是咁的今日晏就係旺角兆萬等緊女朋友 , 有條MK妹:「你望乜X野呀!!」

:0:0

是咁的
今日晏就係旺角兆萬等緊女朋友
咁我平時就早開15分鐘,女朋友就遲開30分鐘,咁我無無聊聊玩下手機目及下女咁
係我大概係左方十零米到見到有三條女
其中一個就著住藍色長裙披住件白色針織冷杉既女仔黎,亦都係Hi勁我望乜向左走向右走野既女黎
另外兩個都係普通白t加熱褲
咁三個都幾靚女既,都唔係幾嫁啦,我諗成個旺角個刻最靚佢地三個
咁作為男人既我緊係忍唔住望多幾眼
慢慢由下而上仔細打量一下
點知個藍色長裙女大大聲罵我 "你望乜向左走向右走野!!"
我個下心都慌咗慌,因為佢好大聲,成個兆萬門口d人都望過黎
我諗住息事寧人,做兩個道歉手勢就算,haha咁既笑容,都幾似隻狗
佢地都無追撃,繼續傾計
咁三十秒左右後聽到個藍色長裙女笑勁我,話香港男人無鬼用
咁我火都黎,即刻將個身對正佢地,望實佢地
個女仔又再一次問,你望向左走向右走夠未
我都係無講野
做個咁既手勢

咁同上面張gif又唔多同,係叉一叉自己對眼,再上下蛇形咁將兩隻手指叉去佢地到
本來想重振雄風,點知條女唔識死行埋黎我到問多我一次你望乜向左走向右走野
本來我打算調戲下佢地話你靚嘛,
但念頭一轉,我一路都無出過聲,不如扮啞
我指一指自己喉嚨,發出呀呀既聲音,示意自己講唔到野
我見到條女迅間慌咗慌,我諗佢萬萬無估到自己兇緊一個傷殘既
個受害者立場迅間轉換
我諗個刻成個兆萬d人都會諗呢個女仔咁惡劣嫁
咁個藍色長裙女即刻say個sorry,已經無咁強勢,仲有d眼濕濕,可能知自己玩大咗
我都做個手勢類似講唔緊要,我見你三個靚先望多下姐
個藍色長裙女已經不斷say sorry,又對唔住,我唔知我儻心你唔好嬲我之類,終於流兩行馬尿
我見猶憐,唉,我又痴根拎水幫佢抹
咁我個樣同身型都中上既,又180少d咁,都有番咁上下魅力,又有做下gym,絕對係可以打向左走向右走死你既身型
咁我叫佢番去啦,我無野嫁之類既手勢
咁我見佢又喊又say sorry咁,都唔好意思踢爆自己呃你嫁,我扮之類,廢事佢又Seven多鑊
但係依家,我同女朋友食緊放題,佢坐我隔離台,我無留意到,我侃侃而談同女朋友傾咗差唔多半粒鐘
呢篇野都係岩岩打,我feel到佢望番我轉頭
我應唔應該大聲兇佢你望乜向左走向右走野

[圖擷取自網路，如有疑問請私訊]