下我係老婆外家擺酒啲野比大家聽。
佢家鄉係江西，佢嫁到香港人屋企人話要我跟佢返鄉下擺酒，擺酒係擺中午，一圍酒先700蚊人仔，婚紗化妝等等都係幾百蚊，真係抵到爛。
擺左廿幾圍又送禮比外父外母，成個旅程都只係駛左兩萬幾差不多三萬。同香港結婚駛三十萬真係差好遠。
結婚後老友問我會否接老婆黎香港住，我當時諗住老婆住我父母早年係常平買落果層樓，而且大陸生活指水又低，一個月比兩三千蚊佢就乜都夠。
但咁樣我一星期只見到老婆一兩日，過左半年老婆就話不如申請雙程證比佢落香港住，等佢可以照顧我及打理家務，佢日日一個人好悶，想見我多啲。
男人就係心軟，而且我係一條雞蟲，老婆係常平時我係香港要出去「鍬鐘仔」都駛兩千蚊一個月，有老婆係身邊可以慳返啲錢。
我係同父母一齊住公屋的，老婆落尼就間多左一間木板房，一家四口我覺得都ok，老婆亦冇怨言。
一齊住就可以經常拍拍拍，仲可以唔駛交5毫子膠袋稅。但就係咁樣好快就搞大左個肚，咁都冇法啦咪生出尼囉，總養得大嘅，我細個咪又係天生天養咁大。
但我開始發覺同老婆有啲爭拗，以前乜都聽我話的情況有啲改變，雖然未至於野蠻，但始終唔再係以前的綿羊。

有次爭吵得比較利害的一次，佢竟然嬲到大住個肚「六個月」自己一個走返上常平間屋，我即刻同公司攞左日假上去接佢返落尼，
自己心諗可能我仲當自己係以前北上尋歡態度，老婆忍忍埋埋終於爆，我都叫自己以後要對老婆好啲。
因為老婆唔係香港人，冇得睇政府醫生，所以去睇私家婦科，醫生叫我排定期，我又懶懶閒冇理，到決定排期點知醫院冇曬位，又要去排返政府，但就要收私家醫院收費，生b出院駛左四萬幾。
我啲老友雖然個個結曬婚但就冇一個生b。我最遲婚但最快有女，家庭重擔亦開始越來越大，
本身做一更清潔都仲維持到，但駛左咁多錢同埋多個人食飯真係要諗諗辦法，就同公司講想做多一更。
一更8個鐘現在兩更做16個鐘，但好在有得蛇王早走，實際返13、4個鐘，一個星期做六日，每日都過住啲咁嘅生活都幾倦。
由於每日七點幾出門口返工，夜晚成十一點先返屋企，返到屋企已經冇乜氣力同阿女玩，都係望兩望就沖涼休息，比較多時間對個女係放假果日。
但阿女三個月大開始認人，我一個星期先陪佢一日，佢鬼認得我咩，搞到我同佢玩下佢又唔理我，抱佢仲哭到收唔到聲，掂下佢手仔都縮手。
唔係話我唔想同阿女建立良好關係，而係生活迫人，時間就係換取家人生活需要的代價，
久而久之阿女就變非常之跟媽咪，對我有些似迫生人。
不過我都好愛我個女，但就不會有好親密的接觸例如抱抱或鍚。
通常我都係望住阿女同媽咪玩，不過望得多都會悶，之後放假我都係訓覺或者自己搵節目，例如去「鍬鐘仔」。
由於老婆係攞雙程證落黎，所以每三個月都要返鄉下再申請過，以及順便返去陪下外父母。
老婆每次返上去都會帶埋阿女，我就好似回復單身咁可以再次北上。
其實久唔久上去玩下真係幾開心，尤其係現在返多左一更生活壓力更大，你或者話有乜煩惱可以同老婆講，但其實最大煩惱咪就係老婆果度囉，北上你可以忘卻煩惱。
其實我老婆都算唔錯，係屋企肯做家務，照顧女兒，對老爺奶奶都好尊重，對我都算幾好，我可能因為肥及以前飲得多酒，又工作時間長，出現左輕微的痛風証，
老婆係飲食上都聽足醫生吩咐邊啲唔食得就唔煮，阿女的生活細節都由佢安排，我唔駛操心。
不過到阿女開始返幼稚園之後，佢係接阿女返放學時識左一啲同佢一樣嫁落尼香港的大陸女人。
文章未完，點擊這裡閱讀全文!

[圖擷取自網路，如有疑問請私訊]